” ინტერი ” 1-2 ” იუვენტუსი ” ( ტაქტიკური ანალიზი )

თავდაპირველად უნდა აღინიშნოს , რომ ” იუვენტუსმა ” არ თქვა უარი იმ ტაქტიკურ მონახაზზე , რომელმაც წარმატება მოუტანა ბიანკონერის ” ფიორენტინასთან ” დაპირისპირებაში . თუმცა , გარკვეული კორექტივები კონტემ მაინც შეიტანა და კერძოდ სტორარის ნაცვლად , კარში ჯანლუიჯი ბუფონი გამოჩნდა . დაცვის ხაზი უცვლელია : ლიხტშტაინერი , ბარძალი , ბონუჩი და კიელინი . ნახევარდაცვაში მარკიზიოსი , პირლოს და ვიდალის ტრიო მოქმედებდა . შეტევაში მარჯვნივ პეპე ასპარეზობდა , მარცხნივ ვუჩინიჩი , ხოლო ცენტრ ფორვარდის პოზიციაზე ალესანდრო მატრი .

რანიერი თავის მხრივ არჩევანს 4-3-1-2 სქემაზე აჩერებს . კარში კასტელაცი , დაცვაში მაიკონი , ლუსიო , კივუ და ნაგატომო ასპარეზობდნენ . შუა ხაზში რომბის პრინციპით კი , კამბიასო ( რომელიც უფრო მეტად დაცვის ხაზის სიახლოვეს იმყოფებოდა ) , სნეიდერი ( თავდამსხმელების უკან ) , ძანეტი ( მარჯვენა ფლანგი ) და ობი ( მარცხენა ფლანგზე ) ირჯებოდნენ . წინა ხაზში კი სარატე და პაცინი იმყოფებოდნენ .

მატჩის ტაქტიკური განხილვა

საკმაოდ საინტერესო იყო რა ტაქტიკური ჩანაფიქრით იასპარეზებდა რანიერის გუნდის . ბიანკონერის ექს თავკაცმა , მაღლა აწეული პრესინგი აირჩია , რითაც პრინციპში შავ თეთრებს სერიოზული პრობლემები გაუჩინა , რადგან ეს ყველაფერი ხელს უშლიდა კონტეს გუნდის ფილოსოფიას – ანუ გადაცემების გაკეთებას ფლანგებიდან ცენტრში და უკვე იმ ზონიდან შეტევის დაწყება . ინტერის ფორვარდები ავიწროვებდნენ ბარძალი – ბონუჩის დუეტს , ხოლო სნეიდერი პირლოს აკონტროლებდა , შედეგად იუვეს პრობლემები შეექმნა თამაშის ორგანიზებაში …

ინტერის არჩევანი , კი თავად ამ გუნდისთვის პერიოდული წარმატებებით აღინიშნება . მიუხედავად ასეთი პრესინგისა , ტურინელები არ ცდილობდნენ ბურთის მაღლა აწევას , შედეგად მეტოქის ხაზს საკმაოდ წელავდნენ . შემდეგ ვიდეოზე იხილავთ , თუ რას მიაღწევს ნერიაძური საკუთარი ჩანაფიქრით : იუვე ცდილობს პრესინგიდან თავის დაღწევას დაცვის ხაზში ბურთის ცირკულაციით . შედეგად ინტერი მაინც იგდებს ბურთს და აკეთებს გადაცემას პაცინიზე , რომელიც სახიფათოდ ურტყამს ბუფონის კარის მიმართულებით .

სხვათაშორის ინტერის მიერ , იუვენტუსის ნახევარზე ჩაგდებული ბურთებით , თავად ტურინელებიც ხეირობდნენ . ოდნავ ქვემოთ , ჩვენ განვიხილავთ , ასეთ ეპიზოდებში , როგორ იქმნებოდა რიცხობრივი უპირატესობა ბებერი ქალბატონის სასარგებლოდ . დავუბრუნდეთ ინტერს და მის მიერ შექმნილ სახიფათო მომენტებს . უნდა აღინიშნოს , რომ ტურინელთა ფლანგები ასპარეზობდნენ საკმაოდ სუსტად ! მაგალითად სნიდერი , რომელიც აბსოლიტურად ყველგან იყო , ხშირად ინაცვლებდა მარცხენა ფლანგზე . მაშინ როდესაც ძანეტი , ხშირად ინარჩუნებდა პოზიციას და კეტავდა ზონას , მის საპირისპირო მხარეს ობი , უფრო მეტად აგრესიული იყო წინა ხაზში და ხშირად მიდიოდა გამწვავებაზე . შემდეგ სურათზე სნეიდერი და ობი საკმაოდ ღრმად არიან ასულები მარცხენა ფლანგზე . ჰოლანდიელი ბურთის მისაღებად პოზიციას იცვლის და შედეგად ლიხტშტაინერი სწორედ მისი მიმართულებით აგრძელებს მოძრაობას , რის გამოც თავისუფალ სივრცეს უქმნის ობის .

