“ინტერი” 1-2 “იუვენტუსი” (ფეხბურთელების შეფასებები)

გთავაზობთ გუშინდელ მატჩში მონაწილე ფეხბურთელების შეფასებებს…

ბუფონი 6 – დამაჯერებლად მოქმედებდა მთელი მატჩის განმავლობაში.გაშვებული გოლის ეპიზოდში მისი დადანაშაულება შეუძლებელია, რადგან მაიკონის დარტყმულს მიმართულება ბონუჩის მუხლმა შეუცვალა.

ლიხშტაინერი 6.5 – მოქმედებდა ყურადღებით, მშვიდად და დამაჯერებლად.ფიზიკურ ბრძოლებში მყარად იდგა ფეხზე.კონტროლი დაცვაში, აქტიური ჩართვა შეტევაში.

ბარძალი 7 – ან ფეხით, ან თავით – მთავარია, რომ ნებისმიერი ორთაბრძოლა ანდრეას გამარჯვებით სრულდებოდა.მეორე ტაიმში დამაჯერებლად კეტავს “პაცოს”.

ბონუჩი 6.5 – მიმართულებას უცვლის მაიკონის დარტყმულს, თუმცა ამის შემდეგ ერთვება ორთაბრძოლებში და იგებს კიდეც მათ.ყურადღებით მოქმედებდა მეორე ტაიმში.

კიელინი 6.5 – მატჩის დებიუტში მაიკონთან დაპირისპირება ძალიან გაუჭირდა, თუმცა შემდეგ ყველაფერი მოაგვარა.მონაწილეობს თითოეულ ეპიზოდში და აქტიურად მეურვეობს ნერიაძურის ტანმაღალ შემტევებს, ლუსიოსა და პაცინის.

მარკიზიო 7.5 – ისევ გაიტანა, უკვე მეოთხე გოლი მეცხრე შეხვედრაში.გათამაშებული კედელი მატრისთან და ბილიარდისებული უზუსტესი დარტყმა, საბოლოოდ 2-1.შეეძლო გაეტანა მეორე გოლიც, თუმცა კასტელაციმ არ დაანება.კლაუდიომ არა მხოლოდ გამარჯვების გოლის შოუ დადგა, არამედ ჩაჭრების, ბლოკებისა და კონტშეტევების წამოწყების.

პირლო 6.5 – თამაშობს ლამაზად, თუმცა რიგ ეპიზოდებში სახიფათოდ.როგორც ყოველთვის, საოცარი სიზუსტით არიგებს პასებს, ხედავს მოედანს და ურტყამს კიდეც კარში.შემდეგ მატჩში ნაკლებ რისკიანად, გეთაყვა.

ვიდალი 6.5 – კარგად დაიწყო, თუმცა შემდეგ უფრო ჩრდილში მოექცა.მეტოქის შეტევების ჩაშლაში დამაჯერებლად მოქმედებს, თუმცა შეტევაში მისი პასები სიზუსტით ნამდვილად ვერ დაიკვეხნიდნენ.

პაციენცა ( 89 – ე წუთიდან ) – შეფასების გარეშე.

პეპე 6.5 – თამაშობს კვლავ ძირითად შემადგენლობაში და კვლავ დამაჯერებლად.მაიკონის წინააღმდეგ თამაშობს თავგანწირულად და ეხმარება თანაგუნდელებს.

მატრი 6.5 – ამჯერად ალემ საგოლე მომენტები ვერ გამოიყენა, თუმცა გუნდურ თამაშში იტალიელი ერთ-ერთი გამორჩეული იყო.გააკეთა საგოლე გადაცემა მარკიზიოზე და მონაწილეობა მიიღო პირველი გოლის ეპიზოდში, წამოიწყო შეტევა, დაარტყა კარში და მის დარტყმულს ვუჩინიჩმა დაამატა.უკმაყოფილოა შეცვლით, თუმცა ეს იმ ბომბარდირის უკმაყოფილებაა, რომელმაც გოლის გატანა ვერ შეძლო.

ვუჩინიჩი 7 – თავიდან ურიგოდ დაიწყო, თუმცა შემდეგ გაიტანა გოლი და მონაწილეობა მიიღო მეორე საგოლე ეპიზოდში.არ ცდება, როცა ბურთს იღებს.ბევრი იშრომა მეორე ტაიმშიც, პრესინგს აწარმოებდა მეტოქის დაცვის ხაზთან.

დელ პიერო ( 84 – ე წუთიდან ) – შეფასების გარეშე.

წყარო : La Stampa