მოჯი: ” არაერთი შოკის მომგვრელი შეუსაბამობაა “

მოჯი ნეაპოლური სასამართლოს მიერ გამოტანილ ვერდიქტს ასაჩივრებს. დღეს პროკურატურამ ყოფილი გენერალური დირექტორი კიდევ ერთხელ სცნო დამნაშავედ და პირობითი ხუთწლიანი სასჯელიც შეუფარდა…

” ყველა იმ მტკიცებულების შემდეგ, რაც მე წარვადგინე, ამას ნამდვილად არ ველოდი, მაგრამ, როგორც ჩანს, საბოლოო განაჩენი უკვე დაწერილი იყო. არაერთი შოკის მომგვრელი შეუსაბამობაა, ამ დეტალებს გასაჩივრებისთვის აუცილებლად გამოვიყენებთ. იმედია , ფრაზა “კანონთან ყველა თანასწორია” რეალობად იქცევა, დღევანდელი სხდომის შემდეგ თავს განტევების ვაცად ვგრძნობ. მე ყოველთვის ფეხბურთისთვის ვცხოვრობდი, მაგრამ ახლა ყველამ ზურგი მაქცია.” -ყოფილი დირექტორი ოფიციალური “იუვენტუსის” განცხადებამაც გააღიზიანა, სადაც ნათქვამი იყო, რომ წლების წინ მომხდარში მხოლოდ კერძო პირები იყვნენ დამნაშავენი: ” ძალიან უცნაურია, რატომ დაიბანეს ხელები”იუვენტუსში”, მოედანზე მე კი არა, ფეხბურთელები გადიოდნენ. ასეა თუ ისე, ეს დიდი ჩემპიონებისა და ოქროს ბურთის მფლობელების: ზიდანის, ნედვედის, კანავაროს და, რა თქმა უნდა, “იუვეს” სიმბოლოს დელ პიეროს გუნდი იყო. ” -მომხდარზე ისაუბრა “მილანის” ფორვარდმა ზლატან იბრაჰიმოვიჩმაც, შვედი ფორვარდი საკუთარ ინტერვიუში საკმაოდ კატეგორიული იყო: “ ეს ყველაფერი სისულელეა. სიმართლე ერთია, ჩვენი გუნდი ზედმეტად ძლიერი იყო და ჩვენი განადგურება ამ გზით გადაწყვიტეს ” -აცხადებს იბრაჰიმოვიჩი.

წყარო: football italia