აღმასვლა/დაღმასვლა – დიეგო რიბას და კუნია

10 წლის წინ, 16 წლის ასაკში “სანტოსის” ძირითად შემადგენლობაში დიეგო რიბას და კუნია გამოჩნდა.ბრაზილიური კლუბი უდიდეს ფინანსურ კრიზისში იმყოფებოდა, ამიტომ ხელმძღვანელობა ახალგაზრდა მოთამაშეების იმედად იყო დარჩენილი, ისეთების, როგორებიც ალექსი, რობინიო და ელანო არიან.სწორედ ამ ფეხბურთელებმა იხსნეს “სანტოსი” უდიდესი კრახისგან.

უკვე შემდეგ წელს დიეგო რობინიოსთან ერთად ბრაზილიის ჩემპიონატის გამორჩეული ფიგურა გახდა.მიუხედავათ იმისა, რომ კუნია მხოლოდ 17 წლის იყო, შესანიშნავად გამოვიდა ლიბერტატორესის თასზე და გუნდი ფინალამდე მიიყვანა.

2003-06 წლებში დიეგომ ბრაზილიის ნაკრებშიც გაიბრწყინა, მაგრამ 2004 წელს საოლიმპიადო განაცხადში ვერ მოხვდა.ამის შემდეგ, დიეგომ სამშობლოდან პორტუგალიას მიაშურა, იგი “პორტომ” გარფორმა.ამ შემთხვევაში დიეგოს საკმაოდ რთული მოვალეობები დაეკისრა.მისი მთავარი მიზანი გუნდიდან წასული დეკუს ჩანაცვლება იყო.ბრაზილიელმა პორტოში პირველი სეზონი შესანიშნავად ჩაატარა, მაგრამ შემდეგ, ძირითად შემადგენლობაშიც კი უჭირდა მოხვედრა.

2006 წელს, 21 წლის ასაკში რიბას და კუნია ბუნდელისგას მიაშურებს, იგი “ვერდერმა” გაიფორმა.მთავარი მწვრთნელი მას მშობლიურ პოზიციაზე ათამაშებდა, ნამდვილი ათიანი, მოთამაშე ფორვარდების ზურგს უკან.შააფის ცვლილებებმა შედეგი ნამდვილად აჩვენა, კუნიას ყოველ თამაშში ან თავად გაჰქონდა, ანაც საგოლე პასს იწერდა აქტივში.

ფეხბურთელის კარიერაში, ერთ-ერთი ხელის შემშლელი ფაქტორი ხასიათია, დიეგოს მთავარი პრობლემაც სწორედ ეს იყო.2007 წელს, “ფრანკფურტთან” შეხვედრაში დიეგომ სოტირიოს კირიაკოსზე იუხეშა, უფრო ადრე კი, ჩემპიონთა ლიგის მატჩში, “ლაციოს” წინააღმდეგ გამოამჟღავნა მისი ფეთქებადი ხასიათი.2008 წელს, კარლსრუესთან შეხვედრაში კუნია დაუნდობლად ურტყამს მეტოქეს ყელში, გერმანიის ფეხბურთის ფედერაციამ ამ საქციელის გამო ბრაზილიელი 4 მატჩიანი დისკვალიფიკაციით დასაჯა.ეს ყველაფერი 4 თვის შემდეგ მოხდა მას შემდეგ, რაც დიეგო საკუთარი სურვილით გაემგზავრა ოლიმპიურ თამაშებზე ბრაზილიის ნაკრებთან ერთად, მიუხედავათ ბრემენელების აკრძალვისა.

გაზაფხულზე დიეგო პოლიციის განყოფილების სტუმარი გახლდათ, ავტომობილის გადაჭარბებული სიჩქარით მართვის გამო.სწორედ ამ მომენტში გადაწყვიტა ვერდერმა ფეხბურთელის გასხვისება.ბრაზილიელმა დაკარგა ადგილი ძირითად შემადგენლობაში და ტრეკვარტისტას პოზიცია კიდევ ერთ ამომავალ ვარსვლავს, მესუტ იოზილს დაუთმო.”იუვენტუსის” მხრიდან 24,5 მილიონიანი შემოთავაზება განხილულიც არ ყოფილა, “ბრემენელმა მუსიკოსებმა” დიეგოს გაყიდვაზე უმალვე დადებითი პასუხი გასცეს.

