მარკიზიო : ” მარცხენა გარემარბად თავს კომფორტულად ვგრძნობ ”

კლაუდიო მარკიზიო იყო ერთ ერთი მთავარი გმირი , იუვენტუსის უკანასკნელ ამხანაგურ მატჩში , რომელიც ” რაპრეზენტატივა ვალ სუზასთან ” ჩატარდა და ბიანკონერის გამარჯვებით , ანგარიშით 12-1 დასრულდა . კლაუდიო მარცხენა შემტევი ნახევარმცველის პოზიციაზე ასპარეზობდა და უნდა ითქვას საკმაოდ შთამბეჭდავაც . გატანილი გოლის გარდა , მან მინიმუმ 2 შედეგიან შეტევაში მიიღო მონაწილეობა . მატჩის დასრულების შემდეგ , ანტონიო კონტემ არ დაიშურა ახალგაზრდა ნახევარმცველის მისამართით საქებარი სიტყვები …

” მისი სიტყვები უზომოდ მესიამოვნა . პირადად მე , თავს ცენტრალურ ნახევარმცველად მივიჩნევ და მწვრთნელმა ეს შესანიშნავად იცის . წვრთნების დროს სწორედ ამ პოზიციაზე ვასპარეზობ ხოლმე , თუმცა მარტინეს ჯერ არ აღუდგენია ბოლომდე ფიზიკური კონდიციები და სწორედ ამის გამო მარცხენა ვინგერის ადგილი დავიკავე და მინდა გითხრათ , რომ თავი ძალიან კომფორტულად ვიგრძენი . მსიამოვნებს , როდესაც კარის ასაღებად , სხვადასხვა ზონებში ვინაცვლებ , ეს ადგილი კი ხელს მიწყობს ამაში . იმ შემთხვევაში , თუ კვლავინდებურად ფლანგზე დამაყენებენ , უარს არ ვიტყვი ” .

რამდენიმე დღის წინ წინ , კონტემ განაცხადა , რომ დღევანდელ იუვენტუსში , მას მარკიზიოს ჰგავს …

” დავკმაყოფილდები იმდენი ჯილდოთი , რამდენიც კონტემ მოიპოვა . ახალგაზრდულ კლუბში , ყველაფერი მოვიგე და ბუნებრივია იგივეს მიღწევა მთავარ გუნდთან ერთადაც მსურს . ტარდელისთან შედარება ? ეს უკვე ზედმეტია . სხვადასხვა ინტერნეტ ვიდეო პორტალის საშუალებებით ვიხილე მისი ასპარეზობა ,  თუმცა ვფიქრობ განსხვავებული სათამაშო მახასიათებლები გაგვაჩნია ” .

ანდრეა პირლოს გამოჩენამ ტურინში , ბიანკონერის ფანების აღფრთოვანება გამოიწვია. გუშინ მან პირველად იასპარეზა , იუვეს მაისურით და უნდა ითქვას , რომ გაამართლა მათი იმედები …

” საკმაოდ ბევრი რამ ვთქვი ანდრეაზე , მაგრამ კიდევ უფრო მეტს ვიტყვი . პირლო , საკუთარი ტექნიკური არსენალით და მოედნის ხედვით , საუკეთესოდ  მივიჩნევ უკანასკნელ ათ წელიწადში   . გასულ სეზონში მან ვერ მოახერხა მილანის რიგებში თავის გამოჩენა ტრავმების გამო , მაგრამ დღეს იგი მოტივირებულია იუვენტუსთან ერთად გამარჯვებების მოსაპოვებლად ” .

მარკიზიო აღფრთოვანებულია გუნდით და ღიად აფიქსირებს , რომ მისი ერთ ერთი წამყვანი ფეხბურთელი გახდება …

” სატრანსფერო საქმიანობაზე ვერაფერს გეტყვით , რადგან შვებულების პერიოდში , საერთოდ არ დავინტერესებულვარ ამ საკითხით , ერთადერთი რაც მოხდა , იყო გარკვეული ინფორმაციის წაკითხვა Facebook – ზე . სიმართლე იმაში მდგომარეობს  , რომ გავაფორმე იუვენტუსსთან ხუთ წლიანი კონტრაქტი , რითაც უზომოდ ბედნიერი ვარ . კლუბმა და მწვრთნელმა ისაუბრეს ჩემთან წინასასეზონო მზადების პროცესზე , რომ მე შევდივარ მათ გეგმებში და ეს ძალზედ სასიამოვნო იყო ჩემთვის ” .

კლაუდიოს ისევე როგორც მის პარტნიორებს , სურთ რეაბილიტირების მოხდენა  ორი გასული  სეზონის გამო …

” საშინელი პერიოდი იყო . ვიწყებდით მშვენივრად , მაგრამ იანვრის პერიოდში ყველაფერი ირეოდა და შედეგად კატასტროფულ სიტუაციაში ვარდებოდით . იუვენტუსი არ უნდა იმყოფებოდეს ასეთ სიტუაციაში . გვყავს არაჩვეულებრივი ფეხბურთელები და მწვრთნელი , რომელმაც კარგად იცის კლუბის შიდა სამზარეულო . დღეისათვის ვმუშაობთ პრესინგზე და იმ რიტმზე , რომელიც ასე გვაკლდა ბოლო პერიოდში . პირველ ამხანაგურ დაპირისპირებაში , ვცდილობდით გვეჩვენებინა ის , რასაც ჩვენგან ითხოვდნენ . კონტეს მოსწონს შემტევი , აქტიური და აგრესიული ფეხბურთი , მაგრამ ეს არ ნიშნავს იმას , რომ მან ვინგერებს უკან ჩამოსვლა არ დაავალა . მეტოქის შეტევის დროს , გუნდის სქემა გარდაიქმნება ტიპიურ 4-4-2 – ად ” .

ბიანკონერის ახალმა არენამ , დამატებითი სტიმული უნდა გაუჩინოს ყველას რეაბილიტირებისთვის …

” ულამაზესია!!! ის ულტრათანამედროვე სტილშია აგებული . გულშემატკივრებს შეუძლიათ მე – 12 – ე ფეხბურთელი  გახდნენ მოედანზე . იმედი მაქვს , ეს შედეგიან ძვრებს გამოიწვევს . გულშემატკივრების სიყვარული , ბევრ რამეს ნიშნავს ჩვენთვის , რომელიც წინასასეზონო მზადების დროს განვიცადეთ . სიმართლეს გეტყვით და ნამდვილად არ გვეგონა თუ ასეთ მხარდაჭერას მივიღებდით ! ”  .

წყარო : ტურინის იუვენტუსის ოფიციალური ვებ გვერდი