ბუფონი: ” ჯერ ისევ ლიდერები ვართ “

სამწუხაროდ, გუშინდელ მატჩში ბუფონს საკუთარი კარიდან ბურთის გამოღებამ მოუწია, “იუვენტუსის” მიერ გაწეულ შრომას შედეგი არ მოუტანია და “ბიანკონერებიც” მხოლოდ ერთ ქულას დასჯერდნენ. მიუხედავად დაკარგული ქულებისა, “ბებერი ქალბატონის” კარის დარაჯი მისი თანაგუნდელების მიერ ნაჩვენები თამაშით კმაყოფილია და ფიქრობს, მთავარი მომავალზე ფიქრი და შეცდომებზე სწავლაა: ” აგრესიულები ვიყავით, ვცდილობდით, მიუხედავად კაცნაკლულობისა სტუმრები სახლში დამარცხებულები გაგვეშვა. დამწუხრებულები ვართ სამი ქულის დაკარგვის გამო, მას განსაკუთრებული ფასი ექნებოდა. რაც შეეხება პორტანოვას, ის თავით თამაშის ექსპერტია და სეზონში სამი-ოთხი ასეთი გოლი აცუილებლად გააქვს. პასიური ბურთები ხშირად თამაშის ბედს წყვეტენ ხოლმე. ცხადია, თერთმეტი კაცით მეტი შანსი გვექნებოდა, თუმცა ფეხბურთში მოულოდნელი რამ არ არსებობს. ჯერჯერობით კარგად გამოვიყურებით, ვფიქრობ, ჩვენ მიერ მოედანზე ნაჩვენები თამაში ღირსეულია. ამით ყველანი ვამაყობთ. მიუხედავად ყველაფრისა, რამდენიმე გუნდის გვერდით ისევ ლიდერები ვართ. ამან მომავლისთვის უნდა შეგვაგულიანოს, დარწმუნებული ვარ, მეტ აგრესიას შეგვძენს. ” -აცხადებს ბუფონი.

წყარო: “იუვენტუსის” ოფიციალური ვებ-გვერდი