სატრანსფერო ჭორები ( როდოლფო, გრიგერა )

მანამ, სანამ ლეონარდო ბონუჩი “ზენიტთან” აწარმოებს მოლაპარაკებებს, ხოლო დიეგო ლუგანო “პსჟ” – თან აფორმებს კონტრაქტს, ტურინის “იუვენტუსი” ბრაზილიური “სან პაოლუს” მცველის, როდოლფოს ხელში ჩაგდებას ცდილობს.იტალიური პრესის ინფორმაციით, დღეს ფიფას აგენტ რობერტო კალენდასა და ფაბიო პარატიჩის შორის შეხვედრა შედგება, რომელზეც მხარეები ტრანსფერის შესაძლებლობაზე მოილაპარაკებენ.მთავარი პრობლემა ისაა, რომ 25 წლის როდოლფო “სან პაოლოს” ერთ-ერთი წამყვანი ფიგურაა და გუნდის პრეზიდენტი მის შენარჩუნებას ყველანაირად ცდილობს.

ტურინის “იუვენტუსის” დატოვებასთან ძალიან ახლოსაა კიდევ ერთი მცველი, ზდენეკ გრიგერა, რომლის “ფულემში” ტრანსფერი ფაქტიურად გადაწყვეტილია.La Gazzetta Dello Sport – ის მიერ გავრცელებული ინფორმაციით, ჩეხმა მცველმა კონტრაქტის დეტალები უკვე მოაგვარა და სამედიცინო შემოწმებაც გაიარა : “იმედი მაქვს, ყველაფერი კარგად დასრულდება.ფულემისგან სასიამოვნო ზარი მივიღე და მინდა კიდევ ერთ ჩემპიონატში თამაშით გამოცდილება მივიღო.ნებისმიერ ფეხბურთელს ცხოვრებაში სიახლის აღმოჩენა უწევს, ახლა შანსი გამიჩნდა ვითამაშო შესანიშნავ ქვეყანაში და ოჯახთან ერთად გავეცნო უმაღლესი დონის ჩემპიონატს.ადვილი არ არის იუვენტუსიდან წასვლა, რადგან იუვე ყოველთვის იუვეა და იტალიაც ძალიან მიყვარს.გადავწყვიტე გუნდი დავტოვო, ფულემი კი ამჟამად საუკეთესო ვარიანტია.”

წყარო : Football Italia