სატრანსფერო ჭორები ( ალექსი, ედუარდო, გალეანო )

ბრაზილიური პრესის მიერ გავრცელებული ინფორმაციით, ტურინის “იუვენტუსი” ედუარდოს გაფორმებასთან ძალიან ახლოსაა.როგორც Globo Esporto იუწყება, ბიანკონერები მზად არიან ფეხბურთელის სანაცვლოდ 18.2 მილიონი ევრო გადაიხადონ, კლუბებს შორის სიტყვიერი შეთანხმება მიღწეულია, ტრანსფერამდე მხოლოდ ფორმალობებია მოსაგვარებელი.

კარლოს ედუარდო, რომელიც ამჟამად “რუბინის” ღირსებას იცავს პოზიციით მარცხენა ნახევარმცველია, სულ ახლახან მას 24 წელი შეუსრულდა.2007 წელს ბრაზილიაში წარმატებული ასპარეზობის შემდეგ კარლოს ედუარდო “ჰოფენჰაემმა” შეიძინა 7-8 მილიონ ევროდ, მეორე ბუნდესლიგისთვის კი ეს იმჟამინდელი რეკორდი იყო.გერმანიაში ფეხბურთელმა 3 წელი გაატარა, 80 მატჩში 18 – ჯერ გამოიჩინა თავი და რუსეთში გადაბარგდა, გერმანელებმა მის სანაცვლოდ 20 მილიონი იგდეს ხელთ.ედუარდომ ტრავმების გამო მხოლოდ 6 მატჩი ჩაატარა და 2 გოლის გატანა მოახერხა.

დღეს ბრაზილიელი მცველის, ალექსის ბედი გადაწყდება.ბიანკონერები იმედს არ კარგავენ, რომ ლონდონელები მცველის არენდით გაშვებას დათანხმდებიან, თუმცა არისტოკრატებს ამის დიდი სურვილი არ აქვთ.მოლაპარაკებების ჩაშლის შემთვევაში, ჯუზეპე მაროტა 20 წლის უკანახაზელის, ლეონელე გალეანოს გაფორმებას შეეცდება.არგენტინელი მცველი 2009 წლიდან “ინდეპენდენტში” გამოდის.გალეანო არგენტინის ერთ-ერთი ყველაზე პერსპექტიული მცველია, მან მსოფლიო U20 ჩემპიონატშიც მიიღო მონაწილეობა.

წყარო : Tuttosport