იუვენტუსი 4-1 პარმა ( ფეხბურთელების შეფასებები )

გთავაზობთ , ტურინის ” იუვენტუსის ” ფეხბურთელების შეფასებებს , ” პარმასთან ” ჩატარებული მატჩის შემდეგ …

ბუფონი – 6 – პენალტის ეპიზოდამდე , ჯიჯის პრინციპში საერთოდ არ ჰქონია არანაირი საქმე . თუმცა , ერთ ეპიზოდში იყო იმის რისკი , რომ კურიოზულ გოლს გაუშვებდა ჯიოვინკოს დარტყმის შემდეგ , მაგრამ უმალვე მოახდინა ბურთის დაფიქსირება ხელებში .

ლიხშტაინერი – 7 – ძალიან დიდი პლიუსი იმისთვის , რომ აქტიურად ერთვებოდა შეტევებში და გამოავლინა ფორვარდისათვის დამახასიათებელი ტექნიკა . დაცვის ხაზში მას მოდესტო ეთამაშებოდა , რომელსაც არანაირი პრობლემა არ შეუქმნია მისთვის .

კიელინი – 7 – კონტე დ პრანდელი ცდილობენ , რომ ჯორჯო დაცვის ლიდერი გახადონ . კონკრეტული დავალებას აძლევენ , რომ ითამაშოს უშუალოდ ბურთზე და არა მეტოქის განადგურებაზე . ფეხბურთელი , მაქსიმალურად ცდილობს თავკაცის მითითებების შესრულებას და ამასთან ერთად არ ავიწყდება , რომ პირლო დააზღვიოს , ისევე როგორც ნაკრებში .

ბარძალი – 6.5 – უხეში შეცდომა მატჩის დასაწყისში , თუმცა შემდეგ უშეცდომოა .

დე ჩელიე – 6 –დასანანია მისი წითელი ბარათი . მანამდე , საკმაოდ კარგად ასპარეზობდა ვალიანის წინააღმდეგ , რომელიც ერთადერთი სახიფათო ფეხბურთელი იყო პარმას რიგებში .

მარკიზიო – 7.5 – ნახევარ – ვინგერი , რომელსაც ულამაზესი გოლი გააქვს და ამასთან ერთად ასრულებს უამრავ შავ სამუშაოს . ლიპი მაინც ამეტებდა , როდესაც მისგან ფანტაზისტას დაყენებას ცდილობდა , მაგრამ კონტემ , სავარაუდოდ უპოვნა მას სწორი პოზიცია მოედანზე . ვფიქრობ , ეს არ უნდა იყოს მისი ბოლო შედეგიანი ჩართვა შეტევაში .

პეპე – 7 – კარგი იქნება , თუ პეპე მიზანს გაისწორებს და ჩაწოდებებს დროს გაცილებით ზუსტი იქნება , მაგრამ მეორეს მხრივ მოედანზე როგორც ყოველთვის 100 % – ით იხარჯება . თითქოს ისე ჩანს , რომ კრასიჩზე მეტადაც კი ჯდება კონტეს სქემაში . სიმონეს ყველაფერთან ერთად , ძალიან ლამაზი გოლი გააქვს , ძლიერი და ზუსტი დარტყმის შემდეგ .

კრასიჩი ( 72 წუთიდან ) – 6 – მომატებას იწყებს .

პირლო – 8 – ღმერთო , დაიფარე პირლო : ეს არის გუნდის სული და გული , რომელიც მთლიანად ენდობა მას .

დელ პიერო – 6.5 – პირველ ნახევარში არაფერი განსაკუთრებული , თუმცა მეორე ნახევარში ალეს ხმაურიანი დაბრუნება მოხდა . ორი სუპერ პასი მატრიზე და პეპეზე .

ვიდალი ( 62 წუთიდან ) 7 – ფეხბურთელი – ქარიშხალი . მეტოქე დაძაბულობაში ჰყავდა 3-0 ზეც კი .

ჯიაკერინი – 6 – კარგად ჩანს , რომ მას ნერვიულობა აჩერებს . მისთვის იუვეს მაისურით ასპარეზობა ჯერ ჯერობით რთულია . პერიოდულად თამაშობდა , ხან კარგად , ხანაც პირიქით , აყოვნებდა გუნდის თამაშს . მცირე დრო უნდა მიეცეს მას ადაპტაციისთვის .

მატრი – 5.5 – გარკვეულ სირთულეებს წააწყდა კონტეს ახალ სქემაში . გასულ სეზონში მატრი მთავარი მოქმედი პირი იყო გუნდის წინა ხაზში და მეტოქის საჯარიმოში , ეხლა კი ანტონიო მისგან გუნდურ ასპარეზობას ითხოვს . პლიუსში შეიძლება ჩაითვალოს გატანილი გოლი ( რომელიც უსამართლოდ არ ჩაუთვალეს ) და პენალტი . მინუსი – ფაქტიურად ცარიელ კარში ვერ შესძლო ბურთის მოთავსება .

ვუჩინიჩი ( 57 წუთიდან ) – 5.5 – სუსტად გამოიყურებოდა .

კონტე – 7.5 – უკეთეს დებიუტზე ალბათ ვერც იფიქრებდა . რჩება გარკვეული პრობლემები ფლანგებზე , მაგრამ პრესინგი და ბურთის კონტროლი განუმეორებელია . უფრო მეტ ძალას და ნერვებს ტოვებს მოედანზე , ვიდრე მაშინ როდესაც გუნდის კაპიტანი იყო .

წყარო : La Stampa