სატრანსფერო ღირებულებების მხრივ, დიეგო ფასით მესამე იყო, ვინც იუვენტუსმა 2001 წლის შემდეგ შეიძინა.გასაკვირი არაა, ფეხბურთელისგან წარმატებულ თამაშს ელოდნენ.ბიანკონერებში წარმატებული დებიუტიც შედგა, მაგრამ მიღებული მცირე ტრავმის შემდეგ დიეგო მთელ გუნდთან ერთად ბნელში მოექცა.კუნია, როგორც გუნდის სხვა წევრები რეგრესს განიცდიდნენ.სეზონის დასრულებისთანავე ბებერმა ქალბატონმა ალბერტო ძაკერონი ლუიჯი დელ ნერით ჩაანაცვლა, სწორედ ამ დროს დაიწყო ჭორები იმის შესახებ, რომ რიბასის ბიანკონერული კარიერა დასასრულს მიუახლოვდა.

ახალმა მწვრთნელმა ტაქტიკური სქემა 4-3-1-2 შეცვალა და მის ნაცვლად 4-4-2 გამოიყენა, ამ წყობაში კი დიეგოს ადგილი არ მოიძებნება.ზუსტად ისე, როგორც 1 წლის ტურინელებმა “ვოლსბურგის” 15,5 მილიონიანი შემოთავაზება დაუფიქრებლად დააკმაყოფილა და ბრაზილიელი გაასხვისა.

მიუხედავათ მაღალი სატრანსფერო ღირებულებისა, დიეგოსგან გერმანელები მაღალი ხარისხის თამაშს ელიან.ისევე როგორც იუვენტუსში, პირველი მატჩები დიეგომ ბუნდელისგაშიც კარგად ჩაატარა, მაგრამ დორტმუნდის ბორუსიასთან და მაინცთან განცდილი მარცხის შემდეგ კუნიას მორიგი რეგრესი დაიწყო.დიეგომ ჯერ იუხეშა ბორუსიას ნახევარმცველ სებასტიან კელზე, შემდეგ კი არაეთიკური ჟესტი მთავარ არბიტრს, ვოლფგან შტარკს უჩვენა.

თებერვალში ფეხბურთელს გუნდის ახალ მწვრთნელთან, სტივ მაკლარენთან კონფლიქტი მოუვიდა.ეს მას შემდეგ მოხდა, რაც ბრაზილიელმა უმნიშვნელოვანესი პენალტის გამოყენება ვერ შეძლო.მენეჯერმა ბრაზილიელი 100 000 ევროთი დასაჯა.ბუნდელისლიგის ერთ-ერთი მატჩის დროს, კუნია ძირითად შემადგენლობაში ვერ მოხვდა, მატჩის დაწყებისთანავე კი ნახევარმცველმა სტადიონი თვითნებურად დატოვა.”ვოლსბურგისგან” გამოყოფილი დრო დიეგოსთვის იწურება, როგორც სჩანს, ბრაზილიელს ტრანსფერზე დააყენებენ.

ამ მომენტისთვის ნახევარმცველით არცერთი სერიოზული კლუბი არ ინტერესდება.ბოლო პრეტენდენტები მის შესაძენად “ბოტაფოგო” და “სანტოსი” არიან.როგორც იციან ხოლმე, რიბას და კუნია მორიგი ბრაზილიელი იქნება, რომელიც კარიერის დარჩენილ დროს სამშობლოში გაატარებს.აღსანიშნავია, რომ იუვენტუსის ყოფილი ფეხბურთელი ახლა მხოლოდ 26 წლისაა.

ბრაზილიაში დიეგოში ხედავენ ტალანტს, რომელსაც ევროპაში გადასვლისთანავე “თავში აუვარდა” და უჭკუობის გამო საკუთარ პერსპექტივებს ხაზი გადაუსვა.

როგორც სჩანს, ასეთი მოთამაშე ამჟამად არცერთ ევროპულ გრანდს არ სჭირდება.ევროპელებისთვის მთავარი კულტურა სწორედ ხასიათია.სავარაუდოდ, მომავალ სამ წელს ფეხბურთელი ლათინო ამერიკაში, კერძოდ კი ბრაზილიაში გაატარებს და გადაწყვეტს, მომავალში იქნება მატჩების ტრიბუნებიდან მაყურებელი თუ ნაკრების წევრი.

თქვენ კი, ძვირფასი მკითხველებო.მართალი იყო თუ არა იუვენტუსის ხელმძღვანელობა, როცა ამგვარი ხასიათის ფეხბურთელს 4-4-2 ტაქტიკაში არაადაპტირების გამო დაემშვიდობა ? როგორი იქნება კუნიას მომავალი ?

წყარო : Goal.com