” კატანია ” 1-1 ” იუვენტუსი ” ( ტაქტიკური ანალიზი )

გთავაზობთ , ” კატანია ” – ” იუვენტუსის ” შეხვედრის , ტაქტიკურ ანალიზს …

გუნდების ტაქტიკური სქემები

წინა მატჩებთან შედარებით , ბიანკონერის თავკაცმა საკმაოდ სერიოზული ცვლილებები განახორციელა . საქმე არ ეხება იმას , რომ მარცხენა ფლანგზე დაცვის ხაზში დე ჩელიეს ნაცვლად ფაბიო გროსო გამოჩნდა და არც იმას , რომ ნახევარდაცვის ხაზში ელჯერო ელია და არტურო ვიდალი პირველსავე წუთებზე გამოჩნდნენ მოედანზე . რევოლუციური ხასიათის გადაწყვეტილება უშუალოდ ტაქტიკურ სქემას ეხება , რომელიც 4-3-3 სა და 4-2-3-1 შორის იყო . ამაზე ოდნავ მოგვიანებით .

მონტელას სქემა თავის მხრივ 4-3-3 იყო .

ანტონიო კონტეს ახალ სათამაშო მოდულში , საინტერესო პოზიცია ეკავა არტურო ვიდალს , რომელიც მოქმედებდა პირლო – მარკიზიოს ტანდემის ოდნავ ზემოთ .

ჩილელის პოზიცია მინდორზე , სრულებითაც არ ჰგავდა იმ ფეხბურთელისას , რომელიც 4-2-3-1 ტაქტიკურ სქემაში , ცენტრიდან უნდა ეხმარებოდეს ცენტრ ფორვარდს , ანუ ამ შემთხვევაში ალესანდრო მატრის . ბაიერის ექს ფეხბურთელი , უფრო მეტად მარცხენა ფლანგზე ინაცვლებდა , ხოლმე სადაც ბელუშიზე ახორციელებდა ზეწოლას . განსაკუთრებით მაშინ როდესაც ბიანკონერი უბურთოდ იყო .

მაშინ როდესაც უკვე თავის მხრივ , ბურთს იუვენტუსი ფლობდა , ვიდალი რჩებოდა მარცხენა ფლანგზე და ვერტიკალურად აგრძელებდა მოძრაობას . მარკიზიო კი ასე ტიპიურად არ გადაადგილდებოდა , როგორსაც საერთოდ უნდა აკეთებდეს შუა ხაზელი 4-2-3-1 ტაქტიკურ მონახაზში . მისი გადაადგილებები , ჰგავდა უფრო მეტად 4-3-3 ტიპის ნახევარმცველისას . ის ნაკლებად იღებდა მონაწილეობას შემტევ კომბინაციაში , რითაც აძლევდა მანევრირების საშუალებას პირლოს , უტოვებდა რა ცენტრალურ ზონას . პრაქტიკულად ყველა შემთხვევაში როდესაც ბურთს იუვე ფლობდა , მარკიზიო და პირლო საკმაო მოშორებით იმყოფებოდნენ წინა ხაზთან .

ზემოთ დადებულ სურათებზე , ჩანს არა მარტო ის თუ რა სქემით თამაშობდა გუნდი , არამედ ის , რომ დელვეკიო – პერსონალურად ასპარეზობდა პირლოს წინააღმდეგ . მაგრამ ასეთი ჩანაფიქრი ხშირად არ ხორციელებდა მარკიზიოსა და ვიდალის შესრულებით . როდესაც გუნდი უახლოვდებოდა მეტოქის საჯარიმოს , ვიდალი ყოველთვის წინ იწევდა და პირველი უახლოვდებოდა ხოლმე თავდასხმის ხაზს , მარკიზიო პირიქით , როგორც უკვე განხილული იყო , პირლოსთან ერთად იმყოფებოდა ერთ ხაზზე . ისე კი , ვიდალი საკმაოდ სწრაფად აღწევდა მეტოქის საჯარიმომდე და ხშირ შემთხვევაში ზურგით უხდებოდა ასპარეზობა , შედეგად მას უწევდა ცენტრში ჩამოსვლა ბურთის მისაღებად , რის გამოც კატანიას დაცვის ხაზი ზეწოლის გარეშე რჩებოდა . ასეთი ასპარეზობა ორი აზრი არაა , ხელს უშლიდა ბიანკონერის მხრიდან ბურთის ცირკულაციას .

