კანავარო : “9 ივლისი – ჩემს ცხოვრებაში საუკეთესო დღეა”

რამოდენიმე დღის წინ საფეხბურთო კარიერის დასრულების შესახებ გადაწყვეტილება ლეგენდარულმა ფაბიო კანავარომ მიიღო.ტურინის “იუვენტუსის” ყოფილი ფეხბურთელი იმ მიზეზებზე საუბრობს, რის გამოც ეს ნაბიჯი გადადგა : “ვასრულებ კარიერას ჯანმრთელობასთან დაკავშირებული პრობლემების გამო.არდადეგები ოჯახთან ერთად ამერიკაში გავატარე.ვარჯიშის დროს მუხლზე კვლავ ტკივილი ვიგრძენი და მივხვდი, რომ წასვლის დრო დადგა.ძალიან მიმძიმს, მაგრამ მივდივარ.ყველაზე მნიშვნელოვანი დღე ჩემს კარიერაში ? – ორი აზრი არაა, ბერლინის ტრიუმფი.საოცარი გამარჯვება საოცარ მოთამაშეებთან ერთად.როცა თავი ავღმართე, საოცარი გრძნობა დამეუფლა.იმედგაცრუება ? – 2000 წელს საფრანგეთთან განცდილი მარცხი, მაშინ გვაკლდა ის კლასი, რომელიც 6 წლის შემდეგ ნამდვილად შევიძინეთ.შესანიშნავი მეგობრები დამრჩა – დელ პიერო, ფერარა, ბუფონი, ტურამი.განსაკუთრებულად მადლობას გადავუხდი მარჩელო ლიპის.სწორედ ამ ადამიანის დამსახურებაა რომ ამდენს მივაღწიე.”

“კიელინი ? – ის შესანიშნავი ფეხბურთელია, მაგრამ მე არ ვარ პირველი, რომელმაც ეს შეამჩნია.ახალგაზრდა და ფიზიკურად ძლიერი, იგი ეროვნულ ნაკრებს ძალიან დაეხმარება.აკადემიაში ბავშვების სწორად აღზრდა თითოეული ჩვენთაგანისთვის მნიშვნელოვანია.”

“ჩემი მომავალი ? – რა თქმა უნდა, იგი იტალიაში გაგრძელდება, მაგრამ არა ახლა.ამჟამინდელმა კლუბმა 3 წლიანი კონტრაქტი დირექტორის თანამდებობაზე შემომთავაზა, ჩემი ოჯახი კი დუბაიში ბედნიერია.იუვენტუსი ? – ვნახოთ.გუნდის სტრუქტურა სრულიად შეიცვალა.არავინ იცის, რა მოხდება ხვალ.” – ციტირებს ფაბიოს სიტყვებს Football Italia

ტურინის “იუვენტუსის” ოფიციალური ვებ-გვერდის საშუალებით, ბებერი ქალბატონის ფეხბურთელები ფაბიო კანავაროს ემშვიდობებიან :

ჯიჯი ბუფონი : “არა მხოლოდ თანაგუნდელი, არამედ დიდი მეგობარი.მასთან ერთად ბევრი ვითამაშე და ბევრი მოვიგე.მოედანზე დიდ დახმარებას მიწევდა.”

ალესანდრო დელ პიერო : “უდიდესი ფეხბურთელი.მახსენდება იუვეში და ნაკრებში მიღწეული გამარჯვებები.”

ანდრეა პირლო : “5 წლის წინ მასთან ერთად საუკეთესო მოგონებები მაკავშირებს.ჩემს წინააღმდეგ ბევრჯერ უთამაშია, უძლიერესი მოწინააღმდეგეა.”

ლუკა ტონი : “მასთან ერთად ბერლინში უდიდესი გამარჯვება მოვიპოვე.ფაბიოსთან ვმეგობრობ და კონტაქტი მაქვს.”

ვინჩენცო იაკინტა : “ჩემთვის დიდი პატივი იყო მასთან ერთად მუნდიალის მოგება.გერმანიაში მოპოვებული ოქროს ბურთი ფაბიომ სრულიად დაიმსახურა.”

ჯორჯო კიელინი : “ის ჩემთვის უფროსი ძმაა.მასთან ერთად გავიზარდე და ბევრი რამ ვისწავლე.ფაბიო უმნიშვნელოვანესი პიროვნებაა, ის ბევრჯერ დამეხმარა.”

კლაუდიო მარკიზიო : “მასთან ერთად თამაშის საშუალება მხოლოდ 1 წელი მომეცა, იუვეში და იტალიის ნაკრებში.მასთან ურთიერთობა სიამოვნებაა.”

ფაბიო კვალიარელა : “ფაბიო – ყველა კაპიტნის კაპიტანი.”