კრასიჩი: ” საუკეთესო ფორმაში ვარ “

მილოშ კრასიჩი მთელი ზაფხულია ძირითად გუნდთან ერთად მუშაობს. ანტონიო კონტეს სერბი ნახევარმცველის იმედი აქვს, ურთულესი გამოცდისთვის კი, როგორც ჩანს, თავად ფეხბურთელიც მზადაა…

” შვებულება ძალების აღდგენაში დამეხმარა. სახლში, კოსოვოში ვიყავი. იქ ხალხი ჩემი წარმატებით ამაყობს. მიხარია, რადგან კარგ ფორმაში ვარ და მზადების პროცესიც მთელი კურსით წინ მიდის, გრანდიოზული სეზონისთვის მზად ვარ. იმედი მაქვს, ეს განწყობა მე და ჩემს თანაგუნდელებს სეზონის ბოლომდე გაგვყვება. კლუბის ამბიციები დიდია, თუმცა სეზონი მხოლოდ ახლა იწყება და კონკრეტული მიზნის დასახვა არ გვსურს. თითოეულ მატჩს მთელი შემართებით ვითამაშებთ, ყოველ შეხვედრაში ბოლომდე დავიხარჯებით.”

” გზას მხოლოდ ახლა ვიწყებთ, მაგრამ ყველაფერი ნათელია, არა მგონია, რამე შეიცვალოს. ჩვენს მწვრთნელს ფეხბურთის განსაკუთრებული ფილოსოფია აქვს, ფეხბურთელები უნდა შევეცადოთ მის იდეებს მხარი ავუბათ. გვსურს, ისინი მოედანზე პრაქტიკად ვაქციოთ, გავითვალისწინოთ მისი ხედვა როგორც გუნდურ, ისე ინდივიდუალურ დონეზე. ”

” ყველა მწვრთნელი თავისმხრივ განსაკუთრებულია, მაგრამ გასულ სეზონებთან შედარებით, ყველანი უფრო მეტად უნდა დავიხარჯოთ. ასეთი ფორმაცია ჩემთვის საუკეთესოა, შეტევაზე მეტად ვიქნები გადართული. წინ თამაში და კომპაქტური ჯგუფებით შეტევა ძალიან მიყვარს. ”

” პირლო? ის ნამდვილი საოცრებაა. უამრავი წარმატებისთვის მიუღწევია და ყველაფერთან ერთად, საოცარი პიროვნება. ძალიან კარგია, როცა ეს ყველაფერი ერთ ფეხბურთელშია, მის გვერდით თამაშით მოხარული ვარ. მისნაირი ფეხბურთელი არასოდეს მინახავს, შეუძლია თამაშის ნებისმიერ მომენტში გააკეთოს გადაცემა. ”

წყარო: “იუვენტუსის” ოფიციალური ვებ-გვერდი