“ატლეტიკომ” 35 მილიონიანი წინადადება იუარა

ესპანური წყაროები ავრცელებენ ინფორმაციას, რომ მადრიდის “ატლეტიკომ” “იუვენტუსის” 35 მილიონიან შეთავაზებაზე უარი თქვა. გაზეთი As  – ის განცხადებით, ტურინულმა მხარემ სერხიო აგუეროს სანაცვლოდ, ესპანელებს 32 მილიონი ევრო და ტიაგო მენდეშის უფლებათა სრული პაკეტი შესთავაზა, რასაც “ატლეტიკო” არ დათანხმდა. კიდევ ერთი მადრიდული კლუბი, “რეალი”, მზადაა არგენტინელ თავდამსხმელში 45 მილიონი ევრო გადაიხადოს, რაც მათ შანსებს ერთი-ორად ზრდის. იყო ჭორები ამაურის ან სისოკოს ტრანსფერში ჩართვაზეც, მაგრამ “ატლეტიკო” არანაირ ბარტერში მონაწილეობის მიღებას არ აპირებს. დადიოდა ხმების იმის თაობაზეც, რომ აგუეროს მოპოვებისთვის “მანჩესტერ სიტიც” იბრძოლებდა, მაგრამ როგორც ჩანს, კუნი კარიერას “იუვენტუსში” ან “რეალ მადრიდში” გააგრძელებს. “ბოკა ხუნიორსის” ყოფილი ვარსკვლავი, მარტინ პალერმო, აგუეროზე საუბრობს:“სერხიოს რამდენიმე დღის წინ ვესაუბრე. მან მითხრა, რომ კარიერის “რეალში” ან “იუვეში” გაგრძელება სურს. ვფიქრობ, რომ მან ყველაზე კარგად იცის, რა იქნება მისთვის უკეთესი. ახლა ყველაფერი გუნდების ხელმძღვანელობებზეა დამოკიდებული.”

წყარო: Football-Italia