ესტიგარიბია: ” აქ თავს ისე ვგრძნობ, როგორც საკუთარ სახლში “

მარსელო ესტიგარიბიამ “რომასთან” შეხვედრის შემდეგ მწვრთნელის შექება დაიმსახურა. სამხრეთამერიკელი, რომელსაც ჩელოდაც მოიხსენიებენ სულ რამდენიმე თვეა “იუვენტუსს” შეუერთდა და უკვე გუნდის სრულუფლებიანი წევრია, მალე დაეუფლა იტალიურს და არც ადაპტაციის პრობლემა ჰქონია. პარაგვაელი ჟურნალიტებს საკუთარ ემოციებს უზიარებს…

” ამ ლეგენდარული მაისურის ტარება დიდი პატივია, ყოველმა ჩვენგანმა წარმატებისათვის მაქსიმუმი უნდა გავიღოთ. მე სწორედ ასე ვიქცევი, რათა გუნდის სახელი და ღირსება დავიცვა და ის ნდობა გავამართლო, რომლის ღირსიც ხელმძღვანელობისგან გავხდი. როცა “იუვენტუსში” ხარ, უკვე ხვდები, რომ მწვერვალს მიაღწიე და ახლა უბრალოდ თითოეული ამოცანის შესრულება უნდა სცადო. მიხარია, რომ ამას ვახერხებ. ”

“ ყველაფერთან ერთად ტურინში თავს კარგად ვგრძნობ, აქ საკმაოდ თბილი ხალხია და კარგად მეპყრობიან. გასახდელში თავს ისე ვგრძნობ, როგორც საკუთარ სახლში, თანაგუნდელებსა და ტექნიკურ შტაბთან იდეალური ურთიერთობა მაქვს. იქაურობა ორი სიტყვით დახასიათდებოდა: სიმშვიდე და ბედნიერება. ირგვლივ უამრავი ჩემპიონია, რომელთაც ბევრი რამ მოუგიათ, თუმცა ვარჯიშებში ყველაზე მეტად სწორედ ისინი იხარჯებიან. ჩემნაირი ახალწვეულებისთვის ეს დიდი სტიმულია, მიბიძგებს მაქსიმალურად ვეცადო იმ შანსის გამოყენებას, რომელიც მომეცა. “ჩელოს ჟურნალისტებმა ერთი-ორი სიტყვის დელ პიეროზე თქმაც სთხოვეს: ” ალე ლეგენდაა, არაჩვეულებრივი ფეხბურთელი, როცა ვხვდები ყოველთვის ვახსენებ ხოლმე: ” ლეგენდა გრძელდება“.”

” რაც შეეხება ჩემს ოცნებას, რომელიც ეროვნულ ნაკრებს უკავშირდება, ბრაზილიის მსოფლიოს ჩემპიონატზე თამაში და იქ კარგი ფეხბურთის ჩვენება მინდა. ასევე იმ მარცხის რეაბილიტაცია მსურს, რომელიც წინა “კოპა ამერიკაზე” ურუგვაიმ გვაწვნია. “იუვენტუსში” კი ისევდაისევ ჩემი შესაძლებლობების ჩვენება და ბოლომდე დახარჯვა მსურს, როგორც თასის, ისე ჩემპიონატის მატჩებში. მინდა ეს გზა მომავალშიც გაგრძელდეს და “ჩემპიონთა ლიგაზე” კლუბის წარმატებაში გადამწყვეტი როლი ვითამაშო. ” -აცხადებს ესტიგარიბია.

წყარო: “იუვენტუსის” ოფიციალური ვებ-გვერდი