“იუვენტუსი” 3 – 0 “პალერმო” ( ფეხბურთელების შეფასებები )

გთავაზობთ გუშინდელ მატჩში მონაწილე ფეხბურთელების შეფასებებს…

ბუფონი 7 – ასპარეზობს საოცრად დამაჯერებლად და ორ ეპიზოდში ილიჩიჩს გოლის გატანის უფლებას არ აძლევს.

ლიხშტაინერი 7 – მონადირე ძაღლი, რომელიც ანადგურებს მოწინააღმდეგეს.უტევს როგორც ტანკი, მაქსიმალურად იყენებს თავისუფალ სივრცეს, რომელიც მიკოლის პასიურობითაა გამოწვეული.ერთადერთი შეცდომა – გოლის გატანის პირველი მცდელობისას, ილიჩიჩმა სწორედ შვეიცარიელის ფლანგიდან შეუტია.

ბარძალი 6 – ზედმიწევნით ასრულებს დაკისრებულ მოვალეობებს.

ბონუჩი 5.5 – აგრძელებს რისკიანი გადაწყვეტილებების მიღებას.”პალერმოს” ფაქტიურად ყველა კონტრშეტევა, იტალიელი მცველის არადამაჯერებელი მოქმედების შედეგი იყო.

კიელინი 7 – აკეთებს შესანიშნავ გადაცემას პეპეზე პირველი გოლის ეპიზოდში.ყურადღებით უტევს და აკონტროლებს დაცვას ისევე ზედმიწევნით, როგორც მას ძველ დროს ახასიათებდა.

პეპე 6.5 – პირველ ტაიმში საოცრად შედეგიანი იყო, გაიტანა გოლი და გააკეთა საოცარი გადაცემა ანდრეა პირლოზე.მეორე ტაიმში ერთვება თამაშიდან.

ვიდალი 7 – 90 წუთის განმავლობაში აქტიურად, დაუღლელად უტევს “პალერმოს” ნებისმიერ ფეხბურთელს.

პირლო 7 – თუ არ იცი როგორ იმოქმედო ბურთთან, გადაეცი იგი პირლოს.”იუვენტუსის” წამყვანი და შეუცვლელი ფიგურა.საოცრად ურტყამს კარში, მაგრამ ძელი გოლის გატანის საშუალებას არ აძლევს.

მარკიზიო 7.5 – ვარსკვლავი.კონტეს სქემის შეუცვლელი ფიგურა.არცერთ ფეხბურთელს არ განუცდია ისეთი პროგრესი ეფექტიურობის, შედეგიანობისა და ინდივიდუალიზმის მხრივ, როგორც კლაუდიოს,ყველაზე აქტიურია მეტოქის შეტევების ჩაშლაში, გააქვს სეზონში მეხუთე გოლი.

პაციენცა ( 77 – ე წუთიდან ) 6 – დამაჯერებლად ასრულებს იმას, რაც მას ევალებოდა.ამაგრებს ნახევარდაცვის ხაზს.

ვუჩინიჩი 6.5 – პირველ ტაიმში შეტევაში აქტიურობით არ გამოირჩეოდა, ეხმარებოდა ნახევარმცველებს.შესვენების შემდეგ სრულიად იცვლება, უტევს და აკეთებს საგოლე პასს მარკიზიოზე.

კვალიარელა ( 67 – ე წუთიდან ) 6 – ურტყამს კარში საჯარიმოს გარედან.

მატრი 7 – ბრუნდება უმაღლეს დონეზე, არა მხოლოდ გააქვს გოლი, არამედ ეხმარება უკანახაზს.ხუთი გატანილი გოლი 9 შეხვედრაში – თითქმის იგივე შედეგი, რაც გასულ სეზონში.

დელ პიერო ( 81 – ე წუთიდან ) – შეფასების გარეშე.

კონტე 7.5 – როგორ შეიძლება შეაფასო მწვრთნელი, რომელიც გუნდს გამარჯვების წყურვილსა და მებრძოლ ხასიათს უნერგავს.იგი საოცარ კოლექტივს ქმნის.

წყარო : La Stampa