პეპეს მატჩისშემდგომი კომენტარი

სამ კვირიანმა შესვენებამ , როგორც ჩანს არ იმოქმედა უარყოფიდათ ტურინელ ფეხბურთელებზე და არ ამოაგდო ისინი სათამაშო რიტმიდან . მორიგი ბრწყინვალე მატჩი ანტონიო კონტეს შეგირდების შესრულებით და ამჯერად , ბიანკონერის ახალ არენაზე სიცილიური ” პალერმო ” იქნა განადგურებული : ” ეჭვიც არ გვეპარებოდა , რომ სწორედ ასეთ სტილში ვიასპარეზებდით ” – ამბობს სიმონე პეპე , რომელმაც გახსნა კიდევაც ანგარიში ამ დაპირისპირებაში – ” რადგან კარგად ვიცით , თუ რისი გაკეთება შეგვიძლია , მწვრთნელმა თითოეულ დეტალზე იზრუნა . თუ ჩვენი სტარტი წარმატებულად ითვლება , ეს ნიშნავს , რომ სამწვრთნელო შტაბმა ყველაფერი სწორად გააკეთა ” …

სიმონეს საკმაოდ კარგი ურთიერთობა ჩამოუყალიბდა ანტონიოსთან , შედეგად იტალიელი ფეხბურთელი რეგულარულად ძირითად შემადგენლობაში ასპარეზობს ტურინულ კლუბში და ასევე , დაიმსახურა სკუადრა აძურის რიგებში მოხვედრაც : ” ეს ყველაფერი მუხლჩაუხრელი შრომის შედეგია და რა თქმა უნდა მწვრთნელისიც , რომელმაც ირწმუნა ჩემი შესაძლებლობების . როდესაც ზაფხულში , გაუთავებელი საუბარი მიდიოდა იმაზე , რომ დავტოვებდი ტურინს , ანტონიომ დამირეკა და პირდაპირ მითხრა : დროა წერტილი დაესვას ამ უაზრო საგას , შენ ” იუვენტუსში ” რჩები . ეს მნიშვნელოვანი რამ იყო ჩემთვის ” .

” ჩემპიონატის დასრულებამდე ჯერ კიდევ დიდი დროა . მართალია , მშვენივრად დავიწყეთ , მაგრამ დრო გვიჩვენებს თუ რისი მიღწევა შეგვიძლია რეალურად . რა თქმა უნდა , ამ ეტაპზე რთულია სუსტი მხარეების პოვნა , რადგან ბურთს ძირითადათ სულ ჩვენ ვაკონტროლებთ და პირველსავე შესაძლებლობის დროს ვუტევთ , მაგრამ ხომ აუცილებელია ამავე ტემპში ასპარეზობის გაგრძელება ” .

წყარო : ტურინის იუვენტუსის ოფიციალური ვებ გვერდი