განსაკუთრებულად მენატრები – დევიდ !

1977 წლის 15 ოქტომბერს დედამიწას კიდევ ერთი ჩვეულებრივი არსება, დევიდ ტრეზეგე მოევლინა.მაგრამ ვინ წარმოიდგენდა, რომ წლების შემდეგ ეს პატარა ბიჭუნა იტალიურ მიწაზე ბურთს გააგორებდა და დიადი გუნდის, ტურინის “იუვენტუსის” გულშემატკივრების გულებში განსაკუთრებულ ადგილს დაიკავებდა…

ადამიანი, რომელიც ყველაზე უკეთ თუ არა, არაჩვეულებრივად ასახავს სიტყვებს: “ნამდვილი იუვენტინო”, რადგან ტრეზეგე – ეს “იუვენტუსის” განუყოფელი ნაწილია და “იუვენტუსი” თავად ტრეზეგოლთან ასოცირდება.2003 წლიდან ამ გუნდის დიდი გულშემატკივარი ვარ, დელ პიეროც, ნედვედიც და ბუფონიც ჩემი კუმირები არიან, მაგრამ ამ ფრანგი ფეხბურთელის მიმართ რაღაც საოცარ სიყვარულს ვგრძნობ, მის თვალებში ვკითხულობდი როგორ ტკიოდა შავ-თეთრების შავ-თეთრი მომავალი, როგორ წუხდა წარუმატებლობაზე და როგორ ბავშვური სიხარულით აღნიშნავდა “იუვეში” გატანილ თითოეულ გოლს.

2009 წლის 3 სექტემბერს ტრეზეგემ თავად განაცხადა, რომ მისი ბოლო, რიგით მეათე სეზონი საბოლოო აღმოჩნდებოდა “იუვენტუსში” : “სეზონის ბოლოს იუვენტუსს დავტოვებ, ეს გადაწყვეტილება ოჯახთან ერთდ მივიღე.მართალია, არ ვიცი სად წავალ, მაგრამ სამშობლოში დაბრუნებას ვისურვებდი, კარიერას ან საფრანგეთში ან არგენტინაში გავაგრძელებ.ხელმძღვანელობას ჩემი გადაწყვეტილების შესახებ უკვე ვაცნობე”.იმ სეზონში პირველი გოლი ტრეზემ “ლაციოს” გასვლაზე გაუტანა, შემდეგ “ატალანტას” კარიც დალაშქრა და ლეგენდარული ომარ სივორის რეკორდი გაიმეორა, 167 გოლი ბიანკონერის რიგებში.

2009 წლის 8 დეკემბერს “ბავარიასთან” სამარცხვინოდ წაგებულ მატჩში ფრანგმა 168 – ე გოლის გატანა შეძლო და კლუბის ისტორიაში ყველაზე შედეგიანი უცხოელი ფეხბურთელი გახდა.სეზონის ბოლოს, ტრეზეგეს 171 გოლი მოუგროვდა და ტურინის “იუვენტუსის” ყველა დროის საუკეთესო ბომბარდირთა რიგებში მეოთხე პოზიცია გაიმყარა.

იგი წავიდა მაშინ, როცა დრო იყო და ამას თვითონვე მიხვდა, ახლა დრო იყო ყველაფერს წერტილი დასმოდა.ტრეზეგეს სურდა, ძალიან სურდა “იუვენტუსში” დარჩენა, მაგრამ ეს უბრალოდ შეუძლებელი იყო.2010 წლის 28 დეკემბერს დევიდმა ბებერ ქალბატონთან პროფესიონალური კონტრაქტი გაწყვიტა, დიახ, “იუვენტუსმა” მის სანაცვლოდ 0 თეთრი მიიღო, იგი არ გაუყიდიათ, მან ითამაშა და წავიდა ( ! ).

მიუხედავათ შესანიშნავი შემოთავაზებისა “ლივერპულიდან”, დიდმა ლეგენდამ კარიერა სეგუნდა დივიოზიონიდან გადმობარგებულ “ერკულესში” განაგრძო.რა გასაკვირი იყო, ტრეზემ რაც ითამაშა ყველაზე აქტიური იყო და 1 წლის მანძილზე 31 მატჩში 12 – ჯერ აიღო მეტოქეთა კარი.

ტრეზეგე იმ ფეხბურთელთა შორის იყო, რომელთაც შეეძლოთ 2006 წელს კარიერა მსოფლიოს წამყვან გრანდებში გაეგრძელებინათ, მაგრამ იუვენტინომ სერია B – ში თამაში არ ითაკილა, ალესთან ერთად იქაც ჩემპიონობა იზეიმა და როგორც ნამდვილი პროფესიონალი, უმაღლეს ჩემპიონატში ბებერ ქალბატონთან ერთად დაბრუნდა.

მსოფლიოს ერთ-ერთი საუკეთესო ცენტრ – ფორვარდი, გოლის საოცარი ალღოთი დაჯილდოვებული ტრეზე – Gol და რაც მთავარია, ნამდვილი ბიანკონერო.რა ეპითეტებით შეიძლება შეამკო ადამიანი, რომელმაც 10 წელი გაატარა ტურინში, 245 მატჩი ჩაატარა და 138 გოლს მოუყარა თავი.

ვინც არ უნდა მოვიდეს, ვინც არ უნდა ითამაშოს და ვინ რამდენიც არ უნდა გაიტანოს, მას ვერავინ შემიცვლის ! განსაკუთრებულად მენატრები, დევიდ !