დი კარლო: ” კვირას გავიმარჯვებთ “

კვირას ვერონული “კიევო” ტურინის “იუვენტუსის” წინააღმდეგ ითამაშებს, თუმცა მომო დი კარლო, “მფრინავი ვირების” დამრიგებელი იტალიის ყველაზე ტიტულოვან კლუბს არ უშინდება და ამბიციურ განცხადებასაც აკეთებს….

“ზოგჯერ გამარჯვება ჯერ თავში იბადება და შემდეგ აქცევს ხოლმე ადამიანი რეალობად, ასე რომ, ოცნება უკეთ თამაშში შეიძლება დაგეხმაროს. “ნაპოლის” სივრცეები შევუზღუდეთ და კონტრშეტევის შანსებს არ ვაძლევდით, მეორე ტაიმში ფლანგებზე ზეწოლა გავაძლიერეთ, რითაც მოგების შანსებიც გაგვიჩნდა. “იუვე” წინ აწეული ცენტრით თამაშობს, ასე რომ “ბიანკონერების” სწრაფი გაჭრების აღსაკვეთად ფორმაციის მცირე მოდიფიკაცია მომიწევს. საკმარისი არც პირლოს შებოჭვაა, ამას თან აგრესიული მოქმედება და ზონების გამყარება სჭირდება. წინააღმდეგ შემთხვევაში, არტურო ვიდალისა და კლაუდიო მარკიზიოსნაირი ჭკვიანი ფეხბურთელები გაგანადგურებენ.”

“როცა შეგვიტევენ, ყურადღებით უნდა ვიყოთ, რომ ბოლომდე არ მიგვიმწყვდიონ საკუთარ კარებთან. აუცილებლად დადგება დრო, როცა “იუვეს” ამოსუნთქვა დასჭირდება და სწორედ ამ დროს გადავალთ შეტევაზე. მოედანზე მხოლოდ პირლოს ბლოკირებისათვის კი არა, მოსაგებად გავდივართ. ეს უძლიერესი “კიევოა”, რომლის სათავეშიც როდესმე ვმდგარვარ. ბევრი ფეხბურთელი, რომელიც სათადარიგოთა სკამზეა, ძირითად შემადგენლობაში იმსახურებს თამაშს, ეს კი კიდევ უფრო გაძლიერების საშუალებას გვაძლევს. ჩემს ბიჭებს ყოველი მატჩის წინ ერთსა და იმავეს ვუმეროებ: ჩვენ მოსაგებად ვთამაშობთ. კვირას ამ სიტყვების საქმედ ქცევას ვეცდებით “ – აცხადებს დი კარლო.

წყარო: football italia