“ინტერი” “სკუდეტოს” ემშვიდობება

2005/206 წლების “სკუდეტო” მფლობელის გარეშე დარჩება. იტალიის ფეხბურთის ფედერაციის გადაწყვეტილებით, “ინტერს” “კალჩოპიოლის” სკანდალის შედეგად გადაცემული ტიტული ჩამოერთმევა.

იტალიურ ფეხბურთში კიდევ ერთი სკანდალი მწიფდება. ამჯერად, საქმის სიძველის გამო “სერია ბ” -ში არავის გაგზავნიან, თუმცა “ინტერი” სასჯელს მაინც ვერ გაექცევა. მილანელებს “სკუდეტო” “იუვენტუსზე” გატარებლი სანქციების შემდეგ გადაეცათ, მაგრამ როგორც გამოძიებისას წამოწეულმა ფაქტებმა ცხადყვეს, “კალჩოპიოლიში” უდანაშაულონი არც “ნერრაძურები” ყოფილან. კლუბს “სკუდეტო” ჩამოერთმევა, ინფორმაციის ოფიციალურად დადასტურება 18 ივლისის სხდომის შემდეგ იგეგმება. საქმე იმაშია, რომ “ინტერის” მესვეურები შეხვედრების დაწყებამდე აქტიურად ეკონტაქტებოდნენ არბიტრებს, რაც კანონითაა აკრძალული. აქვე აღსანიშნავია, რომ მორატიმ უკვე მოასწრო ჟურნალისტებთან ამ თემაზე საუბარი და განაცხადა, რომ გადაწყვეტილებაზე აპელაციას ყოველ მიზეზგარეშე შეიტანს. შეგახსენებთ, რომ იგივე დოკუმენტები “იუვენტუსმა” ჯერ კიდევ 2010 წლის მაისში წარუდგინა კომიტეტს, თუმცა დღემდე მათ ყურადღება არ მოჰყოლია. ამ დღიდან 14 თვის შემდეგ, მოწინააღმდეგე მხარისგან “იუვენტუსისთვის” ხელახლა წაყენებული ბრალი არ დადასტურდა, თუმცა გუნდს ოქროს მედლებს მაინც აღარავინ დაუბრუნებს.

წყარო: eurosport.ru