გულშემატკივარი სატრანსფერო ფანჯრის გახსნის მოლოდინშია …

მორიგი ჩაგდებული სეზონის შემდეგ , ტურინის იუვენტუსის გულშემატკივრების ერთადერთ იმედად მოახლოებული სატრანსფერო ფანჯარა იქცა . არაერთი ცნობილი ფეხბურთელის სახელს და გვარს უკავშირებენ ლეგენდარულ კლუბს . მოდით გადავხედოთ იტალიური პრესის ფურცლებზე გამოქვეყნებულ სიახლეებს და რეალურად შევაფასოთ , თუ ვისზე შეაჩერებს არჩევანს მაროტა და კომპანია …

უმჯობესი იქნება თუ პირლოთი დავიწყებთ . მსოფლიოს 2006 წლის ჩემპიონს , ბოლო რამდენიმე კვირის განმავლობაში აქტიურად აგზავნიან ტურინში . გუშინ წინ კი  საერთოდ  გავრცელდა ინფორმაცია , რომ თითქოს მხარეებმა მოახერხეს საერთო ენის გამონახვა და მილანის შუახაზელი სამ უახლოეს სეზონს ბიანკონერის რიგებში გაატარებდა .  თუმცა , ჯერ ჯერობით ეს მხოლოდ ჭორია . ნათელია მხოლოდ ერთი რამ , ანდრეას არ სთავაზობენ ახალ კონტრაქტს მილანში  , რაც მის გაოცებას იწვევს . სიტუაციის ამავე კუთხით განვითარების შემთხვევაში კი , პირლო იუვენტუსში გადაბარგდება .

იმისთვის რომ იყიდო , ჯერ თავად უნდა გაყიდო . სამწუხაროდ ბოლო წლების განმავლობაში შავ თეთრების რიგებში , იმდენი გასაყიდი ფეხბურთელი დაგროვდა , რომ კლუბმა შესაძლოა ისინი უახლოესი 5 წლის მანძილზე ვერ გაასხვისოს . ალტერნატივას კლუბი ფეხბურთელების გაცვლაში ხედავს , კერძოდ გარკვეული თანხის დაფარვის სანაცვლოდ . მაგალითად , GdS – ს მტკიცებით მაროტა ძალიან მიმზიდველ წინადადებას ამზადებს პალერმოსთვის . არავისთვის არის საიდუმლო , რომ საქმე ხავიერ პასტორეს ეხება . იუვენტუსი მზადაა 30 მილიონი და პლიუს ამაური , ჯიოვინკო და პალადინო დაუთმოს ძამპარინის , რომელიც მიუხედავად იმისა რომ აღფრთოვანებულია არგენტინელის ასპარეზობით , ასეთ წინადადებაზე უარს ვერავითარ შემთხვევაში ვერ იტყვის . არ უნდა დაგვავიწყდეს ისიც , რომ მაროტას მშვენიერი ურთიერთობა გააჩნია სიცილიური კლუბის პრეზიდენტთან .

რაც შეეხებათ დანარჩენ ფეხბურთელებს , რომლებიც გასასვლელში იცდიან : მოტა , ტიაგო , იაკინტა , გრიგერა , მანინგერი , რინაუდო , ტრაორე , მარტინესი , სალიჰამიჯიჩი , სისოკო და გროსო . სტორარი და პეპე ჯერ ჯერობით კითხვის ნიშნის ქვეშ არიან . დამეთანხმებით ალბათ საკმაოდ შთამბეჭდავი სიაა . შესაძლოა რამდენიმე მათგანი მაინც დარჩეს გუნდში , ღრმა რეზერვისთვის . რეზერვთან დაკავშირებით უნდა გითხრათ, რომ სავარაუდოდ პაციენცა გავიფორმეთ , სრულიად უფასოდ .

ცალკე აღნიშვნის ღირსია ხორხე მარტინესი , რომელმაც საერთოდ ვერ გაამართლა ის 12 მილიონი რომლის ინვესტიციაც განახორციელა მასში კლუბმა . დადის ხმები რომ ურუგვაელი კარიერას ფიორენტინაში გააგრძელებს  . ტურინელები არ არიან წინააღმდეგნი ჩართონ იგი ერთ ერთი ფლორენციელი მოთამაშის ტრანსფერში : მონტოლივო , ჯილარდინო ან ვარგასი .

კარგით , მოდით წინა ხაზის ამბებზე გადავინაცვლოთ . კანდიდატების სია ნამდვილად , რომ გადასარევია : ბენზემა , აგუერო , ნეიმარი , იგუაინი , ტევესი … მაღალი კლასის მოთამაშეები , რომ არიან ამას წყალი არ გაუვა , თუმცა საკითხავი ის არის ვიხილავთ თუ არა რომელიმე მათგანს ტურინში !? ნეიარს და იგუაინს , სავარაუდოდ რომ არა . მაგრამ საკმაოდ კარგი შანსები აქვთ ტევეს და ბენზემას . სულ რამდენიმე ხნის წინ შევხდნენ ერთმანეთს მაროტა და პერესი , რამაც ჟურნალისტებს ახალი სალაპარაკო თემა მისცა . თავდაპირველად უნდა დავაფიქსიროთ ერთი რამ  , ნამდვილად არ არის ჭორი , რომ რეალის და იუვენტუსის წარმომადგენლები ერთმანეთს შეხვდნენ – თუმცა რამდენად მიდიოდა სატრანსფერო თემებზე საუბარი ეს ჯერ არავინ იცის დაზუსტებით . ჟურნალისტების ინფორმაციით პერესი დაინტერესებულია ამაურის , კიელინის , სისოკოსი და მელოს კანდიდატურებით . მაროტას ინტერესის სფერო კი მთლიანად მადრიდის რეალი ყოფილა : ლასანა დიარა , იგუაინი , ბენზემა , გარაი , არბელოა , ხედირა , ხაბი ალონსო და კაკაც კი …

სულ დაგვავიწყიდა ბასტოსის თემა . ბრაზილიელ მოთამაშეს ერთი პერიოდი უკვე იუვენტუსის ფეხბურთელათაც კი ნათლავდნენ , თუმცა შემდეგ საუბრები მიწყნარდა . ეხლა კი მინდა გითხრათ , რომ მიშელმა მოაგვარა ყველა საჭირო დოკუმენტი ევროპული პასპორტის ასაღებად , ასე რომ ის უკვე მზად არის ახალი თავგადასავალისთვის  . ჯერი იუვენტუსზეა …