ანტონიო კონტეს წინასამატჩო პრესსკონფერენცია

ხვალ როგორც იცით , ტურინის ” იუვენტუსი ” , მილანში როსონერის დაუპირისპირდება  , ბერლუსკონის თასის ყოველ წლიურ გათამაშებაში . ბიანკონერის მთავარი მწვრთნელი , ამ წუთებში ვინოვოს მედია ცენტრში იმყოფება , სადაც ჟურნალისტების კითხვებს პასუხობს …

რამდენად მნიშვნელოვანია თქვენთვის ხვალინდელი დაპირისპირება ? მაშინ როდესაც ჩემპიონატი სულ რაღაც ერთ კვირაში დაიწყება ?

” როგორც უკვე განვაცხადე ბეტისთან დაპირისპირებამდე , გუნდისგან ყოველ დღე ველი წინ გადადგმულ ნაბიჯს , რადგან ამისთვის ვარჯიშებზე მაქსიმალურად ვიხარჯებით და ვცდილობთ ბოლომდე დავხვეწოთ საკუთარი სათამაშო მახასიათებლები . კარგად გვესმის , რომ საქმე თავზე საყრელად გვაქვს და ამიტომ არცერთი წამის დაკარგვა არ შეიძლება , ამან შესაძლოა დიდი თავის ტკივილი შეგვიქმნას მომავალში . უშუალოდ ეს დაპირისპირება , კი რათქმაუნდა მნიშვნელოვანია , რომელიც რაღაცით პატარა გამოცდასაც კი ჰგავს , რადგან ჩვენ წინააღმდეგ საკმაოდ ძლიერი მეტოქე წარსდგება , მე კი ჩემი გუნდისგან მორიგ წინ გადადგმულ ნაბიჯს ველი ” .

გასულ შეხვედრაში , თქვენ რადიკალურად განსხვევბულ პოზიციებზე ათამაშეთ ვიდალი . გამოწვეულია თუ არა ეს საკადრო პრობლემებით ?

” ვიდალი , რომ საკმაოდ მრავალფეროვანი ტიპის მოთამაშეა ამას წყალი არ გაუვა , ნაკრებშიდაც კი მას თუ არ ვცდები მეკარის გარდა ყველა პოზიციაზე აქვს ნათამაშები . ეს არ არის ხუმრობა , მე მას ვესაუბრე ამ თემაზე და მან თავად მითხრა ამის შესახებ . გასულ საღამოს , მოედანზე იმყოფებოდნენ დელ პიერო , ვუჩინიჩი და მატრი და შესაბამისად ცენტრ ფორვარდს ესაჭიროებოდა დახმარება , ვგულისხმობ მატრის ! გამომდინარე იქიდან , რომ ვიდალი სულ ცოტახნის წინ შემოგვიერთდა და არცთუ ისე ბევრი ვარჯიში ჩაატარა ჩვენთან ერთად , ვფიქრობ ეს პოზიცია ამ ეტაპზე იდეალურია მისთვის , არტურო დიდ პრობლემებს შეუქმნის მოწინააღმდეგეს , რითაც საკუთარი კლუბიც იხეირებს , რადგან ორგანიზებული ასპარეზობის შემთხვევაში , ზოგს არ ესმის რა უნდა მოიმოქმედოს ბურთთან ყოფნის დროს ან მის გარეშე , ეს კი ფაქტიურად სიკვდილის ტოლფასია . რაც შეეხება მის პოზიციას მოედნაზე , ვფიქრობ ჩემი უმთავრესი დავალებაა , განსხვავებული სათამაშო სტილი შევქმნა . ვფიქრობ , უკლებლივ ყველა კლუბს თავისი განსხვავებული სათამაშო სტილი , განსხვავებული ცხოვრების წესი , განსხვავებული მენტალიტეტი და მიზანი გააჩნია , ამიტომ სამართლიანი იქნება თუ ამ კლუბსაც ასევე განსხვავებული ხედვა ექნება , რადგან ეს იუვენტუსია … და ეს არამარტო ჩვენ არამედ მილანსაც , ინტერსაც , რომასაც , ნაპოლისაც ეხებათ , მათ უნდა შექმნან საკუთარი და კარნახობდნენ სიტუაციას . ხშირ შემთხვევაში სწორედ ასე უნდა იასპარეზო და არა მხოლოდ მეტოქის სტილიდან გამომდინარე . პირადად მე სწორედ ამას ვცდილობ , რომ ფეხბურთელებს სწორი ინსტრუქციები მივაწოდო . ყოფილა შემთხვევები როდესაც მდომებია კონკრეტული მატჩის შეჩერება და ყველაფრის თავიდან დაწყება … ყოფილა შემთხვევებიც როდესაც მატჩი 5-4-1 – ითაც კი დამისრულებია , რადგან შედეგი მიმეღო , ანუ გამარჯვება ! მაგრამ ეს ყველაფერი მატჩის მსვლელობისას ხორციელდებოდა , როდესაც შენ უკვე კმაყოფილი ხარ შედეგით და თავს მშვიდად გრძნობ ” .

