იუვენტუსი 4-1 პარმა ( ტაქტიკური ანალიზი )

გთავზობთ , ტურინის ” იუვენტუსსა ” და ” პარმას ” შორის გამართული მატჩის , ტაქტიკურ ანალიზს …

მანამ სანამ უშუალოდ ტაქტიკურ ჩანაფიქრებზე გადავიდოდეთ , აუცილებელია ავღნიშნოთ თუ რა შემადგენლობით დაიწყო კონტემ ასპარეზობა . მატჩის დაწყების წინ , სხვადასხვა სახის სავარაუდო შემადგენლობა სახელდებოდა . ამის მიზეზი კი რამდენიმე ფეხბურთელის არა სასურველ ფორმაში ყოფნა იყო . მაგალითად მილოშ კრასიჩმა სულ ეხლახანს მოიშუშა ტრავმა , რის გამოც კონტემ მარჯვენა ფლანგზე სიმონე პეპე დააყენა . საპირისპირო ფლანგზე კი ახლად შეძენილი ელჯერო ელიას ნაცვლად ემანუელე ჯიაკერინი . თავდასხმის ხაზში ვუჩინიჩის ხილვას ელოდნენ , მაგრამ მირკომ სანაკრებო ბატალიების დროს მცირე ტრავმა მიიღო , რის გამოც კონტემ მატრი – დელ პიეროს დუეტზე გააკეთა ფსონი . კითხვის ნიშნის ქვეშ იდგა კიდევ ერთი ვაკანტური პოზიციის მფლობელის სახელი . საქმე კიელინის მეწყიველას ეხება დაცვის ცენტრალურ ზონაში . ანტონიომ ლეონარდო ბონუჩი სათადარიგოთა სკამზე დატოვა , ხოლო მის ნაცვლად ანდრეა ბარძალი დააყენა და უნდა ითქვას , მსოფლიოს 2006 წლის ჩემპიონმა აძურის რიგებში , იმედები სავსებით გაამართლა .

რაც შეეხება უშუალოდ ტაქტიკას : 4-4-2 ( 4-2-4 )  , პარმას თავკაციც  პრინციპში იგივე სქემით იწყებს ასპარეზობას 4-4-1-1

კოლომბის კონკრეტული სქემა , რა თქმა უნდა იუვენტუსის შესაჩერებლად იქნა შემუშავებული . მისი ჩანაფიქრის მიხედვით , ცენტრალურ ნახევარმცველებს მაქსიმალურად უნდა შეეშალათ ხელი ოპონენტებისთვის ბურთის თავისუფლად გადაადგილებაში , მაგრამ გეგმა განწირული იყო …  უბურთოთ მოქმედებაში პარმას ფეხბურთელები საკმაოდ ცუდად მოქმედებდნენ , ამას ემატებოდა მარკიზიოსი და განსაკუთრებით პირლოს არაჩვეულებრივი ასპარეზობა , რომელმაც თამამად უნდა ვთქვათ წელში გატეხა და გაანადგურა მეტოქე საკუთარი იდეალური გადაცემებით .

მარონესა და გალოპას ცენტრალური დუეტის ერთ ერთი მთავარი მინუსი ,  გახლავთ ის ფაქტი , რომ მათ არცერთხელ არ მოუწყვიათ ნორმალური შტურმი მეტოქის შუა ხაზელებზე( საუბარია პირლო – მარკიზიოს დუეტზე ) , მათ არც საკუთარი დაცვის დახმარებითაც მოუკლავთ მაინც და მაინც თავი .

თავის მხრივ , პარმას ნებისმიერი მცდელობა შეექმნა წინა ხაზში რაიმე ღირებული , ფაქტიურად განწირული იყო ჩანასახშივე . საოცარია ბურთის ფლობის პროცენტული მაჩვენებელი , რომელიც 61 % – ს აღწევს ბებერი ქალბატონის სასარგებლოდ . სერია ა-ს ლიგის ,  ტექნიკური ინფორმაციით კი , ბიანკონერის ფეხბურთელები , საერთო ჯამში 700 ჯერ შეეხნენ ბურთს . დამეთანხმებით ფანტასტიური ციფრია ანტონიო კონტეს პირველ ოფიციალურ მატჩშივე მწვრთნელის ამპლუაში .

კონკრეტული ციფრები , რეალურად ასახავს იმას , რომ იუვენტუსი მთელი შეხვედრის განმავლობაში დომინირებდა მეტოქეზე . თავის მხრივ პარმა , ორი გადაბმული პასის გაკეთებასც კი ვერ ახერხებდა , რომ ბუფონის საჯარიმოს მისდგომოდნენ 91 წუთამდე . ამისი მთავარი მიზეზი კი არის იუვენტუსის საკმაოდ ეფექტური ასპარეზობა დაცვით სქემაში . ბურთის დაკარგვის შემთხვევაში , ბიანკონერის ფეხბურთელები საკმაოდ აქტიურად და აგრესიულად გადიან მეტოქეზე და იძულებულს ხდიან მას ან მოიგერიოს ბურთი უმისამართოთ , ან უფრო უარესი , შეცდომა დაუშვან .