შემდეგ სურათზე , მაშინ როდესაც ბურთი მარცხენა ფლანგზე იმყოფება ობისთან , დააკვირდით ფეხბურთელების განლაგებას ! როგორც ხედავთ , მარცხენა ფლანგზე საკმაოდ დიდი ხალხმრავლობა შეინიშნება , ეხლა კი შეხედეთ მაიკონს , რომელიც პირველი სურათის ეპიზოდში ვუჩინიჩის ზონაშია . საქმე იმაშია , რომ სარატე , სნეიდერი და პაცინი საკმაოდ ჭკვიანურად მოძრაობენ , რის შედეგადაც ბიანკონერის მარცხენა ფლანგი რჩება უყურადღებოდ , რადგან მცველები მათი მეთვალყურეობით არიან დაკავებულნი .

შემდეგ ვიდეოზე , არის ეპიზოდი მაიკონის შესრულებით , რომელსაც მოჰყვება ის კუთხური , რის შემდეგაც ათანაბრებს ანგარიშს ნერიაძური .

ფლანგების სუსტ ასპარეზობას , ყველაფერთან ერთად უწყობდა ხელს ის გარემობაც , რომ მარკიზიოს და ვიდალს ბურთის მისაღებად , საკმაოდ მაღლა უწევდათ ამოსვლა . ამასთან ერთად , გასულ მატჩებისგან განსხვავებით , კონტეს ჩანაფიქრით , მეტოქის მცველებზე ზეწოლას არა მარტო ვიდალი , არამედ მარკიზიოც . ეს კარგად ჩანს შემდეგ სურათზე .

ბუნებრივია ასეთ სათამაშო სტილში , მარკიზიოს და ვიდალს უჭირდათ საკუთარი ფლანგელი მცველების დახმარება .

მოკლედ , ინტერის უპირატესობის რამდენიმე ელემენტი გამოვყოთ პირველ ნახევარში : მაღალი პრესინგი და ეფექტურად ბურთის ართმევა , რომელიც შესაძლოა ხშირად არ ხორციელდებოდა , მაგრამ ერთეული შემთხვევა არ ყოფილა . ფლანგების აგრესიული ასპარეზობა წინა ხაზში , განსაკუთრებით მაიკონის !  რომლის წინააღმდეგაც ვუჩინიჩი არცთუ ისე ეფექტურად ასპარეზობდა .

ეხლა თავის მხრივ ვისაუბროთ იუვენტუსის ძლიერ მხარეებზე , რითაც შესძლო ინტერის სუსტი ადგილების მოძებნა . შესაძლოა რანიერის არჩევანი რაღაც მომენტში გამართლებული იყო , როდესაც მარცხენა ფლანგს მიანიჭა უპირატესობა შეტევებისას , მაგრამ სწორედ ეს გახდა იუვენტუსისთვის წარმატების მომტანი  ! დავიწყოთ შემდეგ ეპიზოდიდან , სარატე და პაცინი ახდენენ ზეწოლას იუვეს ცენტრალურ მცველებზე , სნეიდერი ამასობაში პირლოს ზონაშია , ეხმარება რა ობის და ძანეტის დაცვიდან ამოსვლაში . განსაკუთრებული მადლობა ლიხტშტაინერს , რომელმაც ორგანიზება გაუკეთა საკუთარი გუნდის შეტევას . ხშირად გადიოდა ხოლმე ობი ლიხტშტაინერზე , რომ ბურთი აერთმია …

მოედნის ცენტრში , იუვეს მხოლოდ სამი ფეხბურთელი უპირისპირდებოდა . ინტერის მდგომარეობას სამი მთავარი რამ ამძიმებს :

1. მოქმედების პირველი ფაზის შემდეგ , სნეიდერი პრაქტიკულად არ ახდენდა პრესინგს პირლოზე და არასოდეს არ გასულა ნახევარდაცვის ზონიდან .

2. კამბიასო და ძანეტი მოიკოჭლებენ ფიზიკურ ასპექტში , რომ გადაკეტონ ყველა ის ზონა რომელშიც მარკიზიო , ვიდალი და იუვეს ფლანგელი ფორვარდები მოქმედებდნენ და რომლებიც პერიოდულად ცენტრში ინაცვლებდნენ .

