მაროტა : “კასერესი ? – საინტერესო ფეხბურთელია”

ტურინის “იუვენტუსის” სპორტული დირექტორი, ჯუზეპე მაროტა ბიანკონერების წარმატების მთავარ გასაღებად ანტონიო კონტეს მიიჩნევს : “მწვერვალამდე მან ძალიან დიდი გზა გაიარა.ანტონიომ გუნდთან ბევრი იმუშავა და ჩამოაყალიბა მებრძოლი სული, ახლა თითოეულ ფეხბურთელს გამარჯვების უდიდესი სურვილი აქვს”. მოახლოვებული შობა ბოლო იქნება ბებერი ქალბატონის ლეგენდისთვის, საუბარია ალესანდრო დელ პიეროზე, მაგრამ ჯუზეპე ამ თემაზე არ საუბრობს : “კონტე შესანიშნავად იცნობს მის შეგირდებს და მოედანზე გამოსვლის შანსს მხოლოდ საუკეთესოდ მომზადებულებს აძლებს.კვალიარელა ? – ფაბიომ უმძიმესი ტრავმა გადაიტანა და ბედნიერები ვართ, რომ მისთვის უმნიშვნელოვანესი გოლი მინიმალურ დროში გაიტანა.

არდადეგებამდე ტურინელებს გასვლითი შეხვედრის ჩატარება მოუწევთ, უდინეში : “უმნიშვნელოვანესი მატჩი, მაგრამ არა გადამწყვეტი”, აცხადებს მაროტა, რომელსაც შემდეგი კვირიდან სატრანსფერო ბაზარზე ექნება სამუშაო : “კონკრეტული სამიზნეები არ გვყავს, მაგრამ სხვადასხვა კანდიდატურებს აუცილებლად განვიხილავთ.მზად ვართ, საჭიროების შემთხვევაში გუნდი გავაძლიეროთ.ტევესი ? – ის არ გვაინტერესებს, შეიძლება მან იტალიაში განაგრძოს კარიერა, მაგრამ ეს გუნდი იუვენტუსი არ იქნება.”

მაროტა არ გამორიცხავს, რომ “ინტერი” კვლავ იბრძოლებს სკუდეტოსთვის : “გასული წლების სტატისტიკა ამტკიცებს, რომ გრანდებს სწრაფად შეუძლიათ კრიზისიდან თავის დაღწევა.ყველაფერი შესაძლებელია, ჯერ კიდევ ბევრი მატჩია ჩასატარებელი.”

მსოფლიო პრესა “იუვენტუსს” მარკო ბორიელოს უკავშირებს, რომელიც იანვარში “რომას” დატოვებას გეგმავს : “სატრანსფერო ბაზარზე არსებულ ვითარებას ყურადღებით ვადევნებთ თვალს, მაგრამ აქვე მინდა ავღნიშნო კონტესა და მისი ბიჭების მონაგარი, ისინი პირველ ადგილზე იმყოფებიან.გამარჯვებისთვის ვიბრძვით, საბედნიეროდ ყველაფერი კარგად მიდის.”

მარტინ კასერესის შესაძლო დაბრუნების შესახებ სპორტულმა დირექტორმა ჟურნალისტებს ასე უპასუხა : “კასერესი – სერიოზული ფეხბურთელია, იგი კარგ თამაშს აჩვენებს და ევროპულ გრანდებს მისდამი ინტერესი ნამდვილად აქვთ.მისი შეძენა 12 მილიონად შეგვეძლო, მაგრამ იმ მომენტისთვის ფეხბურთელი იდეალურ ფიზიკურ მდგომარეობაში არ იმყოფებოდა, ამიტომ უარი განვაცხადე.ურუგვაელი ნამდვილად საინტერესო მოთამაშეა, მაგრამ გასათვალისწინებელია ეკონომიური შესაძლებლობებიც .”

გასულ კვირას რომში კალჩიოპოლისთან დაკავშირებით სასამართლო გაიმართა, რომელიც სამწუხაროდ უშედეგოდ დასრულდა : “მომავალს მშვიდად ვუყურებთ.იუვენტუსი მხოლოდ სიმართლისთვის იბრძვის.შეთანხმება ჯერ არ მიღწეულა ? – დიალოგის ფორმით საუბრები მიმდინარეობს, მაგრამ ჩვენს სასარგებლოდ სიმართლის თქმა არავის სურს.”

წყარო : Tuttosport