ფეხბურთელების შეფასებები

გთავაზობთ ტურინის იუვენტუსის ფეხბურთელების შეფასებებს , პარმასთან ჩატარებული მატჩის შემდეგ …

ბუფონი – 7 – მისმა ორმა სუპერ სეივმა პირველ ტაიმში , პასუხი გასცა ჯონ ელკანის განცხადებას , რომ ბუფონი უკვე წელიწად ნახევარია არ თამაშობსო – როდესაც იგი ჯანმრთელად არის , ბუფონი განუმეორებელია . ჯიოვინკოს დარტყმული კი ნამდვილად აუღებელთა კატეგორიაში შედის .

მოტა – 5 – ყველგან იყო გარდა იმ პოზიციისა სადაც უნდა თამაშობდეს . მისცა სივრცე ჯიოვინკოს რომ სისწრაფე აეკრიფა და ყოველგვარი პრობლემის გარეშე დაერტყა კარის მიმართულებით .

ბარძალი – 6 – მიუხედავად იმისა, რომ დააგვიანა დაეფარა ჯიოვინკოს დარტყმული , დაცვის ხაზში მაინც ყველაზე საიმედო იყო .

კიელინი – 5.5 – თავდაჯერებულობა აქვს დაკარგული . ცდილობს ბურთის მოგერიებას , რადგან თავიდან აიცილოს შეცდომები . არასაიმედოა საჰაერო ორთაბრძოლებშიც .

გროსო – 5 – გაიქცე თუ არ გაიქცე ? გროსო ბევრს ფიქრობდა ამაზე , იმდენად ბევრს რომ თამაში მალევე დასრულდა …

მარტინესი – 4.5 – როდესაც იგი მოედანზეა , თავი მშვიდად უნდა ვიგრძნოთ , რადგან 100 % – ით ჩააგდებს ნებისმიერ თამაშს .

ტონი ( 66 წუთიდან ) – 6 – როგორც ყოველთვის აქტიურად ჩაერთო მატჩში . ახლოს იყო გოლის გატანასთან , წნეხის ქვეშ ჰყავდა პარმას დაცვის ხაზი .

ფელიპე მელო – 5.5 – გუნდის არასტაბილური სიტუაცია მასზე მოქმედებს . ბევრჯერ დაკარგა ბურთი , არ ახდენდა ზეწოლას მეტოქის ნახევარდაცვაზე . მიუხედავად ამისა ორჯერ საკმაოდ სახიფათოდ დაარტყმა მირანტეს კარის მიმართულებით .

ჯანდონატო – 6.5 – მანამ სანამ მოედნიდან გავიდოდა ერთადერთი იყო ვინც საკუთარ საქმეს კარგად ასრულებდა .

ტრაორე – 5 – პირველი 8 წუთი კარგად ასპარეზობდა საყრდენის პოზიციაზე . შემდეგ კი როგორც იქნა დაიბრუნა საკუთარი რეალური სახე – ანუ ის ვისაც ვერაფერი მოუხერხა არსენალმა .

პეპე – 5 – მაქსიმუმს იღებს რაც შეუძლია , იხარჯება 101 % – ით აბსოლიტურად ყველა პოზიციაზე რომელზედაც მოუწია ასპარეზობა , თუმცა სამწუხაროდ ამას არანაირი შედეგი არ მოუტანია .

სალიჰამიჯიჩი ( 72 წუთზე ) – 5.5 – საოცარია . ნუთუ ვინმე ელოდა რომ ის ამ შეხვედრაში გარდატეხას შეიტანდა ?

მატრი – 4.5 – გუნდი არ თამაშობდა მასზე და თვითონაც მაინც და მაინც არ იხვრწოდა რომ გუნდისთვის ეთამაშა .

დელ პიერო – 4.5 – ნამდვილად არ იყო მისი დღე . ცდებოდა ელემენტარულ გადაცემებშიც კი .

დელ ნერი – 5