ჯოვინკო : “იუვენტუსს ძალიან აგრესიული წინახაზი ჰყავს”

“პარმას” შემტევი ნახევარმცველი, სებასტიან ჯოვინკო მის გუნდს დაცვაში ყურადღებით თამაშისკენ მოუწოდებს : “მატჩი განსხვავებული იქნება იმ თამაშისგან, რომელიც იანვარში ვიხილეთ.იუვენტუსში სულ სხვა განწყობაა, ისინი უფრო მეტს უტევენ და ფაქტიურად ოთხი ფორვარდით თამაშობენ.ჩვენ ყურადღებით უნდა ვითამაშოთ დაცვაში და თამაში კონტრშეტევებზე ავაგოთ.”

ბებერი ქალბატონისთვის ეს მატჩი იმ მხრივაცაა განსაკუთრებული, რომ ტურინელები ახალ სტადიონზე პირველ ოფიციალურ შეხვედრას გამართავენ : “გახსნის ცერემონია საოცარი სანახაობა იყო.ჩვენ ბედნიერები ვართ, რომ ვიქნებით ტურინელთა პირველი ოფიციალური მოწინააღმდეგე.პარმა მზადაა იმისთვის, რომ პირველი ქულები მოვიპოვოთ.მიუხედავათ იმისა, რომ რთული მატჩი გველის, იმედიანაც ვარ განწყობილი.”