მოდით იმ ფეხბურთელებზე ვისაუბროთ , რომლებიც უკვე გამოჯანმრთელდნენ . როგორია მარკიზიოს ჯანმრთელობის მდგომარეობა ?

” საბედნიეროდ ის გამოჯანმრთელდა . კლაუდიომ დღეს ორივე დაგეგმილ ვარჯიშში მიიღო მონაწილეობა , ამიტომ ის შესძლებს ასპარეზობას მილანის წინააღმდეგ . რაც შეეხებათ პეპეს , მარტინეს , კუალიარელას და ტონის , ისინი დარჩებიან ტურინში და ინდივიდუალური პროგრამით გააგრძელებენ ვარჯიშს . მათი მდგომარეობა გაუმჯობესებულია , მაგრამ მირჩევნია თავი დავიზღვიო და 110 % იყვნენ მზად კვირას დაგეგმილი შეხვედრისთვის სერია ა-ში ” .

თავდასხმის ხაზში , ფაქტიურად ყველა დუეტო გამოსცადეთ , რომელს მიანეჭბთ უპირატესობას ?

” არა , არა არა ! აბსოლიტურად ყველა ფორვარდი იდეალურად ჯდება ჩემს სათამაშო სქემაში და მათი მახასიათებლები მე ძალიან მომწონს . შესაბამისად არჩევანი საკმაოდ შთამბეჭდავი მაქვს ამ კუთხით ” .

საინტერესოა , იმ ღამის შემდეგ თქვენი რეიტინგი მნიშვნელოვნად გაიზარდა . მატჩის შემდეგ გასპერინიც და ალეგრიც , არ იშურებდნენ საქებარ სიტყვებს თქვენი მისამართით . თქვენ თვითონ თუ გრძნობთ პროგრეს ?

” იცით , მუშაობდე ყოველ დღიურად , საუბრობდე იმაზე რომ დღითი დღე გუნდი აგურს აგურზე დებს , რათქმაუნდა შესამჩნევია და ამას მეც ვხედავ . სასაცილო იყო იმ ფრაზების მოსმენა ბეტისთან მატჩის შემდეგ , რომ გუნდს აბსოლიტურად ყველაფრის შეცვლა მოუწევს , რომ ის არ არის მზად , მაგრამ იმ საღამოს შემდეგ საუბარი უკვე სკუდეტოზეც კი წავიდა . არ მინდა შეცდომაში შევიყვანო ვინმე . გაიხსენეთ უკანასკნელი ორი სეზონი და მეშვიდე პოზიცია ! შეხედეთ შემდეგ მეტოქეს , რომელიც გასულ სეზონში ჩემპიონი გახდა . ინტერი აიღეთ მაგალითად , რომელმაც ცოტახნის წინ ყველაფერი მოიგო რისი მოგებაც კი შეიძლებოდა . შესაბამისად ხედავთ თუ რა სხვაობაა ჩვენსა და მათ შორის  . მაგრამ ეს კი არ უნდა გვაფრთხობდეს , პირიქით სტიმულს უნდა გვაძლევდეს , რადგან ჩვენ იუვენტუსი ვართ , რომელმაც აუცილებლად უნდა დაიბრუნოს კონკურენტ უნარიანობა . ძალიან გთხოვთ მოთმინება  იქონიოთ . მე , საკმაოდ დიდი მოთმინებით ვცდილობ გადმოგცეთ საკუთარი ჩანაფიქრები . იმედს ის ფაქტი მაძლევს , რომ ჩემს შეგირდებს სურთ კვლავ გახდნენ კლუბის სიმბოლები ! ამიტომ , ბერლუსკონის თასის შემდეგ , არ ღირს საუბარი არც სკუდეტოზე და არც მეშვიდე პოზიციაზე ! სამუშაო რეალურად არსებობს და მზად ვართ ის შევასრულოთ . ეს სურვილი ბევრს ნიშნავს , რადგან წინააღმდეგ შემთხვევაში საქმე ადგილიდან არ დაიძვრებოდა . მე მსურს ეს , ფეხბურთელებს ასევე სურთ , ისევე როგორც კლუბს !!! ეს კი დიდი წარმატების საწინდარია ! ”
რამდენიმე ფეხბურთელი სკუდეტოს მოპოვებაზე საუბრობს . თქვენ წინააღმდეგი ხართ გასახდელში ასეთი სტილის სლოგანებისგან ?

