ბარძალი : “პელისიერი ? – ის ერთადერთი არაა, ვისაც ხიფათის შექმნა შეუძლია”

მიმდინარე სეზონში ანდრეა ბარძალი ტურინის “იუვენტუსის” დაცვის ბურჯად ჩამოყალიბდა.იტალიელმა უკანახაზელმა უკლებლივ ყველა მატჩი ძირითად შემადგენლობაში და რაც მთავარია დამაჯერებლად ჩაატარა.ბიანკონერების რიგებში შესანიშნავი ასპარეზობის გამო, პირველად  2006 წლის მსოფლიო ჩემპიონატის შემდეგ, ბარძალი კვლავ ეროვნული ნაკრების წევრია.

სერბეთისა და ჩრდილოეთ ირლანდიის ნაკრებებთან გამართული შეხვედრების შემდეგ ანდრეა ბარძალი ანტონიო კონტეს განკარგულებაში დაბრუნდა და ახლა ყოფილი გუნდის, “კიევოს” წინააღმდეგ მატჩისთვის ემზადება.

“სერია A – ში თამაში სწორედ კიევოს შემადგენლობაში დავიწყე.ვერონაში გატარებული პირველი წელი უბრალოდ საოცარი იყო, ეს პერიოდი არასდროს დამავიწყდება.”ბენტეგოდის” სტადიონი ნებისმიერი გუნდისთვის რთულად სათამაშო არენაა, ამიტომ ჩვენ რთული მატჩი გველის.პელისიე ? – ის გუნდის ლიდერია, თუმცა არა ერთადერთი, ვისაც ხიფათის შექმნა შეუძლია.აქტიურად ვმუშაობთ იმისთვის, რომ გუნდი მეტად ყურადღებიანი, მობილიზირებული და მონდომებული გახდეს. “

იტალიის ჩემპიონატში ბოლო შეხვედრა “ბიანკონერებმა” საკუთარ მოედანზე, “მილანის” წინააღმდეგ გამართეს ( 2-0 ) : “გამარჯვებამ თავდაჯერებულობა შეგვმატა, მაგრამ ეს მხოლოდ ყველაფერის დასაწყისია.მშვიდად უნდა განვაგრძოთ ვარჯიში, ვიფიქროთ ჩვენს მიზნებზე და არა მოწინააღმდეგეზე.იტალიაში ყველაფერი მოულოდნელად იცვლება, უახლოეს მატჩებში გამოჩნდება, რა შეუძლია ტურინის იუვენტუსს.”

აპენინებზე დაბრუნების შემდეგ ანდრეა ბარძალიმ შესანიშნავი სათამაშო ფორმა დაიბრუნა და ეროვნულ ნაკრებში მოწვევაც დაიმსახურა : “ბოლო თვეებში ბევრი რამ შეიცვალა, მაგრამ ამას რევანშს ვერ ვუწოდებ.გერმანიაში თავს კარგად ვგრძნობდი, მაგრამ უდიდეს გუნდში მოხვედრის შანსი ხელიდან არ გავუშვი.უკანასკნელ პერიოდში საკუთარ თავთან უდიდესი სამუშაოები ჩავატარე და ეს წარმატება მაძლევს მოტივაციას, ვიბრძოლო უფრო მეტისთვის.”

წყარო : Juventus.com