სორენსენის უფლებათა პაკეტის 50 % 3 მილიონი ევრო ღირს
ტურინის “იუვენტუსის” მცველის, ფრედერიკ სორენსენის უფლებათა პაკეტის 50% 3 მილიონი ევრო ღირს. იანვრის სატრანსფერო ფანჯრის პერიოდში დანიელი ფეხბურთელის მიმართ ინტერესს “ბოლონია”, “ჯენოა” და “ვოლსბურგი” იჩენენ, თუმცა, როგორც ჩანს, მოლაპარაკებებს ჯერ ოფიციალური სახე არ მიუღია. გასულ სეზონში სორენსენმა 18 მატჩი ჩაატარა, ანტონიო კონტეს გუნდში მოსვლის შემდეგ კი ახალგაზრდა უკანახაზელს თავის გამოჩენის საშუალება მხოლოდ ერთხელ, იტალიის თასის შეხვედრაში მიეცა. სორენსენის არენდით გაშვების შემთხვევაში, “ბიანკონერები” 3 მილიონ ევროს მიიღებენ და შესაბამისად, “სევილიას” უკანახაზელს, მარტინ კასერესს დაიმატებენ.