ახალი ეტაპი გუნდის და საიტის ცხოვრებაში …

საიტზე ცვლილებების დროა …

დროა რამდენიმე სიახლე შემოვიდეს საიტზე , რომელიც მას უფრო მეტად სერიოზულს და მასშტაბურს გახდის. კერძოდ , სერიოზულობაში იგულისხმება ის მასალები , რომელიც ჩვენთან იდება . ამ ეტაპზე ხომ სტატიებით ხდება კონკრეტული ვებ გვერდის შესახებ აზრის და შეხედულების ჩამოყალიბება . გამომდინარე ბოლო დროინდელი საპნის ოპერებისგან , ადმინისტრაცია იღებს გადაწყვეტილებას შეწყვიტოს ყველანაირი ინფორმაციის დადება Goal.Com – იდან , სადაც გამოქვეყნებული მასალის 100 % – იდან , მხოლოდ 10 თუ შეესაბამება სიმართლეს და ალბათ ისიც უბრალოდ გამართლების ხარჯზე . ეს კონკრეტული ვებ გვერდი , რომელიც საკმაოდ დიდი პოპულარობით სარგებლობს , იწვევს უამრავ მომხარებელში დიდ აგრესიას , იმ ინფორმაციების გაჟღერებით , რომლებიც რიგ ეპიზოდებში ნაკლებად შეესაბამება რეალობას . ჩვენ ვზრუნავთ მომხარებელზე , რომელიც ForzaJuve.Ge – ზე შემოდის . გულშემატკივრები არ უნდა შევიყვანოთ შეცდომაში , არ უნდა მივაწოდოთ მცდარი სიახლეები , ამით მათ გაწბილებას გამოვიწვევთ , რაც ნამდვილად არ შედის ჩვენს გეგმებში . უმთავრესი მიზანი საიტის გახსნის იყო , ტურინის ” იუვენტუსის ” პოპულარიზაცია საქართველოში და ვფიქრობ მიზანი ნაბიჯ-ნაბიჯ ხორციელდება , მიუხედავად იმისა , რომ გუნდს არ უდგას კარგი პერიოდი , მაგრამ გულშემატკივრები სწორედ ასეთ პერიოდში ვდგებით ერთად და გუნდისადმი ერთგულება და სიყვარული უფრო მყარდება . ყველაფერთან ერთად საიტის წესებიც უნდა გავიხსენოთ , სადაც ერთ ერთ პუნქტში არის ნათქვამი , რომ მომხარებლებმა კომენტარებში უნდა დაიცვან ობიექტურობა და პლიუს ამასთან არ უნდა გააჟღერონ ცრუ ინფორმაცია , რომელიც მეორე მომხარებელს შეცდომაში შეიყვანდა … ეს წესი კი პირველ რიგში ჩვენ , ადმინისტრატორებმა და ავტორებმა უნდა დავიცვათ !

ერთი სიტყვით , დღეიდან არცერთი ნიუსი Goal.Com – იდან !!! არანაირი შინაარსის და ხარისხის , სრული ბოიკოტი ამ კონკრეტულ ვებ გვერდს ! რიგში კიდევ რამდენიმე ასეთი დგას , მაგალითად : www.footballpress.net , www.sports.ru , www. eurosport.ru .

პრიორიტეტულ წყაროებად იტალიური სხვადასხვა გამომცემლობის ვებ გვერდები რჩება … დღეიდან ჩვენ , ავტორები ძირითადად მეტ ნაკლებად დადასტურებულ სატრანსფერო სიახლეებზე გამოვაქვეყნებთ მასალებს . პლიუს ამას უფრო მეტი ყურადღება დაეთმობა წვრთნებს , გუნდის შიდა სამზარეულოს : პრესკონფერენციებს ,  წინასამატჩო და მატჩის შემდგომ განცხადებებს …

ეს რაც შეეხებოდა ხარისხს , ახლა რაც შეეხება მაშტაბურობას . ახალ სეზონში , ახალი იუვენტუსი წარსდგება ჩვენს წინაშე , ახალი არენით , ახალი ფეხბურთელებით და ახალი მწვრთნელით … კარგი იქნება თუ საიტიც ნიუანსებით განახაალებს მუშაობას , დაემატება რუბრიკები და რაც მთავარია მწერლები , რომლებიც იქნებიან კიდევაც ჩვენი ვებ გვერდის ახალი სახეები .

მოახლოებული სეზონიდან გულშემატკივრები აქტიურად უნდა ჩაერთოთ ახალ პროექტებში , რომლებიც უშუალოდ თქვენთვის იქნება გაკეთებეული … რამდენიმე თქვენგანს , საერთოდ კერძო ბლოგიც კი გამოეყოფა სადაც თქვენი აზრები დაიწერება გუნდის ასპარეზობაზე . ყოველ კვირას , თქვენ შესთავაზებთ გულშემატკივრებს თქვენეულ ხედვას კონკრეტული მატჩის გარშემო და საერთოდ გუნდში მიმდინარე სიტუციაზე , რა უნდა შეიცვალოს , რატომ და რისთვის ? საინტერესო იქნება ნამდვილად გულშემატკივრების აზრების წაკითხვა … ეს საიტი ხომ ყოველი თქვენგანის არის და არა ჩემი , ან დარჯასი ან ნაჩკესი ან სხვისი … ეს ყოველი ჩვენგანის არის და ყველამ უნდა ვიზრუნოთ მის კიდევ უფრო დახვეწაში , წინ წამოწევაში , ახალ ეტაპზე აყვანაში ! სწორედ ამიტომ , ახალი სეზონიდან ყველას მოგიწოდებთ ჩაერთოთ საიტის ყოველ დღიურ მუშაობაში , დავდოთ ხარისხიანი , აზრიანი და საინტერესო მასალები ! გუნდის ტაქტიკური მონახაზები , მწვრთნელის შეცდომები , თუ პირიქით სწორად გაკეთებული სვლები , კონკრეტული ფეხბურთელების კრიტიკა თუ პირიქით შექება ! ინფორმაციები მეტოქეებზე … თქვენი ხედვა მომავალ დაპირისპირებებზე , რის ხარჯზე შესძლებს გუნდი წარმატების მიღწევას , რატომ და როგორ ?

ახალი სეზონი იწყება , ახალი ენერგიით , დიდი ენთუზიაზმით და რაც მთავარია წარმატების იმედით ! ეს ForzaJuve.Ge – ა , თქვენ კი იტალიის 29 გზის და მსოფლიოში ერთ ერთი ყველაზე ტიტულოვანი გუნდის გულშემატკივრები ხართ !!!