ციგლერი : “ძალიან ბედნიერი ვარ”

ტურინის “იუვენტუსის” ახალწვეულმა, რეტო ციგლერმა ბებერი ქალბატონის ფეხბურთელის რანგში ოფიციალურ ვებ-გვერდს  პირველი ინტერვიუ მისცა.

– რა გრძნობაა, როცა გადიხარ სამედიცინო შემოწმებას და აფორმებ კონტრაქტს ისეთ გუნდთან, როგორიც იუვენტუსია ?

“ძალიან ბედნიერი ვარ.ყველაფერმა უმაღლეს დონეზე ჩაიარა.მოუთმენლად ველი მომენტს, როცა იუვენტუსის მაისურით მწვანე მინდორზე გავალ.”

– რატომ გადაწყვიტეთ “იუვენტუსში” გადმოსვლა ?

“ეს დიდი პატივია.ვთვლი, რომ კარიერაში დიდი ნაბიჯი გადავდგი.აქ ჩემი შესაძლებლობები მაქსიმალურად უნდა დავამტკიცო.მაღალი კლასის მოთამაშეებთან ერთად თამაშის ხელიდან გაშვება შეუძლებელია.”

ტურინის “იუვენტუსი” მუდამ გამარჯვებისთვის იბრძვის, როგორ ფიქრობთ, შეძლებთ ამ გუნდში წვლილი შეიტანოთ ?

“მე ფლანგის მცველი ვარ, თუმცა შეტევებშიც აქტიურად ვერთვები.საკმაოდ ტექნიკური ვარ, შეტევისა და დაცვის შეწყობა ერთმანეთთან ნამდვილად შემიძლია.”

– კუთხურებსა და საჯარიმო დარტყმებს საკმაოდ ხშირად ასრულებთ, ამის ნამდვილი პროფესიონალი ხართ..

“სტანდარტების შესრულება ჩემი ერთ-ერთი მთავარი პლიუსია.იმედი მაქვს, ალესანდრო დელ პიერო რამოდენიმეჯერ მაინც მომცებს ჯარიმების შესრულების უფლებას, რადგან სეზონში 2-3 გოლი სტანდარტებიდან მაინც გამაქვს.დიახ, კუთხურების მოწოდებაც შემიძლია, ყველა განაპირა მცველი სტანდარტების შემსრულებელი არაა, მე კი ჩემს პლიუსად მიმაჩნია.”