შემდეგ სურათზე ჩვენ ამ ყველაფერს მშვენივრად ვნახავთ . პეპე შეტევას ახორციელებს რუბინზე , რომელსაც მოდესტო აზღვევს . დააკვირდით ლიხშტაინერის პოზიციას , რომელიც მუდმივად ეხმარებოდა გუნდს ნებისმიერ სიტუაციაში .

საბოლოო ჯამში პეპე კარგავს ბურთს , მაგრამ იუვენტუსი არ იხევს ამის გამო უკან , პირიქით , საკმაოდ სერიოზული პრესინგი ხორციელდება მოდესტოზე . ასევე დააკვირდით სად არის ჩამოსული კიელინი , რომელიც ჯიოვინკოს არ უშვებდა არეალიდან .

მოდესტო კი , იძულებულია გაგრძელება პელეზე იპოვნოს , რომელსაც ამოსუნთქვის საშუალებას არ აძლევს ბარძალი .

ანალოგიური სიტუაცია არის ასახული შემდეგ ვიდოზეც , სადაც მიუხედავად იმისა რომ დე ჩელიე კარგავს ბურთს , გუნდი არ აპირებს უკან წასვლას და კონკრეტულ მოთამაშეზე ახორციელებს ზეწოლას ( დააკვირდით როგორ აძლიერებენ პრესინგს პირლო და მარკიზიო მეტოქის შუა ხაზელებზე ) , რომ ბურთი უმალვე დაუბრუნდეს იუვენტუსს .

პრესინგი იზრდება , ისევე როგორც მთლიანი გუნდის სისწრაფე . სიტუაცია თუ იძლევა საშუალებას , ეს ყველაფერი მეტოქის საჯარიმოსთანაც მიღწევადია .

შემდეგ სლაიდზე კარგად ჩანს , თუ როგორ ავიწროვებს მარკიზიო , პარმას ცენტრალურ მცველ ლუკარელის , რომელმაც ბურთი საკუთარი მეკარისგან მიიღო . ლუკარელი იმის გამო , რომ მარკიზიოს პრესინგს დაუძვრეს ხელიდან , ბურთს აუტზე იგერიებს .

სხვათაშორის იუვენტუსის მესამე გოლი ანალოგიურ პრესინგს მოჰყვა . ვიდალმა თავად განახორციელა მეტოქის საჯარიმოს მისადგომებთან პრესინგი , ხოლო შემდეგ ვუჩინიჩის უხეირო დარტყმისას , თავადვე დაასრულა იერიში გატანილი გოლით .

სხვათაშორის ეს კონკრეტული ვიდერო რგოლი , კარგად ანახებს იმ ფაქტს , რომ გუნდი , ვუჩინიჩის და ვიდალის მოედანზე გამოსვლის  შემდეგ გადადის 4-3-3 ტაქტიკურ სქემაზე , მაგრამ მიუხედავად ამისა არ იცვლება თამაშის მთავარი იდეოლოგია .

კიდევ ერთი თვალში საცემი ფაქტი . გასულ სეზონთან შედარებით , როდესაც დაცვის ხაზში ხორციელდებოდა ზონური ასპარეზობის პრინციპი , დღეისათვის სიტუაცია სხვაგვარად გამოიყურება . შემდეგ სურათზე კარგად ჩანს , რომ დაცვის ხაზი იმ პოზიციაზე ინაცვლებს , სადაც მეტოქის ფორვარდები იმყოფებიან .

დააკვირდით ამ ორ სურათს , სადაც დე ჩელიე და კიელინი საკმაოდ ახლოს დგანან ერთმანეთთან  , რადგან ამ ზონაში მეტოქის ფეხბურთელი იმყოფება . მიუხედავად იმისა , რომ ბარძალისა და კიელინის შორის ზონა საკმაოდ იზრდება , გუნდი მაინც მიდის ამ სვლაზე და უნდა ითქვას , რომ აღწევს წარმატებებსაც . სხვათაშორის ასეთ განლაგებაში , მაგალითად ჯიაკერინი უნდა გადაწეულიყო ფლანგზე და მეხუთე მცველის პოზიცია დაეკავებინა , მაგრამ რა თქმა უნდა ანტონიო კონტეს დავალებით იგი ინარჩუნებს პირვანდელ ადგილს და მზად არის ბურთის ჩაგდების შემთხვევაში სწრაფი და აგრესიული კონტრ შეტევისთვის .

ბოლო სურათზე კი ჩანს , რომ ლიხშტაინერი გაცილებით ყურადღებით აკვირდება მოდესტოს პოზიციას , ვიდრე ბარძალი ( ხედავთ თუ სად არის ჩაწეული ანდრეა ) . ახალი ტაქტიკური გათვლა , არის კიდევ ერთი უპირატესობის მომტანი შედარებით სუსტ კლუბებთან , მაშინ როდესაც გასულ სეზონში ტაქტიკური ჩანაფიქრები , ფაქტიურად კრახისთვის იყო განწირული . ეხლა კი როგორც იქნა , ფლანგელი მცველები აქტიურად მიიღებენ მონაწილეობას მეტოქის შეტევისას და პირდაპირ გავლენ მათზე სათამაშოდ , რითაც აიძულებენ მეტოქეს შეცვალონ შეტევის მიმართულება .

