კონტე : “ცვლილებებს აუცილებლად გავაკეთებ”

“იუვენტუსის” მწვრთნელი ანტონიო კონტე ხუთშაბათს გასამართ “კოპა იტალიის” მატჩში, “ბოლონიას” წინააღმდეგ, გარკვეულ ცვლილებებს გეგმავს….

“თითოეული ფეხბურთელისგან მაქსიმალურ მოტივირებასა და კონცენტრაციას ველი.იტალიის თასი ჩემთვის ძალიან მნიშვნელოვანია, ამიტომ იუვენტუსი ვალდებულია, კალჩოში ნაჩვენები კარგი შედეგი ამ ტურნირზეც განაგრძოს.სტორარი ? – ის ძირითად შემადგენლობაში დაიწყებს, ეს ბუნებრივია.მარკოს ვენდობი და შემიძლია განვაცხადო, რომ კოპა იტალიას ნებისმიერ შეხვედრაში იგი მონაწილეობას მიიღებს.ბუნებრივია, გარკვეული ცვლილებების გაკეთება მომიწევს, არჩევანი საკმაოდ დიდია.მაგალითად, მარცხენა გარემარბის პოზიციაზე ერთბაშად რამდენიმე ფეხბურთელს შეუძლია ასპარეზობა.”

“დელ პიერო ? – ალესანდრო გუშინ ვნახე, იგი თავს კარგად გრძნობს.რა თქმა უნდა, მას თამაში სურს, მაგრამ ყველაფერი ექიმებზეა დამოკიდებული.პირლო ? – მან რამდენიმე დღის წინ სამედიცინო შემოწმება გაიარა, ჩეზენასთან გამოტოვებულმა მატჩმა ანდრეას დასვენებისა და ფორმის აღდგენის საშუალება მისცა.ნებისმიერ შემთხვევაში, იგი ორშაბათის მატჩისთვის მზად იქნება.ბოლონია ? – ვიცით, რას წარმოადგენს ეს გუნდი.იმედი მაქვს, სტუმრები ლამაზ ფეხბურთს შემოგვთავაზებენ, ყოველ შემთხვევაში, ჩვენ მზად ვართ.”

წყარო: football-italia