კიელინი: ” ეს გამარჯვება მნიშვნელოვანი სიგნალია “

“ინდივიდუალურობა” – ეს ის სიტყვაა, რომელიც თანამედროვე ფეხბურთში ძალიან გაიცვითა, თუმცა “იუვენტუსის” მიერ გუშინ ნაჩვენებ თამაშში სწორედ რომ “ბიანკონერების” განსაკუთრებულობა იგრძნობოდა. ეს იგრძნო ჯიორჯო კიელინიმაც, კარის მშრალად შენახვაში ბუფონთან ერთად, მისი წვლილიც დიდია: ” ამ გამარჯვების შემდეგ საკუთარი ძალებისა და წარმატებული სეზონის რწმენა სულ უფრო და უფრო იზრდება. დღეს ბევრი პრობლემა შეგვექმნა და, შესაძლოა, ეს ჩვენი საუკეთესო თამაში არ ყოფილა, თუმცა ასეთ შეხვედრებში გამარჯვება მნიშვნელოვანი სიგნალია. იმავეს “სან პაულოზე” განმეორება ჩვენი ზრდის კიდევ უფრო დიდი დასტური იქნება, სამშაბათს ისეთივე განწყობით გავალთ მოედანზე, როგორც “ლაციოსთან”. მიუხედავად ყველაფრისა, საბოლოო მიზნებზე საუბარი ჯერ ისევ ადრეა. სამუშაო ბევრი გვაქვს, ამ დღეებს სწორედ აქ დაშვებულ შეცდომებზე ანალიზში გავატრებთ, რათა ისინი მომავალში აღარ განმეორდეს. ” -აცხადებს კიელინი.

წყარო: “იუვენტუსის” ოფიციალური ვებ-გვერდი