კარგით , ეს რაც შეეხებოდა დაცვით სქემას . მოდით შევხედოთ რა ხდებოდა ბურთის ფლობის ფაზაში .

აქ სიტუაცია ანდრეა პირლოსთვის , ძალიან კარგად გამოიყურებოდა . რადგან ტურინელები ცდილობდნენ ერთი შეხებით ასპარეზობას , რითაც პირლოს თავისუფალი სივრცე ეძლეოდა მანევრირებისთვის . ამასთან ერთად კონტე , ფლანგელ მცველებს ძალიან კარგად იყენებდა შეტევაში , რითაც იძულებულს ხდიდა მეტოქეს გარკვეული თავისუფალი სივრცეები გაეჩინა საკუთარ ნახევარზე . რაც შეეხება ვინგერებს , ისინი უკიდურეს ფლანგებზე იყვნენ განლაგებულნი , რითაც ორ ცენტრალურ ფორვარდს მოედანზე თავისუფლად გადაადგილების საშუალებას აძლევდნენ .

შემდეგ სლაიდებზე , რამდენიმე ასეთი სიტუაცია არის გამოტანილი . ლიხშტაინერი აკეთებს გადაცემას მარკიზიოზე , რომელიც თავის მხრივ ერთი შეხებით აგზავნის მატრიზე , ეს უკანასკნელი კი ბურთის მიმართულებით იწყებს მოძარობას , რითაც დელ პიეროს თავისუფალ სივრცეს უქმნის .

ცენტრალური ნახევარმცველისთვის ერთი შეხებით ასპარეზობა , თავიდან აცილებს მას მეტოქის პრესინგს ( რომელიც კონკრეტულ შემთხვევაში პარმასგან არცთუ ისეთი სერიოზული იყო ) . შემდეგ ვიდოეზე ნათლად ჩანს ეს ყველაფერი , როდესაც პირლო ერთი შეხებით ასპარეზობს …

შედეგი :

ამ ეტაპზე , კონკრეტულ აბზაცში კარგი იქნება თუ ვისაუბრებთ იმ საკითხზე , რაც საჭიროებს კონტეს მხრიდან გაცილებით მეტ ყურადღებას . პეპეს გამოკლებით , დანარჩენი სამი შემტევი ფეხბურთელი ძალიან ცუდად გამოიყურებოდა . თუ ჯიაკერინის სიტუაცია შედარებით ნათელია ( აშკარად ნერვიულობდა პირველ ოფიციალურ მატჩში ) , დანარჩენი მოთამაშეებისგან ასეთი პასიურობა ცოტა არ იყოს და გასაკვირია . მაგალითად ალესანდრო მატრის მოუწევს , მთელი რეპერტუარის შესრულება , რომელიც ანტონიო კონტეს სქემაში მიენიჭა ფორვარდს .

შემდეგი ვიდეოდან კარგად ნახავთ ორ ეპიზოდს :  მატრის გასვლას მეტოქის კარებზე და ფორვარდისთვის დამახასიათებელ მოძრაობას მაშინ , როდესაც მეურვის გარეშეა . დანარჩენი ორი ეპიზორი კი პირიქით , აკნინებს მას როგორც მთავარ ფორვარდს კონტეს სქემაში  , რომელიც არა ეფექტურად კომბინირებს დელ პიეროსთან ერთად .

პარმასთან შედარებით , იუვენტუსს აქვს საშუალება როტაცია განახორციელოს წინა ხაზში . თუმცა, გუნდს მოუწევს ფიქრი იმაზე , თუ როგორ იასპარეზებს მაშინ როდესაც ანდრეა პირლოზე შედარებით სერიოზული პრესინგი განხორციელდება .

დაცვის ხაზში გადასვლა და უბურთოთ ასპარეზობა , კარგად უნდა იქნას გამოყენებული ისეთ გუნდებთან , რომლებიც პარმაზე უკეთესად მანევრირებენ .

კარგი სანახავი იქნება იუვენტუსი ისეთ გუნდთან , რომელიც მოედნის ცენტრში სამი ცენტრალური ნახევარმცველით იასპარეზებს . საინტერესო იქნება ნამდვილად კონტეს კონტრ გადაწყვეტილებები ასეთ სიტუაციაში , როდესაც მეტოქე რიცხობრივ უპირატესობაში იქნება . კიდევ რა თქმა უნდა ისეთ დროს , როდესაც ბიანკონერი კონტრ შეტევას განახორციელებს ხოლმე ისეთი მეტოქის წინააღმდეგ , რომელიც სწრაფად ჩადის დაცვაში .

ეხლა კი , უმჯობესი იქნება თუ დავტკბებით იმ იუვენტუსით , რომელმაც მართლაც რომ ევროპული ტოპ კლუბივით იასპარეზა საკუთარ , ახალ და სუპერ თანამედროვე არენაზე .

წყარო : uccellinodidelpiero.com