მატრი: ” ფავორიტი “მილანია” “

შესაძლოა სატურნირო ცხრილის სათავეში “იუვენტუსია”, მაგრამ ალესანდრო მატრი “სკუდეტოს” მოგების მთავარ ფავორიტად მაინც ‘მილანს” მიიჩნევს. “ბებერი ქალბატონი” ერთადერთი გუნდია “სერია ა” -ში, რომელმაც მე-10 ტურამდე მარცხის გარეშე მოაღწია. კონტეს შეგირდები ბრწყინვალე ფეხბურთს აჩვენებენ, თუმცა, ცხადია, ეს მოდუნების მიზეზი არ უნდა გახდეს…

“ “მილანი” მოქმედი ჩემპიონია, მათ შესანიშნავი ფეხბურთელები ჰყავთ და ამიტომაც რჩებიან ფავორიტებად. ჩვენ, ჩვენიმხრივ, ჩემპიონატის მაქსიმალურად მაღალ პოზიციაზე დასრულებას უნდა ვეცადოთ. დავიცადოთ და ვნახოთ, რა მოხდება. ჯერჯერობით, ყველაფერი კარგადაა და გვინდა, ეს არც მომავალში შეიცვალოს. ასეა თუ ისე, წინ “ნაპოლისთან” წარმოუდგენლად რთული მატჩი გველის. ფაქტი, რომ “ნაპოლი” ევროპაში თამაშობს, კონდიციების მხრივ, უპირატესობას გვანიჭებს, მაგრამ ზოგჯერ, როცა მოტივაცია მაღალია, ამას მნიშვნელობა აღარ აქვს. კონტე კონცენტრაციას გვინარჩუნებს. ჩვენ რამდენიმე ტაქტიკურ მონახაზზე ვმუშაობთ, რომლებმაც თამაშის სტილის შეცვლის საშუალება მატჩის მიმდინარეობის დროს უნდა მოგვცეს. ჩვენ კი, ფეხბურთელები, ვცდილობთ, ვარჯიშის და შემდეგ უკვე თამაშის დროს, თავი საუკეთესოდ წარმოვაჩინოთ ხოლმე. ”

აღსანიშნავია, რომ “ინტერთან” გამარჯვების შემდეგ ალესანდრომ წმ. რაფაელის საავადმყოფოს მონახულება და იქ ლეიკემიის წინააღმდეგ ბრძოლის პროგრამის ფარგლებში სისხლის ჩაბარებაც მოასწრო. მანამ, სანამ ფორვარდის სისხლი რეციპიენტამდე მიაღწევს, მედიკოსები ფორმალობების მოგვარებითა და გამოკვლევების ჩატარებით დაკავდებიან.

წყარო: football italia