“იუვენტუსი” 4 – 0 “ოლიმპია ანიონეზე” ( მიმოხილვა )

ანტონიო კონტეს შეგირდები “ნოვარასთან” მატჩისთვის ემზადებიან.გუშინდელ ვარჯიშზე ვინოვოს სამწვრთნელ ბაზას სერია D – ს ბინადარი “ოლიმპია ანიონეზე” ეწვია, რომელმაც მეგობრული მატჩი გამართა ბიანკონერებთან.

ტურინის “იუვენტუსის” მთავარმა მწვრთნელმა ამჯერად 4-3-3 ტაქტიკა აირჩია, ძირითად შემადგენლობაში კი შემდეგი ფეხბურთელები დააყენა : სტორარი; მოტა, სორენსენი, ბონუჩი, დე ჩელიე; მარონე, პაციენცა, ჯაკერინი; დელ პიერო, კრასიჩი, კვალიარელა

შეხვედრის დაწყებიდან სულ რამდენიმე წუთში ანგარიში კაპიტანმა გახსნა, რომელმაც მარკო მოტას გადაცემით იხეირა და ანგარიში გახსნა.უპირატესობის ორამდე გაზრდის კარგი შანსი ჰქონდა ფრედერიკ სორენსენს, თუმცა დანიელი მცველის აქტიურობას სტუმართა მეკარე დაუპირისპირდა.

მეორე გოლი მიკელე პაციენცას წამოწყებულ კომბინაციას მოჰყვა, რომელმაც მილოშ კრასიჩს გაუკეთა გადაცემა, სერბის მოწოდებას ფაბიო კვალიარელას უძლიერესი დარტყმა მოჰყვა და ანგარიში გაორმაგდა.

მატჩის მეორე ნახევარში ანტონიო კონტემ თამაშის გამწვავება გადაწყვიტა და მოედანზე ელჯერო ელია, მარსელო ესტიგარიბია, ლუკა ტონი და სიმონე პეპე შემოუშვა, შესაბამისად, ალესანდრო დელ პიეროს, პაოლო დე ჩელიეს, ფაბიო კვალიარელასა და ემანუელე ჯაკერინის ნაცვლად.მოედანზე გამოჩენიდან რამდენიმე წუთში სახიფათო მომენტი პეპემ შექმნა, თუმცა “ოლიმპიას” კარი ამჯერად ხარიხამ იხსნა.სულ რამდენიმე წუთში ლუკა მარონეს კარგი პასით კრასიჩი მეკარესთან ერთი – ერთზე დარჩა და მესამე გოლის გატანა შეძლო.გატანილი გოლის შემდეგ სერბის ნაცვლად მოედანზე ალესანდრო მატრი გამოჩნდა, მიკელე პაციენცა კი პრიმავერას ნახევარმცველმა, ნიკოლო კორტიკიამ ჩაანაცვლა.

მეოთხე გოლი განსაკუთრებით სანახაობრივი გამოდგა.მარჯვენა ფლანგიდან წამოწყებული სოლო რეიდი თავად მარკო მოტამ დაასრულა და სტუმრების გამანადგურებელ ანგარიშს წერტილი დაუსვა.

შეხვედრის ბოლო წუთებში თავის გამოჩენის კარგი შანსები ჰქონდათ სორენსენსა და მარონეს, თუმცა ახალგაზრდებს არ გაუმართლათ.დანიელმა ბურთი მოედნის ცენტრში მიიღო, დარტყმაც შეასრულა, თუმცა ძელმა გოლის გაშვება არც ახლა ინება.იტალიის U21 ნაკრების ნახევარმცველმა კი მარცხენა ფეხით დაარტყა, ბურთი კარს სულ რამდენიმე მეტრით ასცდა.

წყარო : Juventus.com