” რა სისულელეა , რათქმაუნდა არა ! სიტყვა სკუდეტო , ფაქტიურად გამიჯნულია იუვენტუსის ისტორიასთან , პირადად მეც არაერთხელ მიხმარია ეს სიტყვა და საქმითაც დამიმტკიცებია , რადგან კარიერის მანძილზე 5 – ჯერ ვიზეიმე ჩემპიონობა  . უფრო მეტიც , ისინი ამ სიტყვას უნდა შეეჩვიონ ! ადრე ეს ჩვენს კლუბს გადაულახავ ბარიერად მიაჩნდა … მაგრამ , საერთოდ  რეალისტი უნდა იყო და არ მსურს ჯერ ვინმე შეცდომაში შევიყვანო და უპირველეს ყოვლისა იუვენტინოები . მოდით ასე ვიტყვი , ჩვენ სწორ გზაზე ვიმყოფებით ” .

უკვე ორი თვეა , ამ გუნდის მშენებლობით ხართ დაკავებულნი . რამდენად მოახერხეთ შიგნით შესვლა ? სახურავი გამოჩნდა უკვე თუ ჯერ ფუნდამენტზე იმყოფებით ?

( იცინის ) ” თვე ნახევარში სახურავის დანახვა , მემგონი ცოტა რთულია . სრული პასუხისმგებლობით ვაცხადებ , რომ ფუნდამენტი არსებობს , კარგად ვაცნობიერებთ , თუ რა დიდ შენობას ვაშენებთ . რათქმაუნდა , შეგვიძლია სახურავზე მისვლა , მაგრამ შემდგომ ის სახლი რამდენიმე თვეში დაინგრევა . ამიტომ ჯერ არ შევხედავ სახურავს , ხოლო შემდეგ , რამდენიმე თვეში , ძალიან დიდ სიამოვნებას მივიღებ მისი ცქერით , დარწმუნებული ვიქნები რა , რომ შენობა მყარად დგას ” .

გუშინ მაროტამ განაცხადა , რომ გუნდს უახლოეს პერიოდში 2-3 ფეხბურთელი შეემატებოდა . როგორ იქნება გუნდი 10 დღის შემდეგ , როდესაც სატრანსფერო ფანჯარა დაიხურება ?

” ვერ მიგიხვდით . როგორ თუ როგორი იქნება ? ”

თქვენ ნათლად მიანიშნეთ ხელმძღვანელობას ის , რაც თავად თქვენ გსურდათ . ელოდით , მათგან ასეთი სახის ნაბიჯებს ?

” ხელმძღვანელობასთან ერთად , რაც ვფიქრობ უკვე არაერთხელ მითქვამს , რაც იუვენტუსის მწვრთნელი გავხდი , მუდმივ კონტაქტზე ვიმყოფები : გენერალურ დირექტორთან , სპორტულ დირექტორთან და პრეზიდენტთან . მაგრამ , არა მგონია ისე იყოს ყველაფერი რომ ერთ საღამოს რაიმე ვუთხრათ მათ და მეორე წუთში სიტუაცია შეიცვალოს . ჩვენ კარგად გვესმის თუ რა მიმართულებით უნდა ვიმუშაოთ , ამ მხრივ ერთი გზით მივდივართ . ჩვენ ყველანი ვითმენდით , ასევე მაროტაც . ვუჩინიჩი დროულად შემოგვიერთდა . სხვებიც მოვლენ და კარგად გვესმის , რომ შემადგენლობა ბოლომდე უნდა დაკომპლექტდეს . მაგრამ ეს მარტო კონტემ კი არ იცის , ეს კლუბმაც იცის . მხოლოდ კონტე არ ითხოვს გაძლიერებას , რომ იცოდეთ . ერთ მუშტად შეკრულ გუნდს ვაყალიბებთ და გვესმის , რომ მას ბოლომდე სჭირდება შევსება ” .

უკანასკნელ ტურნირზე , ბევრი კარგად დასამახსოვრებელი მომენტი იყო , მაგრამ რიგ ეპიზოდებში , მაინც გაბრაზებული გამომეტყველება გქონდათ . შესაძლოა პრობლემები დაცვის ხაზშია ?

” არანაირად . დაცვამ კარგად იასპარეზა . თუმცა უბურთოთ მათ მაინც მოუწევთ ვარჯიში , მაგრამ ნებისმიერ შემთხვევაში როდესაც ასეთ მოკლე პერიოდში გიწევს ტესტ მატჩები , რთულია ყველა  დეტალზე ყურადღების გამახვილება . ნებისმიერ შემთხვევაში ეს ამხანაგური მატჩებია და აი უკვე ოფიციალურ დაპირისპირებებში , ამ დეტალებზეც ვისაუბრებთ ” .

არ გვეტყვით სასტარტო შემადგენლობას ?

” ალეგრიმ უკვე გამოაცხადა ? “

დიახ …

” იქნებ მეც გამანდოთ ” . ( იცინის )

წყარო : TuttoJuve.com: