ბიანკონერები ბერლუსკონის თასისთვის ემზადებიან

ბარიში, “სან ნიკოლას” სტადიონზე გამართული ტურნირის შემდეგ ტურინის “იუვენტუსი” ვინოვოზე დაბრუნდა და ვარჯიშები განაგრძო.საზაფხულო შეკრებებმა ბიანკონერების პროგრესირება დაადასტურეს – ტროფეოს თასზე გამართული შეხვედრები ამის კარგი მაგალითია.

ანტონიო კონტე ბოლომდე კმაყოფილი არაა : “მუშაობა ჯერ ისევ გრძელდება”. როგორც დაგეგმილი იყო, ფეხბურთელები ვინოვოზე თბილისის დროით 19:30 სთ-ზე გავიდნენ და ვარჯიში გახურებით დაიწყეს.ამის შემდეგ ტაქტიკური მიმოხილვა მოხდა, რომელზეც განსაკუთრებით ყურადღება შეტევასა და ბურთის ფლობაზე გამახვილდა.ფეხბურთელებმა, რომლებმაც გუშინდელ შეხვედრებში მონაწილეობა არ მიიღეს, მინი-მატჩები გამართეს სამი სამზე.კრასიჩი, მატრი, პასკუატო, პირლო და ვიდალი თავისუფალ დარტყმებზე მუშაობდნენ.

განცალკევებით ვარჯიშობდა მარკიზიო, რომელმაც გუშინდელ მატჩში “ინტერის” წინააღმდეგ მარცხენა მუხლზე ტკივილები იგრძნო.გუნდს დაუბრუნდნენ ჯორჯო კიელინი და ლუკა ტონი : იტალიელებმა სრული ვარჯიში ჩაატარეს.

კვირას ბიანკონერებს საკმაოდ პრესტიჟულ ტურნირზე უწევთ მონაწილეობის მიღება.ბერლუსკონის თასზე ტურინელები “მილანს” “სან სიროზე” დაუპირისპირდებიან, მაგრამ მატჩი ამჯერად 90 წუთი გაგრძელდება.ხვალ, თბილისის დროით 18:30 სთ – ზე ანტონიო კონტეს წინასამატჩო პრესკომფერენცია გაიმართება.

წყარო : Juventus.com