პეპე : “იმედი მაქვს, გოლის გატანას ხვალაც მოვახერხებ”

შრომისმოყვარეობის განსაკუთრებული გრძნობითა და უმნიშვნელოვანესი გოლებით სიმონე პეპე დღევანდელი “იუვენტუსის” ერთ-ერთი წამყვანი ფიგურაა.ხვალ, იტალიელ ნახევარმცველს მისი მშობლიური გუნდის წინააღმდეგ მოუწევს თამაში…

“ჯილიაროსისა და განსაკუთრებულად ამ გუნდის ახალგაზრდული სექტორის მადლიერი ვარ, სწორედ მათი დამსახურებით ვარ დღეს პროფესიონალი ფეხბურთელი.იმედი მაქვს, ხვალ გოლის გატანას კვლავ შევძლებ.თავს ტურინის “იუვენტუსის” ნაწილად ვგრძნობ, მუხლჩაუხრელად ვშრომობ, რათა ყველაფერი ასე გაგრძელდეს.ახალგაზრდული ასაკიდან ვცდილობდი ტოტისა და შევჩენკოს მსგავსად მეთამაშა, ახლა კი მაქვს პატივი, დიდი ფეხბურთი ვითამაშო.”

“სკუდეტოზე საუბარს აზრი არ აქვს – ჯერ ადრეა.მართალია, სერიოზული გამოცდები უკვე ჩაგვიტარდა, ვეთამაშეთ გუნდებს, რომლებიც სერიოზულად იბრძვიან ტიტულისთვის, მაგრამ მიზნამდე ჯერ კიდევ შორია.ბონიპერტი მართალი იყო, როცა ამბობდა, რომ დიდი გუნდის ასაშენებლად გამარჯვების დაუოკებელი გრძნობა და ტალანტია საჭირო.დღევანდელი შემადგენლობიდან ერთი კონკრეტული ფეხბურთელის გამოყოფა რთულია, მაგრამ ვფიქრობ, რომ პირლო იუვენტუსის ერთ-ერთი მთავარი გასაღებია.”

“4-3-3 ტაქტიკაზე გადასვლა ჩემთვის მცირე საჩუქარი იყო, ამ პოზიციაზე თავს შესანიშნავად ვგრძნობ, უდინეში სწორედ მარჯვნიდან ვუტევდი.გარდა ამისა, ვარჯიშების დროს უდიდეს ყურადღებას ვამახვილებთ კარში დარტყმებზე, მატჩის მიმდინარეობისას საშუალება მაქვს, ხელსაყრელი პოზიციიდან  აქტიურად შევუტიო.“

სიმონემ გოლის განსაკუთრებულ აღნიშვნაზე, გოლფის სტილზეც ისაუბრა : “გოლფის თამაში აკვილანისთან ერთად დავიწყე, სწორედ აქედან დაიწყო ყველაფერი.ახლა, როცა ალბერტო მილანში თამაშობს, ამ სპორტის სახეობას უმეტესად ვიდალთან ერთად ვეუფლები.რაც შეეხება არტუროსთან ერთად გოლის აღნიშვნის მეორე სტილს, ეს Tuttosport – ში წაკითხული სტატიიდან ვისწავლე, რომელიც ჩილეს მთავარ მწვრთნელს, ბორგის ეხებოდა.ეს მხოლოდ ხუმრობაა, ვიდალთან შესანიშნავი ურთიერთობა მაქვს, ის ჩემი დიდი მეგობარია.მის გარშემო შექმნილი ვითარების გამო გაკვირვებული ვიყავი, ისლამ მითხრა, რომ ჩილეში არტუროს უდიდეს პატივს სცემენ, სწორედ ამიტომ საუბრობენ მასზე ამდენს.”

“მილანი ? – იუვენტუსში 24 კონკურენტუნარიანი ფეხბურთელი ირიცხება, ამიტომ ვფიქრობ, რომ ნებისმიერ მოთამაშეს შეუძლია თანაგუნდელის ჩანაცვლება.ბუნებრივია, როსონერის აქვს უპირატესობა, მაგრამ სიძლიერე მოედანზე უნდა დაამტკიცო.ვფიქრობ, რომ დღევანდელ იუვენტუსს გაცილებით მეტად სურს გამარჯვება, ვიდრე მილანს.არ შეიძლება არც უდინეზეს დავიწყება, რომელიც საუცხოო ფეხბურთს აჩვენებს.”

წყარო : Tuttojuve