ზემოთხსენებული ფაქტების გათვალისწინებით , იუვენტუსი ვერ ახორციელებს ბურთის ცირკულაციას და პლიუს ამასთან პირლო , საიმედოდ არის ჩაკეტილი დელვეკიოს მხრიდან . მონტელამ როგორც ჩანს გადაწყვიტა , პირლო იმ დროს გადაეკეტა , როდესაც ბიანკონერი შეტევის ორგანიზებას დაიწყებდა .  ამის გამო , შეტევის იუვენტუსის ცენტრალური მცველები ხდებოდნენ იძულებულნი , მიეღოთ მონაწილეობა შემტევ ფაზაში – ბარძალი და უფრო მეტად კიელინი .

შემდეგ სურათი ამისი ნათელი დადასტურებაა . შეხედეთ სად იმყოფება პირლო , რომლის წინ დელვეკიოა . შეტევის ორგანიზება კი ბარძალის უწევს და ასევე დააკვირდით , ბიანკონერის ორი შუა ხაზელის პოზიციას ! საუბარია ვიდალსა და მარკიზიოზე .

შედეგად კიელინის უწევს მოედნის ცენტრამდე ასვლაც კი , რის გამოც დიდ სივრცეს ტოვებს უკან .

ასეთი სახის პრობლემას , გუნდი გადააწყა ფეხბურთელების უფუნქციობის გამო . მას შემდეგ რაც პირლო თამაშიდან გათიშეს , ცენტრალური მცველები ვერ ახერხებდნენ შეტევების ზუსტად დაწყებას , ამიტომ გრძელი საჰაერო გადაცემებით , ბურთი სწრაფად მიდიოდა თავდასხმის ხაზამდე , რომელიც აგრესიული პრესინგის ქვეშ , საბოლოო ჯამში კარგავდა ბურთს . არც მარკიზიოს და არც ვიდალს არაფერი გაუკეთებია იმისთვის , რომ გაცილებით კომბინაციური გაეხადათ გუნდის ასპარეზობა . მაშინაც კი , როდესაც პირლო იღებდა ბურთს , რომელსაც ფეხ და ფეხ დელვეკიო დაჰყვებოდა , მას ძალზედ უჭირდა გაგრძელების პოვნა . ასეთ შემთხვევაში დანარჩენ ნახევარმცველებს უფრო აქტიურად უნდა ეთამაშათ რათა თავი დაეღწიათ მეტოქის პრესინგისგან . ბურთის ცუდმა ცირკულაციამ , რომელმაც ცუდმა ტაქტიკურმა ჩანაფიქრებმა განახორციელა , ფაქტიურად დისბალანსი შეიტანა იუვენტუსის ასპარეზობაში . სწორედ ბურთის ცირკულაციამ გახადა იუვენტუსი ნაკლებად სახიფათო და პირიქით , კატანია ძალზედ აგრესიული კონტრ შეტევებში .

წინა მატჩებიდან განსხვავებით , მცველებს უჭირდათ ზეწოლის განხორციელება კატანიას ფორვარდებზე , რადგან ამ შეხვედრაში მათ ჰქონდათ იმის დრო , რომ როდესაც იღებდნენ ბურთს აეწიათ თავი და ეპოვნათ შემდეგი ადრესატი . შემდეგ სურათზე კარგად ჩანს , რომ როდესაც კატელანი იღებს ბურთს , რომლის ზურგს უკან ლიხშტაინერი იმყოფება , ითამაშებს პატარა კომბინაციას კაპუანოსთან და პრაქტიკულად საქმის გარეშე ტოვებს ბიანკონერის დაცვის ხაზს .

შემდეგ სურათზე , იგივეს აკეთებს ბერგესიო ალმირონის დახმარებით .

მონტელას ჩანაფიქრი იუვენტუსის დახმარებით იყო გამართლებული . შეტევაში ახალგაზრდა თავკაცმა ფსონი სწრაფ ტრიოზე გააკეთა : გომესი , კატელანი და ბერგესიო . მათი დახმარებით , ბიანკონერის დაცვის ხაზი სივრცეებს შორის თავისუფალ ზონებს ტოვებდა , ამიტომაც სიცილიელი ფეხბურთელები თავისუფლად იღებდნენ ბურთს . მოედნის ცენტრში დელვეკიო პირლოს მყარად იჭერდა , ლოდი ვიდალს აკონტროლებდა , ხოლო როდესაც არტურო იღებდა ბურთს მის წინააღმდეგ უკვე ბელუში ასპარეზობდა . მარკიზიოს ზონაში ალმირონი თამაშობდა . კატელანის და გომეს კი ნამდვილად ჰქონდათ იმის ძალა და ენერგია , რომ მხარი დაეჭირათ საკუთარი გუნდის ფლანგელი მცველებისთვის , რომლებიც აქტიურად ერთვებოდნენ ხოლმე შეტევებში . კატანია მხოლოდ მაშინ ახორციელებდა ზეწოლას , როდესაც ჩამოდიოდა საკუთარ ნახევარზე , რითაც თავისუფალ სირვცეს უტოვებდა საკუთარ სწრაფ ფორვარდებს .

