ვუჩინიჩი:””იუვენტუსში” გადასვლა სავიჩევიჩმა მირჩია”

მირკო ვუჩინიჩმა Tuttosport – თან ინტერვიუში საკმაოდ ბევრ თემაზე ისაუბრა და აღნიშნა, რომ მას “იუვენტუსში” ტრანსფერი ლეგენდარულმა მონტენეგროელმა, დეიან სავიჩევიჩმა ურჩია, რომელიც თავის დროზე “მილანის” რიგებში ასპარეზობდა. მოგეხსენებათ, რომ ტურინულმა გრანდმა ვუჩინიჩის ტრანსფერში 15 მილიონი ევრო გადაიხადა და დღეს მირკო უკვე შავ-თეთრ ფორმაში გვევლინება. გაგრძელება სრულიადში…“”ჩემს “იუვენტუსში” ტრანსფერზე პირველი ჭორები მაშინ გავრცელდა, როცა დეიან სავიჩევიჩმა დამირეკა. მან მითხრა, რომ თუ იქნებოდა შანსი “ბიანკონერიში” ასპარეზობისა, მე უსიტყვოდ უნდა დავთანხმებულიყავი, რადგან დეიანის თქმით, აქ საფიქრალი არაფერი იყო იმიტომ, რომ “იუვე” “იუვეა”.”

მიუხედავად ვუჩინიჩის მონაცემებისა, მონტენეგროელ თავდამსხმელს “რომაში” ჩატარებული 200 შეხვედრიდან, 63 გოლი აქვს გატანილი, რაზეც ფეხბურთელი შემდეგ კომენტარს აკეთებს:“მნიშვნელოვანი არაა ვინ გაიტანს. მნიშვნელოვანია ის, რომ გოლები გუნდს გამარჯვებაში ეხმარება. “რომაში” ხშირად ვთამაშობდი ფლანგზე და ალბათ დამეთანხმებით, ფლანგზე მოთამაშე ფეხბურთელს ცენტრ-ფორვარდთან შედარებით გოლის გატანის გაცილებით ნაკლები შანსები აქვს. გასულ სეზონში კალჩოში 10 ბურთი გავიტანე, რაც საკმაოდ კარგი შედეგია. მოდით, გოლების თემაზე მაშინ ვისაუბროთ, როცა კიდევ მომიწევს ცენტრალური თავდამსხმელის პოზიციაზე ასპარეზობა.”

ვუჩინიჩი “რომაში” 2006 წელს გადავიდა და დღემდე, მას გუნდში საკმაოდ ბევრი პრობლემა ჰქონდა. ფეხბურთელის თქმით, განსხვავებული სიტუაციაა “იუვენტუსში”:“აქ სიმშვიდე სუფევს, რასაც რომზე ვერ ვიტყვით. ზოგ ფეხბურთელს შესაძლოა მტკიცე ხასიათი აქვს და ფსიქოლოგიური წნეხი შეიძლება მისთვის დიდს არაფერს წარმოადგენდეს, მაგრამ ყოველდღიური სტრესი ჩემს ასპარეზობაზე ყოველთვის დიდ გავლენას ახდენდა. დღეს კი უდიდესი კლუბის წევრი ვარ და რა თქმა უნდა, ჩემი “იუვენტუსში” ტრანსფერით ძალიან ბედნიერი ვარ.”

წყარო: Football-Italia