ვუჩინიჩი : “მილანის წინააღმდეგ 3 ქულის აღებას ვგეგმავთ”
“კატანიასთან” მატჩში მონაწილეობა მირკო ვუჩინიჩმა დისკვალიფიკაციის გამო ვერ მიიღო, ახლა კი მონტენეგროელი ანტონიო კონტეს განკარგულებაში იმყოფება და როსონერისთან დაპირისპირებისთვის ემზადება.Corriere Dello Sport – მა “რომას” ყოფილ ფეხბურთელს საკმაოდ საინტერესო ინტერვიუ ჩამოართვა…
“ლეჩე” : “ჩემი იტალიური კარიერა 17 წლის ასაკში, სწორედ ლეჩეში დაიწყო.ამ გუნდთან ძალიან ბევრი და სასიამოვნო მოგონება მაკავშირებს, იქ შეძენილ მეგობრებთან კონტაქტი დღემდე მაქვს.”
“იუვენტუსი” : “მოხარული ვარ, რომ ამგვარი გადაწყვეტილება მივიღე, თანაგუნდელებმა შესანიშნავი დახვედრა მომიწყვეს.შემოთავაზება მქონდა ნაპოლისგანაც, დე ლაურენტისმა საკმაოდ საინტერესო წინადადებით მომმართა, მაგრამ ბიანკონერები ჩემი პირველი არჩევანი იყო.მილანი ? – სიმართლე გითხრათ, ბავშვობაში ამ გუნდს ვგულშემატკივრობდი, მაგრამ ეხლა ეს მხოლოდ წარსულია და კვირას, როსონერის წინააღმდეგ 3 ქულის მოპოვების იმედი მაქვს.”
“რომაში” მიღებული გამოცდილება : “კიდევ ერთხელ მადლობა მინდა გადავუხადო ფრანკო და როზელა სენსებს, რომლებმაც ლეჩეში თამაშისას ჩემი რომაში გადაბირება გადაწყვიტეს.დედაქალაქურ გუნდში ასპარეზობისას გარკვეულ ეტაპზე პრობლემები მქონდა, მაგრამ ეს კიდევ უფრო მეტ სტიმულს მმატებდა.ჩემი ყოფილი თანაგუნდელები დღემდე ჩემი მეგობრები არიან და მათთან ახლო ურთიერთობა მაქვს, მაგრამ ლუის ენრიკესა და ამერიკელების გუნდში მოსვლის შემდეგ მათ სამომავლო გეგმებში ვერ მოვხვდი, ამიტომ კარიერა იუვენტუსში განვაგრძე და ამით ბედნიერი ვარ.”
დეიან სავისევიჩი : “იგი ჩემი პირადი აგენტია და პირველად იუვენტუსისგან მიღებული შემოთავაზების შესახებ სწორედ მან მაცნობა.დეიანმა მითხრა, რომ ბებერი ქალბატონი მსოფლიოში ერთ-ერთი საუკეთესო გუნდია, ახლა ამაში კიდევ უფრო დარწმუნებული ვარ.”
დელ პიერო და ტოტი : “ამ მოთამაშეებს შორის ბევრ საერთო თვისებას ვხედავ.ისინი გუნდების ლიდერები, ლეგენდები და სიმბოლოები არიან.როგორც ალესგან, ისე ფრანჩესკოსგან ბევრი საჭირო რჩევა მიმიღია, რაც მთავარია, ისინი კარგი ადამიანები არიან”.
3-1 ვიგებთ
არ მაზო ეხა შენ რო გიყვარს ხოლმე
მირკოს იმაზე მეტი შეუძლია ვიდრე აქამდე აკეთებდა, კონტემ უნდა აათამაშოს
დელპისგან ადამიანობას და პროფესიონალიზმს ისწავლი ტოტისგან აფერისტობას ისწავლიდი,მაგრამ არამგონია კოჭებში გეტყობა არა :smile:
ეგრე რა, კაცია და ტქვა ბავშვობაში მილანს ვგულშემატკივრობდიო, ასეთი სიმართლე ისეთ ტყუილს ჯობია