ჯიაკერინი : ” ჩემპიონატში შესვენებაა , მაგრამ არა ჩვენთვის “

ტურინის ” იუვენტუსი ” ამ ეტაპზე სამ კვირიანი ” იძულებითი ” არდადგების რეჟიმშია , რომელიც გამოწვეულია არა მარტო სანაკრებო ბატალიების გამო . ნეაპოლში გადადებულმა მატჩმა , ბიანკონერის დასვენების ვადა კიდევ უფრო გაახანგრძლივა . თუმცა , ფაქტია რომ ტურინელები შესანიშნავ ფორმაში იმყოფებოდნენ და მაქსიმალურად შეეცდებოდნენ წარმატებული გზის გაგრძელებას . რაც არ უნდა იყოს , ანტონიო კონტე არ აძლევს საკუთარ ფეხბურთელებს მოდუნების საშუალებას და გუშინ ამხანაგური მატჩი გამართა ვინოვოზე , ერთ ერთ ადგილობრივ გუნდთან . საგულისხმოა , რომ ამ დაპირისპირებაში თავი ემანუელე ჯიაკერინიმ გამოიჩინა , რომელმაც როგორც ჩანს სრულად მოიშუშა ტრავმა და მზად არის მოედანზე გამოსასვლელად …

” ტრავმის შემდეგ აუცილებელი იყო კარგ რითმში ასპარეზობა , მიუხედავად იმისა , რომ ეს ამხანაგური ხასიათის შეხვედრა იყო . დიახ , გეთანხმებით ასეთი ტიპის მატჩებში არ არის ის განწყობა , როდესაც მოედანზე სამი ქულისთვის გადიხარ , მაგრამ უშუალოდ მწვრთნელისთვის ეს მნიშვნელოვანია . მას ეძლევა საშუალება სხვადასხვა ტაქტიკური ჩანაფიქრები გამოცადოს . ჩემპიონატში შესვენებაა , მაგრამ იგივეს ვერ ვიტყვით ჩვენზე . არ შეიძლება ერთი წამითაც კი მოდუნება , მითუმეტეს ასეთ პოზიტიურ პერიოდში ” .

კონტეს განკაგრულებაში , ამ ეტაპზე უამრავი ფეხბურთელი არ იმყოფება , რომლებიც სანაკრებო ბატალიების გამო სხვადასხვა ევროვნულ ნაკრებებში ასპარეზობენ . საერთო ჯამში ვინოვოს 14 იუვენტინო აკლია , მაგრამ სათამაშო ხარისხზე ამას არ უმოქმედია და დარჩენილ ფეხბურთელებს მოტივაცია მნიშვნელოვნად გაეზარდათ : ” ის რომ ჩვენი არა ერთი პარტნიორი სხვადასხვა ნაკრებში ასპარეზობს , კიდევ ერთხელ ამტკიცებს ” იუვენტუსის ” ძალას . ბედნიერი ვარ, რა თქმა უნდა. ამდენი გამორჩეული ფეხბურთელის გვერდით ასპარეზობა , ეს იმას ნიშნავს , რომ თავადაც გამაჩნია ბევრი რამ . სკუადრა აძურა ? სიმართლე გითხრათ ამაზე არ ვფიქრობ . ყოველი წარმატება , რომელსაც მივაღწიე იყო მუხლჩაუხრელი შრომის შედეგი და სწორედ ამ კურსით გავაგრძელებ მომავალშიც სვლას . მოხარული დავრჩები თუ გადამწყვეტ მომენტებში შევძლებ თავის გამოჩენას ” .

წყარო : Juventus.com