კონტე სასტარტო შემადგენლობის შეცვლას გეგმავს

“პარმასთან” ჩატარებული შესანიშნავი შეხვედრის შემდეგ ანტონიო კონტეს შეგირდები “სიენასთან”, გასვლითი დაპირისპირებისთვის ემზადებიან.შემდეგ 10 დღეში ტურინის “იუვენტუსს” 3 უმნიშვნელოვანესი მატჩი ელის, შესაბამისად “სიენას”, “ბოლონიასა” და “კატანიას” წინააღმდეგ.კვირის მატჩს ანტონიო კონტესთვის განსაკუთრებული მნიშვნელობა აქვს, ამიტომ იტალიელი სპეციალისტი შეეცდება მოედანზე რაც შეიძლება ძლიერი თერთმეტეული გამოიყვანოს.სავარაუდოდ, ძირითად შემადგენლობაში გამოჩნდებიან ის ფეხბურთელები, რომლებიც “პარმასთან” შეცვლაზე შემოვიდნენ და კარგი შთაბეჭდილება დატოვეს.პირველ რიგში საქმე არტურო ვიდალს ეხება, რომელიც ემანუელე ჯიაკერინის შეცვლის, მირკო ვუჩინიჩი ალესანდრო დელ პიეროს ჩაანაცვლებს, მილოშ კრასიჩს კი სიმონე პეპეს ნაცვლად მოუწევს ასპარეზობა.დისკვალიფიცირებულ პაოლო დე ჩელიეს დუბლიურად ფაბიო გროსო ჰყავს, რომელიც კვირას სერია A – ს ახალ სეზონში სადებიუტო მატჩს ჩაატარებს.