3. ობია ერთადერთი საუკეთესო შუა ხაზში , რომელიც ყველგან ასწრებდა , მაგრამ რიგ ეპიზოდებში სწორედ ეს ღუპავდა სიტუაციას .
მომენტალურად გვახსენდება სიტუაცია , რომელიც მილანთან შეხვედრაში ხდებოდა . მაშინ თუ გახსოვთ იუვეს ცენტრალური ნახევარმცველები პატარა ბავშვით ცდებოდნენ ვან ბომელს . ამ მატჩში კი როგორც უკვე ითქვა , არა საკმაირისი ფიზიკური კონდიციების გამო ხშირად რჩებოდნენ ანალოგიურ სიტუაციაში კამბიასო და ძანეტი . ამიტომაც ჩნდებოდა ამოუხსნელ რებუსად ეპიზოდები , როდესაც ბურთი სწრაფ ტემპში ბიანკონერის ფორვარდებამდე მიდიოდა . შემდეგ სურათზე ხედავთ , თუ როგორ არიან დაშორებულნი ერთმანეთს ინტერის ნახევარმცველები , შედეგად იქმნება პოტენციური სახიფათო მომენტი მათ კართან .

როგორც ხედავთ მთელი პრობლემა იმაშია , რომ ნერიაძური ვერაფერს უხერხებს თავისუფალ ზონებს , ვერ კეტავს რა მარკიზიოს , ვიდალს და ვუჩინიჩს .

შემდეგ სურათებზე თქვენ იხილავთ : პირლო აკეთებს გადაცემას მარკიზიოზე , რომელიც ცენტრალურ ზონაში იმყოფება , სადაც კამბიასო და ძანეტი ერთმანეთისგან საკმაო მოშორებით განლაგდნენ , შედეგად მათ არ ძალუძთ ხელი შეუშალონ კლაუდიოს შეტევის დაწყებაში . ბურთის მიღების შემდეგ , მარკიზიო თავისუფალ ზონაში აგზავნის მას ვუჩინიჩზე . მირკოს აქვს დრო მიიღოს იგი , მობრუნდეს და გააკეთოს გამჭოლი პასი მატრიზე .

გადავიდეთ იმ ეპიზოდზე , როდესაც ვუჩინიჩს გააქვს გოლი . თავდაპირველ ფაზაში , მარცხენა ფლანგზე , კიელინიზე ძანეტი გადის , მარკიზიო კი ამ დროს სრულიად თავისუფალია , რომ მიიღოს ბურთი . საპირისპირო ფრთაზე ვიდალს ობი აკონტროლებს . მარკიზიო კვალვინდებურად ყოველგვარი წნეხის გარეშე თამაშობს , ის აკეთებს გადაცემას მატრიზე , რითაც აძლევს საშუალებას ლიხტშტაინერს გაიხსნას შეტევის გასაგრძელებლად . რადგანაც ვიდალი ობის თავისი მიმართულებით გაიყოლებს , ხოლო ნაგატომო საკმაოდ მაღლაა განლაგებული , შვეიცარიელ ფეხბურთელს მანევრის საშუალება ეძლევა .

ლიხტშტაინერი დაელოდება ნაგატომოს და მხოლოდ ამის შემდეგ აკეთებს გადაცემას ალესანდრო მატრიზე .

იუვენტუსის მეორე გოლიც ანალოგიურ სტილში გავიდა , როდესაც ინტერს უბრალოდ არ შეეძლო მთელი პერიმეტრის საიმედოდ გადაკეტვა . ლიხტშტაინერი მარჯვენა ფლანგზეა , სადაც მას ობი უპირისპირდება . ვუჩინიჩი მეტოქის ორ ზონას შორის იკავებს პოზიციას , ხოლო კამბიასო ისე შორს არის ჩერნოგორიელისგან , რომ არ ძალუძს ხელი შეუშალოს სიტუაციას რაიმეთი . ძანეტიც შორს არის კამბიასოსგან . მარკიზიო ამასობაში ითამაშებს კედელს მატრისთან და ცივ სისხლიანად იტანს ბურთს .

