ანიელი: ” დელ პიეროს მომავალი დიდი ხნის წინ გადაწყდა “

გუშინ ოფიციალურმა “იუვენტუსმა” ლაციოს ადმინისტრაციულ ოლქს “კალჩიოპოლის” სკანდალის შემდეგ განცდილი ზარალის ანაზღაურების საკითხით დაკავების მოთხოვნით მიმართა. ახლა ამ თემაზე “ბებერი ქალბატონის” პრეზიდენტი, ანდრეა ანიელი საუბრობს. პრეზიდნეტი რამდენიმე სიტყვით დელ პიეროს მომავალსაც შეეხო…

” 10 აგვისტოს პრესკონფერენციაზე დაწყებული საქმე 14 ნოემბერს გაგრძელდა. მაშინ ვთქვით, რომ მიზნის მისაღწევად შვიდ მეთოდს გამოვიყენებდით, დღეს ძალაში პირველი მათგანი შევიდა. პირველ რიგში გვსურს, ის ნაბიჯები გადამოწმდეს, რომლებიც სასამართლოს მხრიდან 2006 და 2011 წლებში გადაიდგა. რაც შეეხება “ინტერს”, ეს უკვე მეორეხარისხოვანი მიზანია. გვსურს ფეხბურთის ფედერაციის მიერ მიღებულ გადაწყვეტილებებში თანასწორი თამოკიდებულება და სამართლიანობა იგრძნობოდეს. ჩვენთვის მხოლოდ ორი ვარიანტი არსებობს, შეცდომები ან 2011 წელს ან ხუთი წლის წინ იქნა დაშვებული. ”

პრეზიდენტმა რამდენიმე სიტყვით Lavoro -ს პრიზის მიღებაზეც ისაუბრა. ის ჯონ და ანდრეა ელკანებს ახალ სტადიონთან დაკავშირებით გაწეული შრომის საფასურად გადაეცათ: ” როცა ამის შესახებ გავიგე, სასიამოვნოდ გაკვირვებული დავრჩი. ნაჩვენები იქნა გახსნით ცერემონიალის ვიდეოს ამონარიდიც, ჩატარებული სამუშაოს გამო გაოცება და სიხარული ვიგრძენი. ამ სტადიონის აშენების პროცესში შუა გზაზე გაჩერებამაც მოგვიწია. 90 -იან წლებში დაწყებული სამუშაოები ფინანსური კრიზისის გამო შეწყდა, თუმცა მისი დასრულების პირველივე ნიშნების გაჩენისთანავე პროცესი განახლდა და ახლა მიზეზი გვაქვს, ვიამაყოთ. ”

” დელ პიერო? პრესაში ჩემს მიერ აქციონერთა შეკრებაზე ნათქვამი სიტყვების უამრავი ინტერპრეტაცია გაჩნდა. მაგრამ სინამდვილეში უკვე დიდი ხნის შეთანხმებული იყო, რომ კონტრაქტი აღარ გახანგრძლივდებოდა. იმ დროს სურვილი მქონდა კლუბის ლეგენდისთვის “იუვეს” რიგებში გატარებული წლებისათვის სამაგიერო გამეღო. ახლა პარმაში ვიმყოფები, “იუვენტუსის” ისტორიის ახალი ფურცელი სწორედ ამ ქალაქის გუნდთან თამაშით დაიწყო. “ბიანკონერების” რიგებში პირველივე სეზონში დელ პიერომ აქ ჰეთთრიკი შეასრულა და იმის ნაცვლად, რომ ეს თანაგუნდელებთან ერთად აღენიშნა, ტელეკამერების წინაშე მადლობა გადაუხადა ყველას, ვინც “იუვენტუსში” მისვლაში დაეხმარა. ის ასეთია, ნამდვილი ჩემპიონი. დელ პიეროსთვის ჩვენთან ყველა კარი ღიაა, ჩემს ოფისში ნებისმიერი დროს მიიღებენ. დელ პიერო და “იუვენტუსი” – განუყოფელი ცნებებია, ისევე, როგორც პლატინი, ბონიპერტი და მრავალი სხვა. ” -აცხადებს ანიელი.

წყარო: “იუვენტუსის”ოფიციალური ვებ-გვერდი