გარონე : ” მაროტა დაუბრუნებს იუვენტუსს ძველ დიდებას ”

Tuttosport – ის დღევანდელი ნომერი , გამოვიდა შემდეგი სათაურით – ” გარონე : სიმართლე მაროტას შესახებ ” . ჩვენ , შემოგთავაზებთ ამ მასალის მნიშვნელოვან ადგილს . აქვე გეტყვით , რომ ედოარდო გარონე გახლავთ სამპდორიას ვიცე პრეზიდენტი , რომელსაც დაევალა გენუური კლუბის სერია ა-ში დაბრუნება ….

” მაქსიმალურად შევეცდებოდი მაროტას დატოვებას კლუბში , მაგრამ რამდენად გამომივიდოდა ეს უკვე სხვა საქმეა . ასევე არ მივცემდი წასვლის საშუალებას დელ ნერისაც და დარწმუნებული ვარ ჩემპიონთა ლიგაში სამპას თავგადასავალი დიდხანს გაგრძელდებოდა . ჯუზეპესთან კი ამ ეტაპზეც არაჩვეულებრივი ურთიერთობა გვაქვს , ის საკმაოდ გაიზარდა როგორც პროფესიონალი სამპდორიაში მუშაობის პერიოდში . მახსოვს როდესაც შარშან ის ბიანკონერიში გადავიდა სამუშაოდ , ჩემმა მეგობრებმა მთხოვეს , რომ ისეთივე წარმატებულად ემუშავა როგორც გენუაში . ჩემის მხრივ ვუპასუხე , რომ მაროტას დასჭირდებოდა დიდი ბიუჯეტი და მინიმუმ სამი წელი . სწორედ მაშინ შესძლებს ის იმ პროფესიონალიზმის გამოვლინებას რაც შეუძლია . ის არ განეკუთვნება იმ ადამიანთა რიცხვს , რომლებსაც ცარიელი ხელებით შეუძლიათ საოცრებების მოხდენა. მამაჩემთან ერთად მან ჩაიბარა გუნდი , რომელიც პრაქტიკულად არაფერს წარმოდგენდა . შემდგომ მათ ააშენეს გუნდი , რომელმაც ჩემპიონთა ლიგის საკვალიფიკაციო ეტაპზეც კი მოახერხა მონაწილეობის მიღება . მიეცით მას ცოტა დრო და დარწმუნებული ვარ იუვენტუსი მალე დაიბრუნებს ძველ დიდებას . კასანო ? მასთან განშორება გარდაუვალი იყო და სიმართლე გითხრათ , პირადად მე ძალიან გამიხარდა როდესაც მან გენუა დატოვა . დიახ , ამას ცუდი რამ მოჰყვა , მაგრამ ეს გარდაუვალი იყო . პაცინისთან რადიკალურად განსხვავებული სიტუაცია იყო . მას ძალიან დიდი სურვილი ჰქონდა დაეტოვებინა სამპდორია . საქმე იმაშია , რომ ჯამპაოლოს დიდ გუნდში სურდა ასპარეზობა  “ .

წყარო : Calciomercato.it