სატრანსფერო ციებ – ცხელება

Sky Sport – ის მიერ გავრცელებული ინფორმაციით, ტურინის “იუვენტუსის” გენერალური დირექტორი, ჯუზეპე მაროტა დღეს საღამოს საფეხბურთო აგენტთან, ჯუზეპე ბოცოსთან შეხვედრას გეგმავს.მოლაპარაკებების მთავარი თემა მარტინ კასერესის ტრანსფერის დეტალებია, “სევილია” ფეხბურთელის სანაცვლოდ 11 მილიონ ევროს ითხოვს, ბიანკონერები კი ამ თანხის მაქსიმალურად დაკლებას ცდილობენ.აღსანიშნავია ისიც, რომ ურუგვაელი მცველის დამატება ამავდროულად უარის თქმას ნიშნავს ფრედი გუარინის ტრანსფერზე, რადგან არც გუარინი და არც კასერესი არ სარგებლობენ ევროკავშირის პასპორტით, ორივე მათგანის შეძენა კი იტალიური გუნდებისთვის შეუძლებელია.უკანასკნელი ინფორმაციით, ნახევარდაცვის გაძლიერების კიდევ ერთ-ერთ კანდიდატად მაროტა ვალონ ბეჰრამის განიხილავდა, რომლის სანაცვლოდაც მზად იყო ამაურის ან მიკელე პაციენცას უფლებათა პაკეტი დაეთმო, თუმცა ტურინელებმა მაშინვე მიიღეს ფლორენციელებისგან მტკიცე უარი.შვეიცარიელი “ფიორენტინას” ძირითადი შემადგენლობის წევრია და მის გასხვისებას იები არ აპირებენ.რაც შეეხება კარვალიო ამაურის მომავალს, ყველაზე ახლოს იტალო – ბრაზილიელი სწორედ ფლორენციასთანაა, ჯერჯერობით მოლაპარაკებები მიმდინარეობს და ერთადერთი პრობლემა კარვალიოს ეკონომიკური მოთხოვნილებების დაკმაყოფილებაა.

წყარო : Tuttojuve