“იუვენტუსის” ოფიციალური პასუხი ცილისწამებაზე

“იუვენტუსმა” “ჩეზენას” წინააღმდეგ შესრულებულ პენალტთან დაკავშირებულ “უსუსურ და უტაქტო ცილისწამებასთან” დაკავშირებით კომენტარი გააკეთა. საუბარია იმ მომენტზე, როცა ანტონიოლის გაძევების შემდეგ კარში მდგარი გილერმე როდრიგესი ხელით აკეთებს მოძრაობას, რითაც, მეორე მხარის მტკიცებით, ვიდალს თავისი მოძრაობის მიმართულებაზე მიანიშნებს. ამასთან, საინტერესოა, თუ შეთანხმებულ თერტმეტმეტრიანთან გვაქვს საქმე, მაშინ, რატომ მიუთითებს თავისი მოძრაობის, და არა დარტყმის მიმართულებაზე. კარის დარაჯები ხშირად ცდილობენ მეტოქეთა დაბნევას. მოძრაობა, რომელსაც როდრიგესი ხელით აკეთებს, შესაძლოა საერთოდაც არ ჩაითვალოს მნიშვნელოვან დეტალად, მაგრამ თუ მას განზრახ ქმედებად მივიჩნევთ, უნდა ჩავთვალოთ, ის ვიდალის შესაცდენადაა გაკეთებული: მიუთითებს თავისგან მარჯვენა მხარეზე და თავადაც მოძრაობს იქით. ესეც რომ არა, წინასწარი შეთანხმების არსებობის შემთხვევაში, რატომ უნდა მიენიშნებინა მიმართულება ზუსტად დარტყმის მომენტში, ანუ მაშინ, როცა ყველა კამერა ამ ორი ფეხბურთელისკენაა მიმართული.თანაც რაში დასჭირდებოდა თერთმეტმეტრიანების დარტყმაში დაოსტატებულ არტურო ვიდალს დახმარება იმაში, რომ პენალტი გოლად ექცია, როცა კარში არა მეტოქეთა მეკარე, არამედ მცველი იდგა.იხილეთ “იუვენტუსის” ოფიციალური განცხადება და ვიდეო. 

“ პენალტის ჩანაწერის ირგვლივ არსებული სპეკულიაციები და იმის მტკიცება, რომ არტურო ვიდალი და “ჩეზენას” კარში მდგომი ფეხბურთელი შეთანხმებულად მოქმედებენ, “იუვენტუსის” ცილისწამების უსუსური მცდელობაა. “იუვენტუსი” კლუბისა და ფეხბურთელის ღირსებას დასაცავად, შესაბამის ზომებს მიიღებს. ”