აგენტი “იუვენტუსის” მხრიდან დაინტერესებას ადასტურებს

გასტონ რამირესის აგენტი ტურინის “იუვენტუსის” მხრიდან მისი კლიენტის მიმართ დაინტერესებას ადასტურებს. ტურინული გრანდი ერთ-ერთია იმ მრავალ გუნდს შორის, ვისაც ურუგვაელი ფანტაზისტას შეძენა სურს. ვინჩენცო დე ლპოლიტომ calciomercato – ს ინტერვიუ მისცა, სადაც მან თავისი კლიენტის მომავალზე ისაუბრა:“რამდენიმე სერიოზული დაინტერესება მართლაც არსებობს, მაგრამ არა მხოლოდ “იუვენტუსისგან”. კონტაქტზე “რომაც” იყო გამოსული, ოღონდ მაშინ, სანამ  ისინი ერიკ ლამელას შეიძენდნენ. აი, “უდინეზემ” კი საკმაოდ საინტერესო წინადადება შემოგვთავაზა. ფრიულელებს რამირესის მიმართ სერიოზული ინტერესი გააჩნიათ და თუ მათი გუნდი ჩემპიონთა ლიგის ჯგუფურ ეტაპზე გავა, აუცილებლად მოაკითხავენ ჩემს კლიენტს.” რამირესი შემტევის სტილის ცენტრალური ნახევარმცველია, მაგრამ ურუგვაელს შეუძლია “იუვენტუსში” მარცხენა ფლანგზე წარმოქმნილი პრობლემაც გადაჭრას. “მას მრავალჯერ უთამაშია ფლანგზეც. ასე რომ, ვფიქრობ, ანტონიო კონტეს 4-2-4 სისტემას თავისუფლად მოერგება.” – დაასრულა დე ლპოლიტომ.

წყარო: Football-Italia