რა შეიძლება , რომ ითქვას დასასრულს ? ” იუვენტუსი ” , საკმაოდ ეფექტურად და რაც მთავარია ადვილად იყენებს იმ უპირატესობას რასაც მეტოქე სთავაზობდა . იგერიებდა რა პირველ წნეხს გუნდი , გადადიოდა და ქმნიდა სახიფათო მომენტებს მეტოქის კართან . მთავარი პრობლემა ნერიაძურის იყო , როგორც უკვე ითქვა ნახევარდაცვის ხაზი , კერძოდ კამბიასოს და ძანეტის ფიზიკური სისუსტეები და ასევე ობის , ტაქტიკური მინუსი . თავისუფალი ზონები , რომლებიც ოკუპირებულ იქნა მარკიზიოს , ვიდალის და ვუჩინიჩის მიერ , იყო წარმატების მომტანი ტურინელთათვის .

მარკიზიოს გოლის შემდეგ , კონტე იწყებს ტაქტიკის შეცვლას და გაცილებით დაცვითს ხდის საკუთარ გუნდს . მან პეპეს და მირკოს ფლანგეი შეუცვალა . მაიკონის სახიფათო გარღვევები მკვეთრად დაეცა , რადგან პეპე არ აძლევს მას ამოსუნთქვის საშუალებას . ამასთან ერთად ეს აძლევს კიელინის საშუალებას შეიწიოს ხოლმე ცენტრში , რადგან ფლანგზე მას უკვე პეპე ეხმარება . შემდეგ სურათზე კარგად ჩანს იუვეს დაცვის განლაგება , როდესაც სიმონემ პოზიცია შეიცვალა .

შესვენების შემდეგ , კონტე განაგრძობდა საკუთარი გუნდის დაცვით სქემაზე თამაშს . ვიდალი უკვე მჭიდროდ მეურვებოდა ოპონენტს , ინტერის მარცხენა ფლანგზე . პირლო გაცილებით თავისუფლად იყო სნეიდერისგან , ცდილობდა რა თავის მხრივ მის გათიშვას თამაშიდან . შემდეგ ვიდეოზე ჩანს მისი ასპარეზობა ჰოლანდიელის და ბურთს შორის .

რანიერი ცდილობდა გადაეჭრა ზემოთ ჩამოთვლილი პრობლემები , მან მოედანზე კასტანიოსი შემოიყვანა , რომელმაც სარატე შეცვალა . ახალგაზრდა ფორვარდის თამაში ჩართვით , გუნდი კლასიკურ 4-4-2 ზე გადადის .

იუვენტუსმა გადაჭრა მაიკონის პრობლემა და აღარ დაუშვია უხეში შეცდომა . მან შეინარჩუნა ის მინიმალური უპირატესობა რაც პირველ ტაიმში მოიპოვა . თავის მხრივ ტურინელებმა მოახერხეს სახიფათო იერიშების განხორციელება , რომლებიც მართებდათ დაესრულებინათ ესტიგარიბიას , ვუჩინიჩს და დელ პიეროს . შეცველებმა თავის მხრივ მათთვის ტაქტიკურად არ მოუხდენია ზეგავლენა . ესტიგარიბია , რომელიც პეპეს ნაცვლად გამოჩნდა მოედანზე , კარგად იჭერდა მაიკონს , ხოლო ცენტრალური ფოვარდის პოზიციაზე კარგად იჭერდა ბურთს ვუჩინიჩი . დელ პიეროს დავალება კი , მირკოს იდენტური იყო . ისევე როგორც ფიორესთან შეხვედრაში , პაციენცა მოედანზე ბოლო წუთებზე გამოჩნდა ვიდალის ნაცვლად და დაიკავა მცველების წინ ადგილი .

ტაქტიკური ჭიდილი კონტეს და რანიერის შორის , დასრულდა იუვენტინოს გამარჯვებით . პროგრესი სახეზეა ! ბონუჩი , მოედნის ცენტრში , სძენს გუნდს ხარისხს ბურთის კონტროლის დროს , რომელიც აუცილებელია კონტეს სქემაში . პირლო – მარკიზიო – ვიდალი , ეს არის ევროპული დონის ცენტრი ! პეპე კი არის ფეხბურთელი , რომელსაც ყოველგვარი ცვლილების გარეშე შეუძლია მოედანზე საკუთარი გუნდის ტაქტიკური სქემის რეორგანიზება . ვუჩინიჩი სათამაშო კლასს ამაღლებს , ხოლო მატრი ამტკიცებს , რომ დღითი დღე უმატებს , იგი შესანიშნავად კითხულობს თამაშს ! ამასთან ერთად მთელ რიგ ეპიზოდებში სწორედ ის იწყებს შეტევის ვერტიკალს , რომელიც საბოლოო ჯამში სახიფათოდ სრულდება მეტოქისთვის . შემდეგი ნაპოლია , რომელიც ჯერ ჯერობით სატურნირო ცხრილში ქვევით იმყოფება …