ასეთ ტაქტიკურ ჭიდილში გაუშვა იუვემ გოლი .

გაშვებული ბურთი

შეტევა ხორციელდება 4-4 ზე . დელვეკიო თავისუფალ ზონაში , გომეს უკეთებს გადაცემას . ამასობაში გროსომ , ვერ წაიკითხა ელემენტარული ეპიზოდი . ცენტრალურ ზონაში ამასობაში ბარძალის და კიელინის უნდა ემოქმედათ დელვეკიოსა და ბერგესიოს წინააღმდეგ . სიცილიელთა ორმა ფეხბურთელმა შეიცვალეს პოზიციები , შედეგად დელვეკიომ გაზარდა სივრცე , ხოლო ბერგასიო ამ ეტაპზე ემზადება ბურთის მისაღებად . კიელინი კარგავს თვალთახედვის არენდა დელვეკიოს და ფორვარდის დაკეტვაზე ერთვება . ბარძალი კი სავარაუდოდ მოწყდა წუთით სიტუციას მეტოქის გადაადგილებების გამო , შედეგად ბერგესიოს დაკეტვა ვერ მოასწრო , რომელიც კიელინის ზურგს უკან გაჩნდა და გაიტანა გოლი . სამწუხარო იყო რა თქმა უნდა ბიანკონერის ორი მცველის სუსტი ასპარეზობა , რომლებმაც ზონურადაც და პერსონალურადაც უხეში შეცდომა დაუშვა . ეს ეპიზოდი ორი აზრი არაა , რომ არა ერთხელ იქნება განხილული და შესაბამისი სვლებიც მოჰყვება .

მეორე ტაიმი

პირველ ნახევარში , გუნდის უმთავრესი პრობლემა ბურთის ცირკულაცია იყო  , რაც გუნდს ნაკლებად ეფექტურს ხდიდა . კონტემ მყისვე მოახდინა რეაგირება და ძირეულად შეცვალა გუნდის ასპარეზობა . პეპემ ელია შეცვალა , ვიდალმა და მარკიზიომ კი პოზიციები გაცვალეს  . დაიკავა რა , მარკიზიოს პოზიცია ჩილელმა , პირლოს მოედნის ცენტრში სერიოზული დამხმარე გამოუჩნდა . არტურო უკვე თავად ცდილობდა გუნდის შემტევი ასპარეზობის ორგანიზებას .

ბურთის ცირკულაციამ , გააუმჯობესა გუნდის ასპარეზობა და შეუნარჩუნა ბალანსი . შემდეგ სურათზე უკვე კარგად ჩანს , რომ ვიდალი არ რჩება მარკიზიოსთან ერთად ერთ ხაზზე ( როგორც ეს პირველ ნახევარში იყო ) და საკუთარი  ახალი პოზიციის ხარჯზე , მას შეუძლია კატანიას უკან დახევის გადაკეტვა .

შემდეგ სურათზეც , ვიდალი მარკიზიოს უკან იმყოფება და ჭრის ლოდის გადაცემას .

უკეთეს მანევრირებას , ხელს მარკიზიოს ახალი როლიც უწყობს . კლაუდიო სწრაფ ტემპში გადადის ხოლმე წინა ხაზში და ცდილობს მატრისთან აქტიურ კომბინირებას .

პოზიციების შეცვლამ , მნიშვნელოვნად გამოასწორა იუვენტუსის ასპარეზობა . გუნდმა მეტ ნაკლებად გამოსწორა ასპარეზობა , თუმცა რიგ ეპიზოდებში მაინც რისკავდა კონტრ შეტევებზე . შეცვლა რომელიც მეორე ნახევარში განხორციელდა , საუბარია მატრის ნაცვლად დელ პიეროს შემოსვლაზე , მისცა გუნდს წინა ხაზში გაცილებით მეტი ფანტაზია და ტექნიკა . კუალიარელას გამოსვლასთან ერთად კი გუნდი ისევ დაუბრუნდა 4-4-2 ( 4-2-4 ) ტაქტიკურ სქემას . ბოლოს და ბოლოს ეს ყველაფერი აძლევს გუნდს ტემპს , რომელიც დაღლილობის დროსაც კი უნარჩუნებს იუვენტუსის სისწრაფეს და ტოვებს მას სახიფათოს მეტოქის კართან .

წყარო : uccellinodidelpiero.com