კამინერო : ” ატლეტიკო აგუეროს მხოლოდ 45 მილიონ ევროდ შეელევა ”

მაშინ როდესაც , საფეხბურთო სამყარო სერხიო აგუეროს ატლეტიკოდან რომელიმე ევროპულ ტოპ კლუბში გადასვლასზე საუბრობს , მადრიდული კლუბის სპორტული დირექტორი , სერხიო ლუის კამინერო შემდეგი სახის განცხადებებს აკეთებს …

” ატლეტიკოს ნამდვილად არ სურს აგუეროსთან დამშვიდობება , სერხიო ჩვენი კლუბის წამყვანი ფიგურაა . ძალიან დიდი იმედი გვაქვს , რომ კოპა ამერიკას დასრულების შემდეგ , არგენტინელი ფეხბურთელი მადრიდში დაბრუნება . გამორჩეული ფეხბურთელები ყოველთვის საჭიროა წარმატების მისაღწევად , ხოლო აგუერო საკუთარ პოზიციაზე ერთ ერთი საუკეთესოა მსოფლიოში და ბუნებრივია კლუბი ყველანაირად შეეცდება მის დატოვებას . არის თუ არა შემოთავაზება რეალისგან ? არა , ფლორენტინო პერესს ჯერ ჯერობით არ მოუმართავს ოფიციალური წინადადებით “ .

საუბრის ბოლოს კამინირომ დაამატა , რომ ჯერ არ უსაუბრია აგუეროსთან : ” ჩემი აზრით კუნი კვლავინდებურად ატლეტიკოს მაისურით გააგრძელებს ასპარეზობას . თუმცა მიუხედავად ყველაფრისა , მის კონტრაქტში დევს პუნქტი , რომლის მიხედვითაც , დაინტერესებულ კლუბს 45 მილიონ ევროდ შეეძლება მისი ყიდვა – ასეთი სახის წინადადებისთვის კი , ჩვენ მზად ვართ მივუსხდეთ მოლაპარაკებების მაგიდას . იმ შემთხვევაში , თუ სერხიო საბოლოო ჯამში მაინც დატოვებს მადრიდს , კლუბს უკვე ჰყავს შერჩეული  მისი შემცვლელი ” .

როგორც ჩანს ეს ინფორმაცია , არც თუ ისე სასიამოვნოა იუვენტუსისთვის . მაროტას თუ მართლაც სურს არგენტინელის ყიდვა , მაშინ მას სერიოზულად მოუწევს ჯიბის შეთხელება .

წყარო : TuttoJuve