ანიელი კმაყოფილია პირლოს ტრანსფერით

ტურინის ” იუვენტუსმა ” ძალზედ წარმატებულად დაიწყო სერია ა-ს წლევანდელი გათამაშება , რასაც ბიანკონერის ახალგაზრდა პრეზიდენტი , ანდრეა ანიელიც ეთანხმება : ” ანტონიო კონტემ , თავის ერთ ერთ ბოლო ინტერვიუში , განაცხადა , რომ არ უნდა ავყვეთ ემოციებს . ძალიან დიდი სამუშაო გავწიეთ სატრანსფერო ფანჯრის პერიოდში და არა ერთი კარგი ფეხბურთელი შევიძინეთ . ერთი სიტყვით , გუნდი მზად არის გრძელი და საკმაოდ რთული ჩემპიონატისთვის . იქნება თუ არ გაძლიერება იანვარში ? ორი სატრანსფერო ფანჯარა გაგვაჩნია და მაქსიმალურად ვეცდებით მის პროდუქტიულად გამოყენებას “ . პრეზიდენტმა ასევე ანდრეა პირლოზეც ისაუბრა : ” უდაოდ , გამორჩეული შენაძენია . მილანმა საკუთარი გადაწყვეტილება მიიღო , ისევე როგორც ჩვენ . შედეგად , ჩვენი მხარე კმაყოფილია არჩევანით და იმ შედეგით რაც ანდრეამ აჩვენა . შესაძლოა ბევრი ფიქრობდა , რომ პირლო უნდა წასულიყო დიდი ფეხბურთიდან , მაგრამ ჩვენ ვიცით , თუ რა უმაღლესი დონის პროფესიონალია იგი “ .

პრეზიდენტი სკუდეტოს თემასაც შეეხო : ” მოედანზე , იუვენტუსმა 29 სკუდეტო მოიპოვა და ამას წყალი არ გაუვა . კლუბმა გაუგზავნა უეფას საკუთარი პრეტენზიები . გეთანხმებით იმაში , რომ ” ინტერსა ” და ” იუვენტუსს ” შორის მართლაც არსებობს გადაულახავი ბარიერი , ამას ხელს უშუალოდ საფეხბურთო აურაც უქმნის . იმედს ვიქონიებ , რომ ეს ყველაფერი არ გასცდება მოედნის ფარგლებს ” .

წყარო : Il Corriere dello Sport