“იუვენტუსი” 5-3 “ენტელა კიავარი”

ბიანკონერები “ჩეზენასთან” მატჩისთვის მომზადებას განაგრძობენ.დღეს ანტონიო კონტეს შეგირდებმა მორიგი მეგობრული მატჩი გამართეს, ამჯერად იტალიის მეოთხე პროფესიონალური ლიგის გუნდ “ენტელა კიავარისთან”.ფეხბურთელებთან ერთად ვინოვოზე იმყოფებოდნენ ჯუზეპე მაროტა და ფაბიო პარატიჩი, რომლებიც ტრიბუნებიდან შეხვედრის მიმდინარეობას ადევნებდნენ თვალს.აღსანიშნავია ისიც, რომ “ენტელას” უბრალო მეტოქე არ აღმოჩნდა, თავად დაპირისპირება კი უხვგოლიანი გამოდგა.

მატჩის პირველი ნახევარი ლიგურიელების სასარგებლოდ 2-1 დასრულდა, სტუმრები ცდილობდნენ სწრაფად ემოქმედათ და ნებისმიერ მომენტში მზად იყვნენ კონტრშეტევის განსახორციელებლად.ფაქტია, ანტონიო კონტესთვის მატჩის ანგარიში მეორეხარისხოვანი იყო, იტალიელი სპეციალისტი ცდილობდა, ტაქტიკური მონახაზები და კომბინაციები დაეხვეწა.ძირითად შემადგენლობაში შემდეგი ფეხბურთელები გამოჩნდნენ : მანინგერი; მოტა, გუანო ( პრიმავერა ), ლუკა მარონე, დე ჩელიე; ჯაკერინი, მარკიზიო, პაციენცა; დელ პიერო, კვალიარელა და კრასიჩი.

ანგარიში სტუმრებმა გახსნეს, პრიმავერას ახალგაზრდა მცველმა, გუანომ კუთხურის შემდეგ ბურთი საკუთარ კარში ჩაჭრა.წონასწორობა ალესანდრო დელ პიერომ გაათანაბრა, რომელმაც ხელით თამაშის გამო ნიშნულიდან თერთმეტმეტრიანი ზუსტად შეასრულა.რამდენიმე წუთში ლენცონის კარგი თამაშის წყალობით სტუმრებმა მეორე გოლი გაიტანეს, შეცდომა კვლავ გუანომ დაუშვა.

შეხვედრის მეორე ნახევარი ახალგაზრდა ფეხბურთელების მოედანზე გამოსვლით დაიწყო, ლუკა მარონემ კი მოედნის ცენტრში გადმოინაცვლა.დელ პიეროსა და კრასიჩის ნაცვლად თამაშში იაკინტა და ელია ჩაერთვნენ.სულ მალე ჰოლანდიელის შესანიშნავი თამაშით ბიანკონერები წინ გაიჭრნენ, ელჯერომ დუბლი მიითვალა, საგოლე პასები კი კვალიარელას ანგარიშზეა.”ენტელას” მოთამაშეებმა მესამე გოლის გატანა მაინც შესძლეს, თავი ბერტოლიმ გამოიჩინა.

მოედანს დელ პიერო უბრუნდება, რომელმაც კვალიარელა გაცვალა.მატჩის მიწურულს ყველაზე აქტიური ვინჩენცო იაკინტა იყო.იტალიელმა ჯერ თავად გაიტანა, შემდეგ კი ემანუელე ჯაკერინის გაატანინა.საბოლოო ანგარიში 5-3, ბიანკონერების სასარგებლოდ.

წყარო : Juventus.com