ამაური “ჯენოაში” გადასვლაზე თანახმაა

13 years ago აკაკი მეტრეველი

ყველასათვის ცხადია, რომ ამაური იანვარში “იუვენტუსიდან” წავა. იტალო-ბრაზილიელი თავდამსხმელი სეზონის დასაწყისიდან მოყოლებული კლუბის განაცხადშიც ვერ ხვდება, რადგან ანტონიო კონტეს გეგმებში არ შედის. ამასთან აღსანიშნავია ისიც, რომ ამ ზაფხულს, მიუხედავად ყველაფრისა, ამაურიმ მარსელის “ოლიმპიკის” წინადადება უარყო. გავრცელდა ინფორმაციები იმის თაობაზე, რომ მისი უფლებათა პაკეტის შეძენით “ჯენოა” არის დაინტერესებული. ფეხბურთელის აგენტი, ჯამპიერო პოკეტა, საკუთარი კლიენტის მომავალზე საუბრობს:“გენუიდან არავინ დაგვკავშირებია, თუმცა თუ ისინი კონტაქტზე გამოვლენ, მზად ვართ მოლაპარაკებებისთვის. ამაური “ჯენოაში” გადასვლაზე თანახმაა. ამ გუნდს შესანიშნავი ფანები ჰყავს. ჩემი კლიენტი გენუურ ვარინტს განიხილავს. ამ ეტაპზე მოლაპარაკებები არავისთან მიმდინარეობს, თუმცა სატრანსფერო ფანჯარა ჯერ არ გახსნილა და დრო კიდევ ბევრია.” – განაცხადა პოკეტამ.