ლიხტშტაინერი : “კიევო აუცილებლად უნდა დავამარცხოთ”

მიუხედავად იმისა , რომ სტეფან ლიხტშტაინერი ამპლუით მცველია , მას საკმაოდ ნაყოფიერად შეუძლია შეტევაში ასპარეზობა , რაც უკვე დაამტკიცა ბიანკონერის პირველ ოფიციალურ მატჩში ახალ არენაზე . სტეფანმა თავი , სანაკრებო ბატალიების დროსაც გამოიჩინა , გაუტანა რა გოლი ჩერნოგორიის ეროვნულ ნაკრებს : ” სამწუხაროა , რომ ვერ მოვახერხეთ ევროპის 2012 წლის ჩემპიონატზე მოხვედრა , თუმცა სეზონი ჯერ ეხლა დაიწყო , რაც ნიშნავს იმას , რომ კონცენტრაცია ” იუვენტუსის ” წარმატებაზე უნდა მოვახდინო . კარგად დავიწყეთ მიმდინარე ჩემპიონატი და უნდა ითქვას , რომ ამისი წინაპირობა თავიდან არ არსებობდა , რადგან გუნდი რადიკალურად იქნა შეცვლილი ზაფხულის სატრანსფერო ფანჯრის პერიოდში . აღსანიშნავია , რომ კლუბმა საკმაოდ ნაყოფიერად იმუშავა და ამის გამო აპლოდისმენტებს იმსახურებს . დღევანდელი ჩვენი მიზანი კი ვფიქრობ ნათელია , აუცილებელია იმავე კურსით მოძრაობა . თუ ეს შევძელით , მაშინ ის ქება დიდება რაც ჩვენი მისამართით ისმის , გამართლებული იქნება . გამოცდები ერთი კონკრეტული მატჩით არ სრულდება . შემდეგი ტესტი ” კიევოსთან ” მატჩში უნდა ჩავაბაროთ , წინააღმდეგ შემთხვევაში ” მილანზე ” გამარჯვება აზრს დაკარგავს ” .

წყარო : ტურინის ” იუვენტუსის ” ოფიციალური ვებ გვერდი