როდესაც გუნდიდან გიშვებენ და შენ არ მიდიხარ …

” როდესაც გუნდიდან გიშვებენ და შენ არ მიდიხარ ” – სწორედ ასეთი შემთხვევა იყო რიკარდო კარვალიო დე ოლივეირა ამაურისთან.  ” ბებერი ქალბატონის ” ხელმძღვანელობა ყველანაირად ცდილობდა იტალო-ბრაზილიელი კარგ გუნდში გაესხვისებინათ, მაგრამ თავად ამაურიმ უარი განაცხადა გადასვლაზე. ამის მიზეზი კი ის ხელფასია, რომელსაც კარვალიო “იუვენტუსის ” რიგებში ყოველ  წელიწადს იღებს. ეს ციფრები 4 მლნ ევრომდე ადის…

ანუ გამოდის, რომ ” ბიანკონერი ” 4 მილიონ ევროს წყალში ყრის, რადგან კონტემ პირდაპირ განუცხადა  ” იუვეს ” აწ უკვე 38-ე ნომერს, რომ იგი მის გეგმებში არ შედიოდა და რომ მას ტრიბუნაზე ჯდომა მოუწევდა, რაზეც როგორც ჩანს ამაური დათანხმდა. ეს სიტყვები ჯუზეპე მაროტამაც დაადასტურა. არადა კარვალიოს რამდენი კარგი შემოთავაზება ჰქონდა, ჯერ იყო და ” პალერმომ ” მიმართა მას წინადადებით, შემდეგ ” პარმა “,  ” მარსელი “,  ” გალათასარაი ” , მაგრამ ფულის გამო იტალიელმა ყველა წინადადება უარყო.

საიტზე ბევრი ამბობს, რომ ამაური უნდა წასულიყო, ბევრსაც ენანება ის 4 მილიონი, მაგრამ რეზერვში საკმაოდ კარგ ფეხბურთელად მიაჩნია, ზოგისაც ეცოდება და ამბობს, რომ მას ასე მკაცრად არ უნდა მოქცეოდნენ, ხოლო ძალიან ცოტა თუ მოიძებნება ისეთი ადამიანი, ვინც თვლის რომ ამაურის კიდევ ერთი შანსი უნდა მისცენ, მაგრამ არიან და თავის აზრს თამამად აფიქსირებენ.

მოდით ახლა იმ 5 ძირითად მიზეზებზე ვისაუბროთ, რატომ არ უნდა დარჩენილიყო ამაური გუნდში :

1. თავიდან, როდესაც ამაური მოვიდა გუნდში, მართლაც დიდ იმედებს ამყარებდნენ მასზე, მაგრამ შემდეგ ტრავმებმა დატანჯეს და თავის ფორმას ვერა და ვერ დაუბრუნდა.

2. ” ბიანკონერის ” ხელმძღვანელობა  2 წელი აძლევდა კარვალიოს ფორმაში ჩადგომის შანს, მაგრამ მან ვერადა ვერ გამოიყენა ეს შანსი. დელ ნერი და ფერარა რისკავდნენ და მას ძირითადში აყენებნენ – შედეგიც სახეზეა.

3. ” ბებერი ქალბატონის ” ტიფოზებს ამაური გუნდში ყოფნა აღიზიანებთ და ეს მათში ცუდ მუხტს იწვევს .

4. ტურინის ” იუვენტუსში” არ უნდა ირიცხებოდეს ისეთი ფეხბურთელი, რომელიც მხოლოდ ფულზე ფიქრობს  და მის  გამო იგი ყველაფერზე არის წამსვლელი.

5. ” იუვენტუსის ” ფეხბურთელმა არ უნდა გააკეთოს თავისი გუნდის შეურაცმყოფელი კომენტარები.

მარტო ეს 5 მიზეზი გვაძლევს იმის საბაბს, რომ ვთქვათ – ამაური ბებერი ქალბატონის რიგებში არ უნდა ირიცხებოდეს !